عقارب ذوي القربى

البارت التاسع عشر

مها
المغرب راحت ام غسان بعد ان اتشكرتها على كل شي سوته النه لكن انا اصريت ان تاخذ الفلوس
واخذتهن بزعل لكن انا طيبت خاطرها وكتلها = خاله هذني فلوس الغراض الي راح ايجيبهن ابنج للمكيف
ما اوصف الكم فرحة رهف وملاك بالتلفزيون لان اشتغل خو ملاك اندمجت وصارت بعالم ثاني ورهف اشوف لمعه
بعيونها

صليت وبعد ان كملت صلاتي لميت السجاده واجت يمي ملاك وهيه تكلي
- - مها جوعانه
انا باوعت الها وابتسمت = حبيبتي رهوفه هسه يجي بابا ويجيب النه خبز
روان // شنو نتعشى بس خبز
= لا عدنا خيار وطماطه وناكل
روان // عود واليمته نبقى هالشكل

لملمت حلكي وحچيت = من اتشدين حيلج وتلزميلج كتاب حتى تنجحين اكيد كلنه راح تتغير ظروفننا
روان تهز اب ايدها //شنو ظروفنا واكفه على نجاحي
هزيت راسي = اي كلنه.لازم ندرس وننجح حتى نحصل على شهاده اتفيدنا
  ردت عليه باستهزاء //وهاي ان شالله بعد شكم سنه
 
= لا تستهزئيين
  روان اتهز ابايدها // ههههي انتي جاي اتحلمين لمن ما نكمل دراسه ونتخرج احنه كاتلنه الجوع اذا ما ميتات من الجوع
  جاوبتها = هاي انتي هيج تحچيين لان ما تردين اتدرسين جاي تخلين اعذار
  رهف // هاي شبيچن انا گلت جوعانه
   = هسه خلي ننتظر ابوي ويصير خير

تقريبا الساعه بالسبعه اجه ابوي دخل وسلم من شاف المروحه معلكه اتساءل قبل لا يحچي جاوبته
  = بابا اجت جيرانه ام غسان
- مني ام غسان
  = مرت الحجي الي اجر النه هذا البيت
  - ها اي
  = اي ومن شافتنا لابنكه وشافت ملاك تبجي ع التلفزيون هيه خابرت ابنها اجه وسووا التلفزيون وركب البنكات
  - ها هيه جابته ؟
=اي بابا وحتى بقت الى ان كمل ورفع المكيف بس بعد ايجيب له واير ودكمه ما اعرف شنو
 
ابوي // الله ينطيهم
  = ياالله بابا روح اسبح وارتاح
- ها اي حضريلي ملابسي
= صار
اعرف اب ابوي جايب اله مشروب وما يريدني اشوفه وقررت اخذ باقي الفلوس الي بقن من الستوته
رحت خليتله ملابس وهوه طلع بره ورجع دخل للحمام انا خليت خيار وطماطه وخبز وكلت الرهف
= وكليها الملاك وياچ
رهف // بس هذا ما يشبعني مها
= مي خالف بس اليوم لان شفتينه شلون هوسه من باچر راح نسوي غدا وعشا
روان //مو من اكول ام بطن محد يصدگني

رهف // - انچبي انتي انا ما حاچيه وياج
اتقربت منها وانا احضنها = حبيبتي رهوفه احنه هم لازم نتحمل شويه يعني ابونه يوم يجوز يحصل ويوم ما
يحصل يجوز نصير يوم نطبخ ويوم ناكل بس خبز وچاي
روان باستهزاء // وهذا الشي الى ان نتخرج ونتوظف
باوعتلها وعوجت حلكي = انتي ابقي بس استهزئي
 
رهف // لان كسولي
لزمتها من شعرها وهيه اتگلها // منو الكسولي گولي منو
  رهف //هديني روان
  - - ما اهدج منو الكسولي
اجيت يم روان وخرتها من رهف وهيه تتوعدها // انا الج اعلمج
ورهف دمعت عيونها  وهي تعدل بشعرها // اله اگل الابوي
= رهف اسكتي عن هاي مخبله ما ادري شبيها

رهف // هسه اگل الابوي اخلي ايكسرها
= لا حبيبتي جاي تعبان ومن اتگليله راح يكتل روان ويجوز يكتلنه وما يطلع للشغل خليها اتولي

خزرت روان وطلعت لگيت ابوي بالغرفه گتله = راح اجيبلك تاكل
  سالني // شنو عندج
= خيار وطماطه وانت جبت خبز
  - - نعمه اي جيبيلي
رحت قطعت طماطيه وخيارتين وخليت شويه ملح وخبزتين وجبتهن ورحت جبت دولكة ماي
= ياالله بابا اتعشى خاف يجي الولد يكمل شد المكيف
  - - اي اي