عقارب ذوي القربى

البارت الثالث والستون

هذا بارت زغنوني تصبيره
مرحبا
البارحه كمية الهجوم والتعليقات السلبيه نص البارت معاد
اي صحيح ما انكر بس من كتبت لان عقيل جاي ايسولف الشي الي مر بي
مقدار الالم الي اتعرض اله
لازم اذكر هاي الاشياء حتى اربطها بالاحداث
تحياتي
آنين
///////.....................//////////......///////
عقيل فزيت من مكاني :: شنو الي حصل جاسم
جاسم // الي حصل ياخوي انو مها هيه الي رفضت تتزوج سيف
فتحت عيوني ع الاخر واسال بجاسم :: شنو
جاسم // مثل ما سمعت عقيل مها هيه الي رفضت تتزوج اخوي وهنا عرفت هيه شكد
معدنها صافي وشكد شريفه وما تحاول تصطاد بالماي العكر

صار كلبي يدك عبالك مجرم منتظر حكم المحكمه گلت وانا اجر بالنفس :: جاسم  ممكن اتفهمني

جاسم // اكلك عقيل ممكن اعرف انت ليش مهتم مجرد بنيه جانت تشتغل عندك وخلص بطلتها
بعد شنو هالاهتمام
اتقربت منه وكتله :: بس هاي البنيه الي تحجي عليها اني بطلتها لان عرفت انو اختها تشتغل بملهى
وهيه على علاقه بيها
جاسم // منو گلك
جريت نفس :: مو مهم اريد اعرف كل شي

باوعلي بريبه وعدم تصديق گعد وكلي // عقيل اني الي اريد افهم منك سبب اهتمامك
ما اتحملت لكن غصبن عليه اتمالكت اعصابي وگفت وحجيت بعصبيه
:: تدري بيه اكره الظلم وما اريد اظلم انسانهالمجرد ضمت عليه شغل اختها

جاسم // على كيفك عقيل اهدا
گعدني ع القنفه وراح فتح الثلاجه طلعلي بطل ماي وكلي // اشرب عقيل

اخذت بطل الماي وشربت شويه منه واكله :: الخاطر دينك فهمني
جاسم // يعني تريد اتفهمني هاي شيلة خشمك عليه وصار اكثر من تلث تشهر ما تحجي وياي
لان عرفت بيه ضام عليك انو اختها تشتغل بالملهى
:: جاسم انعل ابو اختها اكلك حاجيني سولفلي

جاسم // على كيفك عقيل شتريد تعرف
:: هم گلي على كيفك شايفني گدامك مخبل انت ليش تلعب اباعصابي احجيلي
جاسم كعد وخله ايده جوه حنچه // شتريد تعرف
:: كل شي ولاتضم عليه تره ثق ما تعرف شنو ممكن اسوي

جاسم // والله ياعقيل الناس ما تحزرها اله تعاشرها
:: جاسم جوز ولا تظل اتماطل تره ما بقى عندي صبر

هز راسه // مثل ما گتلك عقيل مها هيه الي رفضت سيف بعد ان كانت كاتله روحها تاخذه
ضجت من كلمة كاتله روحها بس اتغاضيت عنها وسالته :: شلون
——- طبيعي اي بنيه بمثل ظروفها من يتقدم الها واحد مثل سيف تعتبره هذا كنز لازم
تحارب حتى تاخذه الها
  :: ومها من هذني البنات
  —— بالبدايه اي
    :: شلون

——— اجاني سيف وگلي انو هو قرر يتزوج انا من سمعت رديت علي
تريد تتزوج الثالثه وهم يصير عندك طفل وتطلكها
هو باوعلي // لا جاسم الثنين الي تزوجتهن هنه غلطن بحقي وطلكتهن
رديت علي // اي حبيبي لان سوء الاختيار
ابتسم وكلي // بس هالمره الي اختاريتها اختاريتها وانا متاكد منها
—— شلون ن يعني