عقارب ذوي القربى

البارت الثاني والستون

مها
هاي صار اكثر من تلث تشهر انا ابيع كلنس وياي ملاك الي اتعايشت ويه جو البيع والشارع
لكن مرات تاذيني وتخاف اذا صارت ازدحامات
چنا بالمنطقه الجديده واحد ما اله غرض بالثاني وانا ما التقي اب احد لان اساسا
اطلع الصبح وارجع بالليل
البيت الي سكنه بي صحيح زغير كلش لكن كافي علينه  ونظيف

ارجع بالليل واوگف اتسوك وصرت اطبخ التمن الملاك بالليل تتعشى وتنام لان بالنهار نگضيها
اي شي ناكله ونسد جوعتنا بي

استاذ محمد الي دعم ملاك ما قصر وگف ويانه وما اتخلى عنه چان يوميه ينطيني خمسه وعشرين
وجنت ما اصرف منهم اله شي قليل واضم الباقي لان ما اعرف الزمن شضاملي
اما علاج ملاك فهو اتكفل بي الى ان طابت

وبعدها الرجال سحب نفسه چان انسان بمعنى الكلمه او خلي نكول رجل بمعنى الكلمه
ما حاول يستغل حاجتي ومرض اختي وتعطيلي عن شغلي بالعكس اصلا چان ايعاملنه
على انه احنه اصحاب حق عنده وصاحب الحق سلطان

الجو بدا يصير حار والنهار صار يطول عكس الليل وانا خاله ابالي شي واحد انو لو احصل
الف دينار اقسمه بالنص بين اكلنه وبين الاجار لان ما اريد اتفاشل لو احد يدك بابي
ويگلي ليش اتاخرتي بالايجار

چنت من اطلع البس شالي مثل الشيله بحيث ادني على وجهي هواي حتى ما تبين معالمه
وحتى احمي من لهيب الشمس اما ملاك فدائما اخذ وياي دفتر الرسم مالتها والالوان
واخليها تشخبط ابحدها بس اكثر شي اياذيني لمن تجي وتخلي راسها على رجلي وتتمدد
اهنا اتاذى عليها وهم لازم اخليها براحتها وهذا الشي يضيع عليه هواي زباين ممكن تشتري
خصوصا ورجلي تخدر لكن بكل الاحوال ابقى الى ان اكمل بيع البالتين وارجع

رهف من تلث تشهر او اقل شويه ما عرفت عنها اي شي لا هيه ولاروان ومنين اعرف وانا
غيرت مكاني وحتى قطعت كل علاقه الي ويه كل الناس الي اعرفهم

راجعه للبيت تقريبا الساعه بثمانيه وثلث وانا بعت بالع ونص بقت عندي اكثر من نص باله
اليوم مو هلگد اشترو مني وعرفت انو اليوم ما راح اكمل بيع لان اذا صارت الساعه
بالتسعه لازم ارجع للبيت واتهيأت اريد ارجع
لمن ما اجه ولد وكلي اريدهن كلهن وانطاني فلوسهن
حمدت الله وشكرته ولزمت ملاك من ايدها واكللها
= ياالله حتى نروح ناكل عم

ابتسمت بوجهي ورحنا نمشي حتى بطريقنا ناخذ احتياجاتنا من المسواك الي كل تلث تيام اتسوك

واليوم احنه اي شي ما عدنا بس تمن وزيت اخذت كيلو طماطه وكيلو بصل وكيلو باذنجان واخذت
باكيت جبن واشتريت الها جبس وكيكه وعصير ورحت يم الفرن اخذت صمون باالف
لازمه العلاليك اب ايد وملاك ابايدي الثانيه واجيت اريد اعبر الشارع حتى اصعد بالكيات لمن ما سياره وگفت
بصفي وسمعت صوت مو غريب عليه خلاني ارجف مثل السعفه وهوه ايكلي
::مها اركبي