عقارب ذوي القربى

البارت السادس والستون

بارت مشترك بين عقيل ومها

بلعت ريكي واتشجعت وكلت =. اريد اطلع منا
:: وين ترحين
انا ماجره بيت وارج...
هو قاطعني ورافع حاجبه ويحجي ويخزر بيه :: اشش وين ترجعين تبيعين كلنس بالشوارع
هزيت راسي وانا امثل القوه =اي

جر نفس :: يجوز اصلا انتي ما ينخاف عليج او خلي نكول امرج بايدج تكدرين
تحمين نفسج او تسوين اي شي يعجبج لكن ما فكرتي بهاي المسكينه
رفعت عيوني بوجهه هو هز راسه ::اي ملاك شنو عبالج من يشوفها
واحد حيوان ويقرر ياخذها انتي توكفين بوجهه صدكي هذوله الي ايبيعون
وياج راح يشتريهم بعشر تالاف وراح ايساعدو وبايدهم ايقدموها
بقيت ساكته هو رد.عليه باامر :: تبقيين مثل ما انتي اهنا وتشتغلين مثل قبل

رديت بدون تفكير = ما اشتغل عندك خدامه
سحب نفس ::لا مو خدامه
  = چا ششتغل
وكف وهو يبتسم ::بكيفج انتي تقررين بس اهم شي تسويلي كهوه
=ممكن اعرف شنو الي يضحك بالموضوع
هز راسه :: ولا شي بس الچا وششتغل تخبل طالعه من حلگج

هو دار وجهه انا كتله = اريد ام نوزاد
  اشوف ملامحه اتغيرت  :: صار وبعد
= اروح انطي مفاتيح البيت للرجال
مد ايده ::جيبيهن عصام ياخذهن اله
  رفعت اكتافي = عندي غراضي اجيبهن
  ::عوفيهن اتصدقي بيهن

هزيت ايدي جاوبته بسخريه = اتصدق بيهن واذا حضرتك طردتني مره ثانيه
جاوبني وهو يحاول يخفي ابتسامته ::اشتكي عليه
  = مو جنك تستهزا
  هز راسه  ::لا ما استهزا شنو الي يرضيج
=ابقى ماجره البيت
::شلون يعني ؟
= يعني اداوم اهنا واروح بالليل للبيت

جر نفس وكال ::البسي عباتج وتعالي وراي
=وين ؟
باوعلي وهو لام حلكه ::نروح للبيت
اشرت = وملاك ؟
  نفخ اعرفه من يفقد صبره :: شنو راح نسكن بالبيت بس اريدج ترتاحين

بسرعه لبست العبايه الي جانت متربه وما غاسلتها وطلعت ويا
ركبت وره فتح الباب ::اذا تبقيين اهنا كاعده راح اضطر اصيح العصام يجي يسوق وانا اكعد يمج
حچيت وانا  اجر الكلمه = وليش ؟
:: شنو حتكولين الابو البيت عليه منو اني السايق الخصوصي مالتج
بقت ساكته ونزلت صعدت بالصدر سقت السياره :: وين المنطقه
= منطقة ال......
:: تمام

دخن جكاره وصلنه وقبل ما ننزل من السياره سالته
= شراح تكله
سالني :: مو اني انتي
= انا اريد ابقى اهنا
نفخ الدخان وعض شفته ونزل ودك الباب طلعله ابو البيت سلم علي وهو يباوع للسياره ويباوعلي بريبه
:: السلام عليكم (اتصافح ويا )
رد ابرود عليكم السلام
:: حجي اقدملك نفسي اني عقيل زوج خالة مها
الرجال // اهلا وسهلا اتفضلو

:: شكرا مو مال كعده طبعا شاب راسي الى ان وصلت الها واندليت مكانها وهسه حجي خالتها
كلش تعبانه ولازم تبقى اتداريها
- - يعني افهم منك استاد جايين تفرغون المشتمل
:: اني اتمنى بس مها ما تقبل لذلك عمي هاي (مد ايده على جيبه وطلع فلوس حسبهن )
:: اتفضل هاي اجار ست تشهر مقدم والمشتمل يبقى على قفلته وبعدها
مها تقرر لو ترجع لو اتركه وانت اتاجره الناس غيرها