عقارب ذوي القربى

البارت الحادي والخمسون

هلا حبايب
فدوه عيوني تره انا مو بربه الشاطر
يعني اكتب والكتابه يراد الها تفكير مو نسخ لصق يرادلها تجميع وصفاء ذهن وكتلكم راح انزل بالاسبوع بارتين
وهواي الي سمعني كلام عتب وبيكم تجاوز وبيكم كالو لا خليها تلث بارتات لان متشوقين للاحداث
وانا والله مجرد ما اكمل البارت انزله يعني اذا امس منزله بارت وصادف كملت بارت ثاني يوم انزله تلقاىيا
حبايبي مقدره حبكم للقصه واحداثها وهذا وعد مني حسب ظروفي كل ما اكمل بارت انزله
بدون موعد
تمام 👍
اتفقنا 🤝
تحياتي 🥰
# آنيين الليل #💐
/////////////////////////////////////
مها
سمعت صوت ام نوزاد وهي تكلي
مها اكعدي اجه عقيل
كعدت اتثاوبت سالتها = اجو
اي هساع اجوي وبعدهم كاعدين بالديوانيه انا كلت اجي واكلج
= اي اي بس البنيه منو يبقى يمها
انزلي ودزيلي امها

نزلت وانا بالكوه اسحك على رجلي شفت غدير كتلها = ست نيمتها ونزلت بعد انتي روحي يمها لان انا لازم
ابقى جوه خاف يردون مني شي
باوعتلي وهيه تمسح بعيونها // اي جبيبتي صاعده
شفت ام نوزاد وهيه محضره ترامز الجاي والاستكانات وشفت بالمطبخ جايبين كلنس وبطالة ماي
اجه عصام واخذ الترمز والاستكانات وكال // حضرو بعد
هو رجع اخذ الترمزين الي بيهن جاي

انا هم وكفت وغليت ماي وبديت اخدر جاي اغلي بالغلايه واخدر واجت ام نوزاد وهيه تكلي //عاشت ايدج
كملت وكعدت وعيني على الباب ام نوزاد كلتلي // تعالي اكلي
سالتها =. اش اكل
دزو صواني كباب وصمون للنسوان وانا ضميتلك وبقيت للرياجيل الي جوي من الدفنه
اتحسرت وكلت =. ومنو يشتهي ياكل

ام نوزاد // حبيبتي انتي لاتغديتي ولا تعشيتي ودم وكع منك كثيير ولازم تاكلين حتى اتعوضينه
= ما اشتهي خاله
بجييت حييل وانا احجي =. راح اشتاقلها هواي تدرين ما اصدك بعد ما اشوفها
- - الله يرحمها اتاذت هوايه
= الله يرحمها

اجه ابو سبع شفته شلون منكب وكلي  // عقيل اي شي ما ماكل وبس يسحك جكاير
= اي عمو ام نوزاد ضامه الكم اكل
- - احنه اكلنه بالطريق بس هوه حتى ماي ماخله بحلكه
= يعني عمو اسويله اكل وتاخذه اله
اتقرب مني وگلي // سويله اكل واخذي اله الغرفته هسه راح اكومه يرتاح

هزيت راسي = اي عمو دقيقه
- - شنو
رحت للكاونتر وفتحت الباب طلعت جنطتي وانطيته المفتاح واخذت من ام نوزاد المفتاح
= هاك عمو هذن مفاتيح المكتب انا قفلته
- - عفيه عليج انا رايح وانتي حضريله اي شي ياكله
= ان شاالله

بقيت واكفه وطلعت صحن خليت بي كباب وصحن مقبلات وحميت صمون وصبيت كوب چاي
اجه ابو سبع كلي عقيل بالمكتب اخذيله العشا وخلي ياكل
ام نوزاد // يعني تريدها تقنع استاذ عقيل ياريت انت تقنعها تاكل لان هيه على لحم بطنها من الصبح
باوعلي وگلي // ليش الهسه ما ماكله
انملت عيوني دموع واسحب بخشمي = ما اشتهي عمو
ام نوزاد // والعلاج لو تريدي رجلك تلتهب
  ابو سبع // روحي ودي العشا ياالله