عقارب ذوي القربى

البارت السادس والثلاثون

رهف
اگعدي مها صار دنيا عصر كلش
فتحت عيوني وانا اتثاوب سالتها =بيش الساعه
ما اعرف بس هواي نمتي
جاوبتها بنعاس = اي لان البارحه انا ما نمت
ادري بيج مها الله يساعدج

فتحت النقال شفتها بالخمسه اله ثلث گمت ورحت للحمام الي ما شفته اله هسه غسلت وجهي بالمغسله رغم هو
حمام ومرافق بس جان نظيف رجعت عدلت شالي رهف باوعتلي وسالت //وين مها
=هسه اجي دقيقه
طلعت ودكيت الباب على ام اديب هيه بصوتها الناعم الي ما يخلو من العصبيه //منو
= انا خاله
فتحتلي الباب //ها شرايده
=اشلونج خاله
هلا بيج

= خاله اذيتج بس اريدداسالج القبله منين
ها اتصلين
هزيت راسي // اي خاله وما اعرف القبله
شوفي هجي
اشرتلي يعني اخلي باب الغرفه بظهري = شكرا خاله ولو تصير زحمه رايده مصلايه
راحت جابتلي مصلايه وتربه اتشكرتها ورجعت للغرفه اتوضيت وبديت اصلي الصبح والظهر والعصر قضا
من كملت رهف كالت //تقبل الله
=منا ومنكم صالح الاعمال

اتقربت منها وانا اشوف الحزن والياس على وجهها سالتها =رهوفه ليش كطعتي الصلا
ما جاوبتني وعيونها مليانه دموع والف سوال رديت حاجيتها
= رهف كل انسان ايمر بمصاعب وتحديات لكن لازم يصير قوي شنو انتي اذا ما تصلين راح تنحل مشكلتج
بالعكس بالصلاة راح اتبثيين حزنج وكل شي مريتي بي واي شي تردينه
اتطلبينه من الله الي خالق هاي الدنيا كلها والي يكول لشي كن فيكون
رهف وهيه تمسح بدموعها // بهذا الحال الي صرنا بي والي وصلناله انتي ولا مهتمه
ابتسمت = انا ما مهتمه

هزت راسها // اي ما مهتمه نسيتي شلون طردونه لو من اخذو الغراض وشمروهن بالشارع لو اختج الي
سوته ولو ولو ولو
جاوبتها = وشترديني اسوي
هيه ما جاوبت
رفعت شعرها من عيونها = منو كلج انا ما مهتمه لا انا الي مهتمه واكثر منج لان انا الي لازم اسوي كل شي
وامن كل شي
هيه مسحت دمعتها //وهسه شناويه اتسوين
= انتظر هذا الرجال يرجعلي خبر
واذا ما ساعدج
=اطلع اسال وادور على شغل
انا مها
= انتي شبيج ؟
انا فاتني امتحانيين لو نسيتي

اتحسرت =. ولا يهمج بس استقر انقلج وتمتحنيين
  هيه ردت // كله من الكلبه روان
هزيت راسي وحجيت ويه نفسي = كله من الخاينه امج الي ما احتوتنا
جريت نفس وگتلها = اذن المغرب خلي اصلي

صليت لان انا متوضيه وبعدها گعدت على سجادتي مالت الصلا وصرت ادعي ربي واطلب منه المساعده
من كملت اشوف ملاك مره تروح للحمام ومره ترجع للغرفه وهيه مبلله رجليها يجوز لان حاره ولان ماكو مروحه
باوعت الها ورهف تسالني // شلون مها هاي مو غرفه حمام
= مي خالف نتحمل الليله شلون ما كان وباجر اشتري مروحه
وكفت ولبست شالي والجبه وكلت = راح اجيب خبز واي شي ناكله
رهف // مها جيبيلها جبس وحب خليها تسكت

هزيت راسي ورحت للفرن جبت صمون اب الف ورجعت ع المحل اخذت باكيت جبن وحب وجبس
رجعت سويت لفات جبن وصمون اكلنه وشربنه الماي رغم حار بس شنسوي
اندك الباب احنه وحده صارت تباوع للثانيه طلعت وسالت = منو ؟
- - انا ام اديب افتحي الباب
فتحت الباب = هلا خاله اتفضلي
شفت اب ايدها مروحه ارضيه وسطل فافون زغير
- - هاج هاي المروحه شغليها وهذا ثلج بردي بي الماي على ما تدبرون اموركم