عقارب ذوي القربى

البارت السادس والسبعون

مها
مثل كل مره اندك الباب وسالت منو ولو اعرف دگة عصام
اجاني صوته // اني ست مها
هو كل خميس يدز اب ايده مسواك يكفينه انا وملاك اسبوع واكثر
واليوم الاثنين
شعجب جاي
فتحتله الباب ورحت دخلت جوه اخذت ملاك وكعدنا بالغرفه
سمعت دكة باب الصاله عرفت عصام راح
طلعت حتى اشوف المسواك وارتبه لكن اتفاجات
شفت عصام واكف ويا زينب بت عقيل
وهيه لابسه ملابس المدرسه وجنطتها مالت الكتب بجتفها

فتحت عيوني ع الاخر وهمه مبين عليهم التوتر والخوف
عصام واكف ايباوع الزينب الي تخزرني
ويرجع ايباوع الي
بلعت ريكي من المفاجئه سالتهم = خير شصاير

بقو واكفين رديت حاچيت عصام = شكو شبيكم
عصام مدنك وزينب وجهها ما يتفسر
جاوبتهم = اذا تبقون ساكتين هسه راح اخابر عقيل

عطت بيهم = عصام فهمني شكو وشتسوي زينب جايه اهنا
دنك وجاوبني // ست الي صار غصبن علينه

عرفت صاير بيناتهم شي اتقربت منه وانا ارجف
= ولك احچي شكو
عصام // ست لا تفهمينه غلط الي بينه انا وزينب واحد ايحب الثاني والله ست
حبيتها حب شريف وادري حب مستحييل وحاولت ابعد بس ما كدرت
= اي وشنو الي صار
عصام // هيه اجت وخلتني امام الامر الواقع
فريت ايدي = اجت وين
- للشقه مالتي

شهكت = اول مره اعرف عندك شقه
هز راسه // - اشتراها الي استاذ عقيل
هزيت راسي // اشتراها الك حتى تغوي بته وتجييك هذا جزائه صدك اتقي شر من احسنت اليه
عصام //. لا ست مو عصام الي يعض الايد الي انمدت اله. خابرتني وكلتلي انا اباب العماره
دليتها بالمفتاح وابد ما وصلت لهناك وما قبلت على تصرفها ردت ارجعها
واعرف عقيل يقتلها ويقتلني

فريت ايدي ==الله يساعده العقيل شيريد يتحمل
عصام // ست اني مو مهم خلي يقتلني خلي يذبحني ويذب لحمي للچلاب اني استاهل
بس زينب لا

باوعت الها واشرت = وانتي ست زينب شنو هذا الي سويتي
جاوبتني واتفاجات بردها // اني ما سويت شي غلط هو حب خدامه واخذها واني
حبيت واحد يشتغل عنده حبيته واريده بالحلال ولو ادري بي جايبني لهنا وانتي موجوده ما اجيت

باوعتلها واخزر بيها لزمتها من ذراعها
= اولا انا هسه زوجة ابوج قبلتي او لا
ثانيا انتي مو بگد عقيل حتى تقارنين نفسج بي
واذا عبالج بهذا كلامج تستفزيني تكونين غلطانه

هيه نترت ايدها مني
- والله صار عندج لسان وتحچيين طبعا لان عبالج خلاص
بابا اتزوجج خلص راح يتركنا لا اصحي على نفسج
هو حتى من جابج وما اتقبلناج ما وبخنا گدامج لان ما يريد
ايسمعج او ايكبر راسج

عصام // زينب اسكتي
هزت راسها وجاوبته بعصبيه // لا ما اسكت خلي تفهم وهو هم خلي يفهم مثل ما
حب خدامه وفرضها علينه اني حبيتك وراح افرضك عليهم