عقارب ذوي القربى

البارت الرابع والثلاثون

هذا البارت لعيونكم
بس بعد تنطوني مجال لان حتى انا لحد الان ما مستوعبه الي صار ولا شلون راح تتصرف مها
واتمنى تدعموني وتصعدوها للقصه ولاتنسوون التصويت هذا الشي ايفرحني
//////////////.............////////////
مها
اذاني صارت بيهن وشه ورجليه ماتن وجهي نار وجسمي يرجف وانا اشوف ام غسان شلون
لازمتني وتضرب بيه راشديات
وابو غسان واولاده يتهددون يردون ايدخلون للبيت وايحركونه ما اعرف شكو بس السوال عن روان
اما الغلط والمسبه فهاي موضوع اخر

انتبهت النفسي انا حافيه وبدون شال وهاي المره لازمتني وهيه تعيط وتسب اب ابوي وانا ما اكدر اجاوبها
لان متفاجئه واسمع هواي ناس اتدخلت وهمه يحچون ويه ابو غسان ويگلوله //عيب ما يصير هالشكل
ابو غسان يرد وهو اياشر اب ادينه
- - هوه شنو الي مايصير نسوان گ... يضحكن ع الزلم وما ندري وين راحت بالولد

نادر هدني من ام غسان وخلاني ورا وگال بعصبيه
- - الي يوصل للبنات اهنا امده وانعل والدي
باوعلي وكال // تعاي وراي انتي واخواتج

رهف راحت جابت ملاك الي ما تدري شنو صاير ورحنه وره نادر للبيت واحنه نرجف من الخوف
دخلنه اشوف شروق ساكته اويمكن مثلنه مستغربه واحنه ما نقل استغراب منها لان الهسه ما نعرف شنو
صار او وين روان
شروق جرت نفس وكالت // فوتي للحمام غسلي وجهج ورجليج
انتبهت على نفسي وانا حافيه ورجليه بيهن طين رحت للحمام فتحت الماي وانا اگول
= روان شسويتي ليش هالشكل روان وينج ليش هالشكل

طلعت رهف تبجي وكاعده بزاوية الصاله وملاك كاعده وتباوع بعيونها وانا اسمع بره مصايح وناس تتهدد
ونادر يغلط ويسب ويهدد ويتوعد وهوه يكول
ابو غسان عيب هالحجي افه عليك
ابو غسان // نادر رحمه الدينك لا تتدخل
صار نادر يغلط ويتهدد // شنو ما اتدخل شاردون تسوون
- —. نريد بيتنا وهسه ذني يطلعن من المنطقه

نادر // ابن مره اليفوت ع البيت اله احسب الله ما خلقه
  ابو غسان // مو بكيفك نادر اتكفه شرنا ذني من يبقن نا تدري ولدي شيسوون بيهن
نادر // اااه فالتو شيسوون
ام غسان //  عوفه ابو غسان هذا لازم محصله منهن خوش محصول
نادر // احترمي نفسج واحجي عدل
ام غسان // چا لويش تدافع عنهن
نادر // اگلكم عليمن تضحكون انتم اللازم تشيلون من المنطقه ابنكم ناهب البت

لزمت ملاك وكعدت يم رهف الي تباوعلي وبعيونها تساول شنو صاير او وين روان
بعدني جاي ارجف وما اكدر احجي كانما مبنجيني بس فاتحه عيوني ما اگدر استوعب الي صار
اجه نادر وكال المرته // فوتي سوي ريوك للبنات
انا بقيت بكعدتي ومدنكه ورهف وكفت وهيه تبچي
- - عمو شنو صاير الله يخليك ليش بيت ابو غسان هجمو علينه
هو يباوعلي ويتنفس قوي ويگلها// اسالي اختج

اجت رهف كبالي وهيه تبجي وتسالني // مها شصاير وين روان ليش الناس هجمو علينه شيردون من عدنا
انا ما جاوبتها رغم سمعت كلامها صارت تهز بيه وتكلي // لا تسكتين شصاير گليلي فهميني مها
اتقرب منها نادر وهوه ايكلها //كافي رهف عوفيها
هيه بعصبيه // ما اعوفها بس مسويه روحها امنه ومسؤوله علينه وگدام الناس هيه المضحيه بكل شي على
مودنا (صارت تعيط بصوت عالي ) ما اعوفها اريد اعرف شنو صاير وين روان
اجه نادر يمي وكال وهو يخزرني //جاوبيها مها وين روان