عقارب ذوي القربى

البارت الثاني والخمسون

مرحبا
طبعا راح انشر البارت بدون تصحيح  رجاءا غلسو ع السحك بعدين اصححه
لا تنسوون اتكافئون تعبي بالضغط ع النجمه
احبكم 😘😘

/////...............////////////........................////////////

عقيل
ثاني يوم من اجيت جنت كلش تعبان ودخلت الخالتي الي هيه بقتلي من ريحة امي رغم هيه مره كبيره وبالعده لان
زوجها من شهر اتوفى لكن اجت هيه وبناتها واولادها واولاد خالتي المرحومه الي اكبر من امي هم اجو
التمينه وخالتي تبجي وبناتها وشفت علا كاعده كان بودي اطردها لكن ما حبيت انكس الساني بوحده مثلها
وانا اشوفها شلون كاعده يم اختي ام عبدالله وخالتي وبناتها خزرتها باحتقار لكن هيه ولا اهتمت وهاي
حال اي وحده مثلها  ولان عندي علم بجيتها ابو سبع بلغني زوجته مخابرته وهم فهمني شلون مها
اتصرفت من شافتها

استاذنتهم بس حتى اغير ملابسي واجت مها انطتني مفتاح المكتب ومفتاح غرفتي
ومجرد ما طلعت مها وابو سبع دخلت علا بس شفتها درت وجهي عنها وحچيت
:: بدون اي كلمه زايده امشي اطلعي بره ما اريد اسمع صوتج وخلقتج ما اريد اشوفها بمجرد ما
تخلص الفاتحه  ترحين واذا شفتج اهنا صدكي اقتلج خلاص
علا //. عقيل انت فاهم الموضوع غل...
:: اشش انا ما فاهم اي شي اطلعي علا لان اذا تبقيين دقيقه وحده راح اتقيا

علا // صار يا ابن عمتي يا سندي راح اطلع
وطلعت وانا صدك لعبت نفسي منها فتحت الشباك وصرت اخذ نفس شهيق وزفير واكول
:: الله يساعدج مها هواي عانيتي
وثاني يوم الصبح جابتلي مها  الريوك اكلت ورحت طلعت ويه اولاد خالتي للفاتحه

من رجعت نفس الشي ابو سبع اخذها وصلها اخذت حمام وطلعت صليت وقريت قرآن واخذت المسند مال القنفه
  طفيت الضوى واتمددت بالكاع وغفيت تقريبا الساعه بالوحده نمت من كد ما تعبان او واكف على رجليه غفيت
ما حسيت اله انكمشت من ظهري وادين التفن على خصري ونفس يم اذاني
اتسمرت بمكاني عبالي احلم لكن  لا مو حلم شخص حضني بقيت ساكت  اريد اعرف منو هاي خصوصا والبيت
بي هواي نساء واي تصرف مني ينحسب علي سمعت صوتها وهيه تكلي // عقيل احبك وما اكدر انساك

عرفتها علا طفرت من مكاني وفتحت الكلوب شفتها لابسه بس الاتك وجايه كتلها :: كومي اطلعي شتردين
تسوين فضيحه مثلا تره تفضحين نفسج لان الغرفه بيها كامرا
هيه بقت متمدده وتكلي // لا عقيل انا احبك واريدك شنو اسوي فضيحه
رديت عليها باستهزاء :: ادري بيج ما تهمج الفضيحه بس اني مو طلبج ام صفا وجماعتج ذنيج طلبج
- - لا عقيل انت الي احبك والي صار بيه كله منك
:: هههه مني اني دا اسكتي ولاتحجين عيب عليج

كعدت هزت راسها // اي منك ليش الكذب انا جنت اتمناك اتخايلك وص...
:: اشش كافي واطلعي بره لج انتي ما تستحين ما عندج ذرة خجل ويكون بمعلومج لو تبقيين بس انتي مره
ما افكر اتقرب منج لان اكرهج واحتقرج وتلعب نفسي من اشوفج