عقارب ذوي القربى

البارت الحادي والاربعون

مها
اتفاجئت من سؤال ابو سبع دنكت ورجعت باوعت الوجهه رد كلي
ها مها
= ها عمو
سوالي واضح
= عمو هوه الولد عرض عليه ايوصلني كال لان الشارع فارغ والدنيا ظهر
ابو سبع // ها يعني اذا الدنيا ظهر تركبين بسيارة شخص ما تعرفينه
= عمو هو مو اقارب استاذ فراس
واذا اقاربهم تركبين بالسياره

بلعت ريكي = عمو اسفه بعد ما اعيدها
شفته يلملم بحلكه ويباوع للكاع صار لازم اكله الصدك = عمو اجه راد يعتذر
هو باوعلي وسال // عن شنو يعتذر
= ذاك اليوم من اجه يتغدا صار يحجي على استاذ فراس شلون مدخليني للبيت وهمه ما يعرفوني
ومن عرف انا مو من بغدادصار يحجي اكثر بحيث ردت اعوف كل شي واطلع رديت بعصبيه ومن سالني
ليش هالشكل حچيت جاوبته لان ما هانت عليه نفسي
ابو سبع //. بابا انتي اهنا غريبه واي تصرف محسوب عليج

= عمو يعني راح اتبطلني
نفخ على كيف //. استغفر الله لا بابا بس انتبهي التصرفاتج
= اي عمو (رفعت راسي ) عمو وين شفتني وشلون
شفتج بابا
= ما تنعاد
هز راسه وگلي // الثلاجه عدلي مكانها وساعتين ياالله تشغلينها مو تنسين
= لا عمو ما انسى شكرا
والمبرده اتديرين بالج وتوصيين اخواتج
هزيت راسي دخلت ام اديب وهيه مبتسمه// هذا انت صادق اشلونك
هلا ام اديب انتي شلونج
الحمد لله

ابو سبع سالها // اكلج هذا السكط لو مسميته ساقط مو احسن
  حركت ايدها // ياهوه
- - اديب المطي
- -  يا لك ليش
  - - - شبي من اتزوج لا نشوفه لا يجي لا يسال
- -  هو اني امه ميسال عليه تريد عليك
- - اي مو ما عرفتي اتربينه
  - - - تحجي صدوك اني ما اعرف اربي
هز راسه وابتسم // لا والله انتي الي تعرفين بس هم كلمن وحظه

  سالته //. هاي شنو شجايب
  - - ذني عندي زايدات وجبتهن للبنات
- - اي عيني الله ينطيك
- - ما محتاجين شي
- - سلامتك دادا
  - - الله يسلمكم ام اديب ديري بالج ع البنات
- - بعيوني لا توصي حريص

هو راح وهيه دخلت // يا هماتين ثلاجه
= اي خاله
نعم الله علي هسه اتكدرن تخلن ماي بالثلاجه
= اي خاله
هيه باوعت الرهف //اني وصيتلج ابني راح يجيبلج كتب سادس
رهف فزت وراحت يم ام اديب //والله خاله
هزت راسها // اي قابل اكذب اني
- - لا بس والله فرحت الله ينطيج
- - لج مكموعه مبين عليج شاطره

رهف وهيه تبتسم // كله الاولى انجح
- - ما شاء الله شدي حيلج حتى تصيرين طبيبه
رهف باوعتلي واتحسرت وانا اول مره ادنك وما اشجعها لان البي احنا مو مال تشجيع ام اديب
بقت تباوع للغراض
وهيه تكول نعم الله علي

گعدت شويه وراحت وانا ورهف سحينه الثلاجه جانت زغيره مو كلش جبيره كافي علينه اصلا زايده دنيناها
على الحايط وطلعنا للمبرده جان اكو طابوك صفطنا وصعدناها خليناها قريب الشباك خلينالها ماي وركبنه
الواير الي شفته مطولينه بواير ثاني
خليت الها ماي وانا اعلم برهف شلون ما تلزمها واذا طلعت هيه او ملاك لو للحمام هم لازم اتطفيها
كعدنا حسيت بشويه راحه باوعت الرهف = مو كتلج شويه شويه امورنا راح تتحسن
هيه ابتسمت وردت عليه // الحمد لله بس ليش من كالت ام اديب شدي حيلج حتى تصيرين طبيبه انتي سكتي
اتقربت منها وانا الم بحلكي واتنفس = رهف بعده وضعنه مخربط يجوز ما تداوميين السنه
رهف بخوف /// شنو مها شنو ما اداوم
= اي رهف وضعنا وعيشتنا وشغلي