عقارب ذوي القربى

البارت الحادي والثلاثون والاخير

مها
اتفاجات من كلامه دنكت وهزيت راسي سالني
-من زمان
هم هزيت راسي هوه حاچاني //باعيلي مها وجاوبيني
رفعت راسي وصوتي مختنك من الخجل = اي دكتور
هوه دك ع الميز // اتقيا اليوم البارحه
= اي دكتور اتقيا
- يمته
= البارحه واليوم الصبح
- ما كال طلع دم
فتحت عيوني = لا ما كال خوفتني دكتور

عض شفته ورد //ان شاء الله ماكو شي
= لا شلون ماكو شي مبين من سؤالك شبي ابوي
هو جر نفس ونفخ // ابوج عنده تشمع بالكبد والتحاليل تگول واصل الى مرحله متقدمه
انذهلت من كلامه ما گدرت احبس دموعي رغم وجود البوشي لكن شهكتي كفيله بان الطبيب يعرف انا ابجي
رد عليه // لاتبجيين مها ان شاالله ياخذ العلاج ويصير زين روحي يمه وانا شويه واجي اشوفه

طلعت وانا احجي ويه نفسي ==. تشمع بالكبد يعني شنو يعني ابوي عنده الكبد منتهي
وصلت يمه شفته متمدد وخاليله مغذي وصلت = ها بابا
- شكلج الطبيب
= كال لازم تبقى اهنا يومين تلاثه
- وانتن شلون
= بابا ما علينه شي المهم صحتك
- ادري ما عليجن شي تدرين ليش
= ليش بابا
هوه اتحسر بتعب // لان انتي انتي مهاوي ام البيت وابو البيت ورجال البيت

ابتسمت رغم الالم والخوف = اي اصبغ اصبغ حليم مضطره اصدكك
- صدكيني
= يالله حبيبي ارتاح هسه يجي الطبيب يشوفك وانا بعدها انا اروح اجيبلك ملابس واكل
- - اي وانتي هم اكلي
هزيت راسي  نص ساعه واجه دكتور مضر ويا دكتور ثاني سلمو الطبيب ساله
- - ها حجي اشلونك
- - الحمد لله
- -اتكلي مها ما تريد تبقى بالمستشفى
- - اي والله اگول ما بيه شي
— ان شاالله ما بيك شي بس كل انسان بيوم من الايام يحتاج المستشفى تره حتى احنه مو تمام

صار يحجي ويه الطبيب الي اجه بمصطلحات اجنبيه لمن ما سال ابوي وكله
- - حجي من اتقيأت نزل دم ويه القئ
ابوي هز راسه وكال //اي شويه
- - شكم مره
- - هوه انا يمكن امس مرتين واليوم بس الصبح
—تمام

ورجع يحجي ويه الطبيب بعدها باوعلي وگلي //الوالد ما بي بس العافيه شويه يتدلع عليكم انا اگلج ايريدله مره
ابتسمت بمراره رجع كلي //ولو هوه وفي اكيد جان ايحب امج ويحبجن انتن اكثر لان بقى وفي كل هاي السنين

ما يعرف الطبيب احنه كل الي بي هيه سببه
خليت ابوي نايم بالمستشفى ورجعت للبيت اخذتله خاولي وملابس داخليه ودشداشته صحيح قديمات بس نظيفات
والطبيب كلي ممنوع ياكل لحم خلي اكله حليب وبيض وشوربه
سويتله شوربه واخذتها اله واخذت وياي كيلو برتقال شافني ابو غسان سالني // شلون ابوج
هزيت راسي = الحمد لله
وين هسه هوه
= عمو بالمستشفى لكو كلبه تعبان واحتمال يحتاج قسطره

ابو غسان // اروح وياج
هزيت راسي = لا عمو لا اتعب نفسك باجر يطلع
— امشي بابا شنو اتكاطعت الدنيا امشي
وصلنه للمستشفى ماقبلو بس واحد يدخل انا فهمتهم بس اخذله الاكل واطلع ابو غسان يشوفه خمس دقايق ويطلع
وفعلا دخلت لكيت ابوي متمدد على السرير والتعب مبين علي اكثر وصلت يمه وابتسمت
  = اشلونك بابا
هو بس شافني نهض // هلا بابا
=انا جبتلك ملابس وهاي شوربه وبرتقالات ياالله اكعد اكل شويه سمعت الطبيب شكال

هز راسه گعد واخذ الخاشوكه وصار ياكل گتله = ابو غسان اجه يشوفك انا كتله گلبك يوجعك
هو باوعلي // چان اعتذرتي وكلتيله لاتجي باجر يطلع
= كتله بس هوه ما قبل اله اجه وياي
طلعت صحت الابو غسان دخل والاستعلامات كلي // روحي ويا بس لا تتاخرون
= شكرا الله يخليك