عقارب ذوي القربى

البارت الثامن والخمسون

هلو حبايب
بسبب طلبكم مني  وعلى الخاص شكد راسلوني تردون بارت بسبب القفله الي اكثركم انجلطتو من
وراها هاي انا نزلت الكم بارت اعتبره
قصير او خلي نكول بارت اله ربع لان يحتوي على 2500 كلمه راح انزله الكم
بس تصبيره حتى تفهمون شلي صار ولو اكثركم خمن الي صار تدللون وتستاهلون بس
لاتنسوون التصويت وياريت ترفعوها للقصه لان والله جاي اتعب وهملت اكثر واجباتي بس حتى اكتبها
تحياتي
آنيين الليل
////////////////////////.........................../////////////

عقيل
چنت مسافر لمن ما اجيت وشفت مها اول مره ما اعرف ليش من شفتها خفت عليها لايسحبها
ماطور الماي ومن حجيت عليها وردت عليه بوقتها ردت اضربها واعلمها شلون ترد
لكن بمجرد ما شفت ثوبها المشكوك طلبت منها تروح اتغيره لان شفت شي من جسمها
خلاني ارجف اللحظه وهذا الاحساس جان غايب عليه

وشفتها من ركضت وهي لطمت على خدها ورحت الغدير سالتها عنها وجاوبتني انو ابو سبع جابها
وانا منطي تعليماتي ابو سبع الوحيد الي من يتصرف محد ايناقشه بس اني
وشفته وسالته عنها هو كلي انو هو يعرف ابوها لكن اني اعرفه الابو سبع اذا كان كلامه صح.
او يكذب بعدين سولفلي القصه او وين لكاهن سالته سوال ::  انت شتعرف منها ودخلتها للبيت
كان جوابه الي // هيه حلوه وشابه وذكيه تكدر كل شي تسوي
:: ومنو كلك هيه ما مسويه شي

اهنا ابو سبع گلي كلام ما خلاني افكر او اشك بلحظه // هاي انت تحجي هالشكل عقييل تره الي تريد تسوي
شي مو زين تروحلها الفد مول السوك الشارع يم الاشاره لكن هاي البنيه خايفه الله لان تعرف انو حتى لو يجون
اشخاص مو خوش اوادم فما يكدرون يعتدون عليها او على اخواتها بهذا المكان لگيتها غافيه وهيه گاعده وحاضنه
اخواتها اباب الجامع

  ومن سالته منو يكول اخواتها هو گلي انو شاف بطايقهن انو نفس الاب ونفس الام وانا شفت بطاقة مها
وخليتها تشتغل وصرت لا اراديا اراقبها واشوفها شلون تتعامل ويه امي وشلون تحجي وياها وتضحكها
وتبوسها حسيت امي رغم مرضها وعجزها بس قابله عليها ويجوز تحبها

كنت اشوفها وهيه ترتبك وتخاف مني ومرات لا اشوفها قويه اهتميت بكل تفاصيل حياتها وانا الي
كان اي شي ما يهمني ولا متعلق بشي لان انا بالحقيقه انسان متحطم من الداخل لكن ابين القوه
گدام الناس وعدم اللامبالاة وفعلا انا عندي نوع من القوه وما اهتم الاي شي بس الشغلي الي يوم
عن يوم يكبر ويتوسع ،

من طلبت مني اجازه حتى اختها تروح تمتحن وگالت ايطلعن الفجر ويرجعن بنفس اليوم
خفت عليهن وانا اتصور شلون بنات يرحن ابحدهن يمكن احد يتحرش بيهن ايسمعهن كلمه
وبيومه خابرت ابو سبع وعلاء واثنينهم كان عدهم شغل ما اخفيكم ارتاحيت من ما قبلو يجون
لان ردت اني اخذهن واشوف وين عايشات واخذتهن وانا اشوف البراءه بوجهها وهيه نايمه
عرفتها نامت من التعب

ومن شفت نادر وهيه واكفه ويا حسيت بنفسي ضجت لا وردت اروح اضربه واضربها ومن عرفتني
على انه اني زوج خالتها وهو جيرانهم الي ما ارتاحيت النظرته الها وقررت بعد ما اخليها تجي لهنا الاي
سبب بحيث اني كملت كل اجراءات نقل اختها رهف