عقارب ذوي القربى

البارت الاربعون

صباح الخير
هذا البارت لعيونكم بمناسبة فوزمنتخبنا وانتم هم تتدللون بس باقي الايام ما الحك انزل يوميه
اعيد واكرر من اكمل البارت انزله جاي تشوفون البارتات اطوال والاحداث بيها وما تتعمق
وانا الي يهمني السرد يجيكم بطريقه ما تتململون من تقرونه اريد تعيشون الحدث ويه الابطال
اتحملوني واصبرو وتدللون 😍😍😍
تحياتي 😘😘😘
انا احبكم هواااي 💖💖💖
ولا تنسوون التصويت
////////////////////////////////////////////
مها
بقيت كاعده بالغرفه والف سوال ابالي وهذا التساؤل ممزوج بخوف من اتذكر خزرات عقيل لو نظرات
علا الي ما اعرف شنو افسرهن وما انكر شگد اتمنى الگى غير هالشغله لكن وين وشلون وانا غريبه
وياي اثنين بنات شابات وحده ما تنام الليل خايفه على مستقبلها وجاي تحارب وتريد تنفع نفسها وتوصل الهدفها
والثانيه مريضه كل شي ما تفهم

حچييت ويه نفسي = لازم ابقى اشتغل ما گدامي اي حل 
= اي ابقى اهنا اداري الحجيه وما عليه بيهم
صار وقت اغسل الها واغير ملابسها قفلت الباب ورحت جبت الكرسي مال الحمام وخليتها بي واخذتها للحمام
وبديت اغسل الها جسمها وغيرت ملابسها ومن كملتها رحت جبت الكرسي الثاني وخليتها بي وجبتها للغرفه
ودرت التلفزيون على القرآن الكريم وكتلها = بيبي اسمعي وادعي النفسج الله يهون عليج وادعيلي انا واخواتي الله
يستر علينه

ما اعرف لويش هالشكل كلت طلعت برتقال وصرت اعصره بالعصاره اليدويه ومن كملت خليته بكوب والخاشوكه
واتقربت منها اندك الباب عدلت شالي ورحت فتحته لان مبقيته مقفول
شفته عقييل دخل وهو يباوع الامه وكعد مقابيلها لزم ايدها وباسها انا لازمه الصحن الي مخليه بي الكوب هو اخذه
مني وحاچاها ::ياالله خلينه نشرب

صوته چانت بي عبره عرفته يريد يبجي وشفتها تباوعله ونزلت دمعه من عينها هوه مسحها اب ايده
و صار ياخذ بالخاشوكه ويشربها وانا اخذت الكلنس وامسح بحلكها
باوعلي انطاني الكوب بدون ما يحجي وطلع انا كعدت مكانه وابتسمت بوجهها واحجي وياها
= ياالله ياحلو ياالله خلي نشرب العصير
= اشو ياالله نفتح حلكنا هذا الي چنه چكليتة حليب ياالله
  = يم يم يم
= عفيه بالسباعيه نبقى كاعدين وبعدين نرجع نتمدد
= شنو رايج نتفق انا وياج ابيناتنا محد يعرف باتفاقنا
= انتي اذا تسمعيني وتوافقين على الكلام الي اگوله تغمضين عيونج مره وحده واذا ما موافقه تغمضينهن مرتين
ها شنو رايج

باوعت الها ماكو استجابه رجعتها للسرير انتظرت تقريبا الساعه بالاربعه اله ربع سمعت صوت وبعدها انفتح الباب
شفت ام صفا جايه وهيه تسلم عليه //شلونج مها
= اهلا خاله شعجب اليوم من وكت
ما عجبها كلامي جاوبتني = وهو انا يايوم مو من وكت شنو اتحاسبيني على امس
  = لا خاله موقصدي بس دوامي بعده ما منتهي
اكلج هذا عقيل خو ما حچى
= لا ما حچى بس جاب الطبيب
اشوفج لابسه بجامه وجديده هوه مو
= جابتها اليه ست غدير