عقارب ذوي القربى

البارت الثالث والسبعون

مها
من عرفت بالي صار البيبي الحجيه من الصدمه الي سمعتها
سالت عقيل عن زوجته
= ولقاء
هو رد عليه وكأن الامر ما يعنيله شي رد عليه بكل برود
:: لقاء فقدت عقلها نهائيا

  اتفاجآت من كلامه فتحت عيوني وانا اسال = انت شتگول ؟
هز راسه ::اي لقاء عايشه بدون عقل
   رديت بعصبيه وانا ابلع ريگي=  يعني شنو ؟
::لقاء يمكن من گد ما ضربتها انجنت. لان عرفت اني كشفتها واحتمال اقتلها او لان عرفت انو هيه
خسرت كل شي فقدت عقلها

= وين هسه هيه
:: بالبيت
= اي بيت
:: قبل ما ينخطف ابني بسنه اشتريت ارض مساحتها كبيره وقررت ابنيها
قصر اللقاء وضي والبنات
= وبنيته ؟
هز راسه ويبتسم وياشر :: اي هذا البيت
   اشرت ابايدي = هذا هذا

هز راسه :: كنت ناوي اسوي الها مفاجئه وبس اكمله اسجله اب اسمها
باوعتله هو سالني ::شبيج مها
هزيت راسي = ما بيه شي كل ساع يصير عندي فضول اكثر من الي قبله

  هو نفخ :: من عرفت الي صار الامي بسببي او بسبب لقاء ما سامحت نفسي ورحت
حتى اسال على لقاء الطبيب خبرني انو متعرضه الى صدمه جدا قويه
وعلى اثرها فقدت عقلها

دنگ باوعلي سالته =  ليش ساكت كمل
لم حلگه وكال ::  من عرفت بلي صار ال لقاء انقهرت هواي اكثر مما تتصورين
رفعت عيوني وسالته باستهزاء = على شنو انقهرت على لقاء
:: اي لان ما ردتها تنجن ردتها تطلب الموت وما تحصله
= جنت ابحدك بالمستشفى
:: وياي ابو سبع وعصام وخابرت اختي واجه فراس

= وبناتك ؟
:: بقت يمهن علا
عض على شفته =شبيك كمل
:: بيومها زينب مخابره خالها وكايلتله انو اني ضارب امها
= واكيد اجو هداده عليك
  ابتسم :: طبعا اجوي وصارو يعيطون وفراس يتهدد وابو سبع وعصام
ورادت اتصير عركه كبيره
= ايي وانت شلون اتصرفت

ابتسم :: خلي اختبر ذكائج شتتصورين شلون اتصرفت
=اكيد بنفس البرود الي واجهت بي سعاد ولقاء لكن من جوااك نار ممكن تحرك كل شي

هز راسه وابتسم وكلي :: مو اكلج حتى اني متعجب على تفسي وسط كل المشاكل لكن اتصرفت ابرود
جاوبته بقلة صبر = اي نفس برودك هسه حتى كلبي انشلع
ابتسم وكلي :: لزمت ايد اخوها وطلعت ويا بره وكتله
اخذ اخوانك وروح تره الي سوته لقاء اكثر من الي سوته سعاد
جاوبني بعصبيه // شتقصد بكلامك
ضغطت على كف ايده :: رووح منا وبس توصل للبيت راح تفهم شقصد

اخوها حس بيه ضام عنهم شي اخذ اخوانه ولد عمه وطلعو من المستشفى وهمه يتوعدوني وانا دزيت
صورها ومحادثاتها وكلام سعاد الي فضحت بي لقاء وعلاقتها ويه اكرم وفهمته بان اني خالي من
حالهم اندز الي التصوير

بقيت يومين بالمستشفى مكابل امي بعدها الطبيب قرر ان امي تطلع ولقاء همه
= لقاء منو يمها
::اجت مرت اخوها
= وانت ما شفتها
::لا كل همي ابامي اريد اعالجها وترجع مثل قبل وانو انا مستعد ادزها الاي دوله بس كون تتشافى وهذا الي صار
= يعني تقصد سفرت الحجيه
::اي سفرتها الاكثر من دوله لكن بدون فائده