هلو حبايب
بارت طويل هديه لعيونكم
/////////////////////////
مها
ام اديب //. يواش مها فهميني شصاير
حاچيتها بقلة صبر وعصام يباوع متفاجئ = ما صاير شي ترحين لو تبقيين
وگفت وهي لازمه ملاك ا //- رايحه شعندي باقيه اهنا
عصام وكف //. وين هسه كل...
رفعت ايدي = ابقى ويه استادك
طلعت من باب المطعم ولزمت ايد ملاك وام اديب تمشي وراي وتسال
اي غير تفهميني شكو
= ماكو شي
صرنا نمشي بعيد عن المطعم الى ان وصلنه للشارع العام ام اديب سالتني // شكلج وهيجي صار
هزيت راسي = ما كلي شي
وگفنه ع الشارع العام ومنظرنا يثير الاستغراب لكل واحد ايمر من يمنه والسيارات لان شارع خارجي
تمشي بسرعه جنونيه وانا كوه لازمه ملاك ادري بيها تخاف من هالشكل اماكن ام اديب كالت // هسه شنو
جريت نفس = ناخذ سياره ونرجع
غمضت عيونها وهزت راسها // ومنو يوكف النه بهالليل الدنيا تخوف
جاوبتها // اذا خايفه ارجعي اركبي وياهم
قبل ما تجاوبني دك هورن ورانه باوعت ام اديب شافت عصام الي نزل
وكال // ست اركبو انا اوصلكم
هزيت راسي = ما كو داعي ناخذ سياره منا
عصام بترجي // ست مها ارجوج تركبين وكفتج بالشارع صعبه
= شنو صعوبتها هسه اناجر سياره رووح انت ما عليك بينه احنه اندبر امرنا
شفت عصام جدا متوتر اكيد هذاك الوحش عايط علي بقيت واگفه وانا اتنفس بقوه هو لزم ايد ملاك
وركبها وام اديب ركبت بالصدر وگلي // ست مها اذا ما تركبين راح اعوفها للسياره اهنا وااجر سياره
واني اوصلكم
اضطريت اركب بصف ملاك وساق عصام السياره وتمينه ساكتين مشى مسافه قليله بعدها عصام انطاني
قوطية ببسي سالته = شنو هاي عصام
- الاستاذ دزاها الج كال نست تاخذها
هزيت ايدي وام اديب ابتسمت وانا اخذتها منه ومن شافتها ملاك رادتها
كتلها // هسه حبيبتي افتحها وانطيها الج
ام اديب دارت وهيه تكول // لا ملوكه عوفيها الدادا هسه نشتريلج
جاوبتها = شلي بيها ما اريدها مسوي زحمه على نفسه
عصام وام اديب ابتسمو وانا فتحت القوطيه وشربت شويه واخذتها مني ملاك
عصام نزل بالطريق جاب علاكه بيها عصير ونساتل وحب وببسي انطاها الام اديب الي
انطتني عصير ما اخذته وملاك اخذت الحب
تمينه ساكتين الى ان وصلنه للبيت تقريبا الساعه 11 دخلنه واحنه كلش تعبانات انا بوجهي للحمام
لان تعبت كلش ونفسي لعبت
غسلت واتوضييت واجيت اصلي وام اديب هم نفس الشي اتوضت وتمينه انصلي
من كملت اخذت ملاك،غسلت الها وجبتها هيه فتحت التلفزيون وانا اتمددت على الفراش
چنت كلش تعبانه درت وجهي للحايط وبصراحه ما ردت ام اديب تسالني خليت ايدي جوه خدي
ودموعي اينزلن واعاتب بعقيل
=هلكد كارهني حتى تريد اتطلكني
= الي يشوف تصرفك كبال سليم ومعين يكول هذا مو بس ايحبها هذا يموت عليها
= خلص باجر اروح الكاتب العدل واتنازله عن البيت اساسا انا شلي بي
أنت تقرأ
عقارب ذوي القربى
ChickLitقصه تتحدث عن قساوة الحياة وعدم تسامح المجتمع عن اخطاء قد نكون مجبرين عليها هي الظروف وعدم التربيه وغياب الاهل وظلم الاقارب هي من جعلتنا نكون سلعه رخيصه من الممكن اي احد ان يحصل عليها
