عقارب ذوي القربى

البارت التاسع والثلاثون

مها
بعد ان طلع فراس والولد الي ويا رجعت گعدت بالغرفه يم الحجيه لمن ما دكت الباب غدير الي كلش اقدرها
واحترمها لان تستاذن رغم هوه بيتها
انا فتحت الباب بعد ان عدلت شالي هيه بابتسامتها المعهوده
— - ها شلونها بيبي حجيه
= بعدهي نايمه
- - - زين مشغوله لو تجيين اتصبين الغدا
= لا جايه
رحت وراها للمطبخ سالتها = وين تتغدون ست

- - بالصاله
=تمام
هيه اجت وتشم //يممه مو ريحه تخبل
ابتسمت = بالعافيه ضوكي يجوز ما يعجبج
رفعت حواجبها // لا شنو ما يعجبني اكلج تره هذا سييف شويه ايدقق بالصب وبالاكل
باوعت الها مستفسره هيه ابتسمت //  ولو اتشوفينه شكد ياكل بس ايدقق
هزيت راسي = هسه اصب تدللين وراح تشوفين ماكو اي نقص
- - عفيه حبيبتي
=. تدللين

صبيت تلث بلامه تمن وخليت على كل بلم سمچه وصبيت صينيه وخليت فوگها تلث سمجات
وخليت صحن بصل فوكه سماك وصحن طرشي وخبز ولبن وتمر ورحت اخذتهن خليتهن على ميز الطعام
ورحت كتلهم اتفضلو غدير اجت وراي  شافت السفره قبل لا يكومون
ادري شكد مخليه
= ليش قليل
هزت راسها // لا هواي
= بالعافيه
- - انتي صبيلج غدا
= انا ما اكل اله بالبيت
- - زين لعد البقى اخذي
=والحرس وهذني اليشتغلن

هيه ابتسمت // شنو انفجعنا معقوله راح ناكله كله انا حصب العصام والباقي اخذي الج
= شكرا ست بس منو عصام
- - الحرس الي بالباب
= ست اتغدي وانا اصبله
ابتسمت //تسلمين

صبيتله بلم تمن وخليت فوكه سمچه وخليت دقوس وخبز ومقبلات ورحت دكييت الباب فتحه انا كتله =اتفضل
اول مره اباوع بوجهه چان شاب وجثل يمكن يلعب حديد اخذ مني الصينيه وكال //شكرا
وراح للكرفان انا هم رجعت ودخلت للمطبخ اكلت من الجدر لگمتين ع السريع ورحت الغرفة الحجيه
لان صار موعد اشربها عصير حسب الجدول سويت الها العصير وكعدت شربته الها بالخاشوكه اشربها
واحچي وياها مثل الطفل الجاهل كملت رجعتها على فراشها ولازم انتظر ربع ساعه حتى ابلش بالمغذي والابره

اجت غدير وهيه تضحك وتكول // شنو هاذ
وكفت وجاوبتها = شنو ست
- - -لج شي ما معقول يخبل يخبل يخبل
= بالعافيه اهم شي عجبج
- - - بس عجبني يمووت اكلت ولو بايدي بعد اكل
= اي اكلي منو لازمج
- - - مو زين عليه
= اذا موزين عليج لا تاكلين

ابتسمت // بس الصدوك طيب
=عافيات
— - هسه شنو وره الغدا
ابتسمت وهيه جاوبت //اكيد چاي
هزيت راسي = ياالله دقايق واصبه الكم
- - حبي تسلميلي

طلعت وانا عدلت شالي رحت صبيت تلث كوابه چاي خذيتهن قدمت السيف وفراس ورحت انطيت الغدير
وكتلها وانا ابتسم =اشربي شويه مو زين ع البيبي
هيه ابتسمت وانا رحت الم الصحون الي ع الطاوله لمن ما سيف حجى وكان موجه الي سؤال // انتي من البصره
لحظة صمت مرت علينه وانا حتى اتوقفت ما شلت المواعين هو استردف وباوع الفراس وحچى
  - - - اي فراس انا متاكد هاي من البصره
فراس // لا يابصره
سيف // تتذكر فراس من بالصيف رحت للبصره وانت لحكتني لمن غالب عزمنه على غدا