عقارب ذوي القربى

البارت 79

رجع صادق للفندق واتصل بعقيل وفهمه على كل شي
وبقى يراقب بالواتساب شافها قرت الي كتبه وما ردت
ثاني يوم ما ردت وهو يشوفها متصله عرفها جاي تبيع ثگل
بالليل اتصل بيها هيه ردت // الو
  رد بعصبيه // جاي اتكليلي الو واني محترك جد جدي
  حلا // خير شكو
  -شكو دا تساليني شكو لا ماكو شي

حلا // غير اتفهمني
هو رد بعصبيه // شوفي حلا لو ما اعرف انتي مو ابحدج بالبيت كان هسه كلتلج البسي
واطلعي اريد اشوفج
حلا // هاي شبيك شصاير
-ما صاير شي بس اكو واحد كلب ابن كلب كتبلج شي وانتي ما رديتي
حلا // احم شرد صادق احنه مو زغار
صادق اتنفس بقوه // لا اني يمج اعتبريني طفل زعطوط مراهق

- يعني شفهم من كلامك
جاوبها بعصبيه // باجر الصبح اشوفج واني افهمج
- لا الصبح شنو ناسي عندي دوام
رد بنتر // ما تداوميين لاتخليني هسه اجي للبيت
  - - شبيك صادق
- - ما بيه شي الصبح انتظرج

سد التلفون وبعدها خابر عقيل وصارو يحجون وراح نام الصبح راح وكف بنفس المكان الي شافها بي اول مره
اجت تمشي ابحدها وشافته واكف بالسياره ابتعدت واتصلت بي
-الو صادق
-ليش ما ركبتي
-ما اكدر
-شنو ما تكدرين
-صادق روح يم الشارع العام وانا اجي

مر من يمها وصل للشارع العام انتظر ربع ساعه شافها جايه راسا فتحت الباب وركبت
باوعتله // هاي اجيت ركبت اگدر اعرف شتريد
ابتسم وكللها // صباح الخير 
  جاوبته بزعل // صباح النور
ساق السياره وهو ساكت حلا حجت // اشو ساكت ما تحجي
بقى ساكت ما رد رجعت گالت // شنو انت طلبت تشوفني حتى تبقى ساكت

جاوبها بابتسامه // شتردين تعرفين
  -اريد اعرف شتريد مني
-اني جوعان خلي نتريك وبعدين نسولف
وصل يم مطعم باوع الها // خوش مطعم يقدم ريوك خرافي
-انا متريگه و...
قاطعها //  بس اني جوعان وما اكدر احچي اذا ما اتريك

نزل وفتح الها الباب هيه نزلت وكلتله // جاي تحرجني هواي
ما جاوبها مشى بصفها وصلو الطاوله گعدو واجه النادل صادق سالها //شتحبين تاكلين
ولا شي
گل للنادل //جيب صحن گيمر عرب ويا كاهي وفطائر باللحم  وقطع كيك وكوبين چاي بالحليب

بقى يباوع الها وهو مبتسم الى ان اجه النادل وبيده الطلب هوه گال // طبعا الكاهي ويه الگيمر يخبل
واخذ لكمه غمسها وقدمها الها
هيه فتحت عيونها ع الاخر //احم ما اشتهي متريكه
  -حتى لو افتحي حلگج لاتردين ايدي
  هيه فتحت حلكها وخلى اللكمه صارت تاكل وهو ياكل ويباوع الها ويكول //يعني لازم كلساع اگولج اكلي

  -مو اگلك ما اشتهي
  -زين اشربي الحليب والجاي
هزت راسها هو سالها // من نزلنه گلتي جاي تحرجني
-اي اذا احد يشوفنا شيكول
هز راسه //عادي خطيبتي وكاعدين نتريك

فتحت عيونها باستغراب هو رد // حلا تره احنه مو زغار واحد يفتهم ع الثاني وماكو داعي اعيد الي كلته
جرت نفس قوي //صعب الي تطلبه صادق
-:لج بابا اني شطالب كل الي طالبه اني احبج واريد اتزوجج