عقارب ذوي القربى

البارت السادس والاربعون

هلو حبايب
الكثير راسلني ع الخاص وحتى على العام يكولولون اتفاجئنا من صورة عقيل ليش هيج
ماكو صوره احلى
عقيل بالحقيقه يشبه هاي الصوره لكن هوه بعد اطول
وانوه واگول انو عمره 43 مو 47 لكن يبين عمره اكثر من خمسين  لان اكيد حاله حال اي بشر عنده قصه ضامها وما يقبل
ايطلعها واكيد الانسان مو بالشكل انا عن نفسي عجبتني صورته اشوفها مناسبه الرزانته وثگله
واكيد الاحداث القادمه راح تكون مشوقه
//////////////////////////////

مها
= يعني راح تبقى نهله وروان وياي وين ما اروح
= ليش انا مو حالي من حال اي بنيه تريد تنحب وتحب
نفخت وضربت ضربات خفيفه على راسي = اصحي وج مها شنو انتي تحبينه السيف
هزيت راسي = مو قصة حب بس انا هم من حقي اريد استقر
= مها لاتنسيين انتي مجرد ابيت عقيل خدامه الامه وهاي مال التاجر وياخذله خدامه هاي بس بالمسلسلات

= اصحي مها وفكري بعقل انتي خذيتي عمرج كله وانتي تعبانه واصلا منبوذه من المجتمع ومن اقرب الناس الج
=نسيتي الي سوته امج وشلون دفعتج من رحتي ويه بيبتج
= لو الي سوا سليم
= لو حلا
= لو حتى ابوي الي ما فكر يغير من حياته الخاطرنه
= وكملتها روان

فريت ايدي = مها وين خوالج وين عمامج وحتى بيبي هيه السبب بالي وصلناله
= كافي اصحي لا انتي من ثوب سيف ولا سيف من ثوبج
= انتي كافي وزايد عليج يباوعلج واحد مثل الحرس الي ابيت عقيل وحتى هذا ما فد يوم باوعلي
  = ليش هلكد مهتمه شبيج مها
  حچيت = لان تعبت اريد استقر اريد اعيش مثل ما باقي الناس عايشه
باوعت الملاك وهزيت راسي = ما راح تعيشين لان هاي بركبتج

درت وجهي وحاولت انام لكن صورة سيف وشخصيته ما فاركتني گعدت على حيلي وحجيت
= على فرض قبلو بيه اهله وانا خدامه ومن يسالوني على اهلي ما يردون احد يخطبوني منه
= اي راح اكول احنه بس تلث بنات امي بالولاده ماتت وابوي يشتغل ما عدنه لا خال ولاعم
= باالله ما اقتنعو وكالو نروح نسال بالديوانيه
= ذاك الوكت انطيهم عنوان نادر
= هههه نادر ومنو يكول راح يلزم ظهرج وبعدين مو كال شلت من المنطقه
= انا اسولف ويا واكله اريد استقر واعيش اخواتي

خليت ايدي على خدي وصفنت بعدها اتحسرت وهزيت ايدي وانا اكول
= اصحي مها اشو خليتي سيف يخطبج واهله يقبلون بيج وراح تدزينهم النادر يسالون عنج
= اصحي كافي احلام هاي بس بالمسلسلات البطل ياخذ خدامه
رجعت على فراشي اتمددت واحجي = يعني حرام علينه نحلم
سمعت صوت رهف تگول // اي حرام الفقراء كل شي محرم عليهم
درت شفتها متمدده على فراشها سالتها = انتي گاعده
هزت راسها // اي گاعده وادري بيج ما نايمه
= ما جايني نوم

حاولي تنامين حتى الصبح ترحين الشغلج
اتمددت وكلام سيف ما جاي يروح من بالي = معقوله ايحبني
درت على صفحتي = ديري بالج مها احذري اتذكرين مضر هم عبالج ايحبج نسيتي شطلب منج ديري بالج
مها انتي مو ابحدج لاتنجرفيين
= يارب ساعدني ما الي غيرك
نمت وكعدت الصبح متاخره بسرعه صليت وخدرت جاي ومن كمل ندهت رهف وكتلها
= اكعدي اتريكي واذا تعبانه ارجعي نامي
= ولا تنسيين اتغيرين الملاك لان انا متاخره