مرحبا ياقرائي الاعزاء
بدل ما انشر البارت حذفته
الله شاهد اكثر من 4000 كلمه انحذفت حتى ما الي واهس اكتب 😭😭😭
من امس جاي اجبر نفسي ع الكتابه وبديت اكتب البارت بزياده بنقصان لان كلش مقهوره
ناهيكم عن كمية التعليقات السلبيه
انتي ماعندج كلمه
وانتي جاي تشوفين مقدار صبرنا
وانتي انسانه مو ناجحه
والي تكلي تاخذين استخاره
حبايب صدكوني ابالي انزل بارتين لكن سبحان الله تشرتهن وانحذفن بعد السبب من جهازي
من البرنامج
المهم نشرت هذا البارت وارجو ان تعذروني لان خليتكم تنتظرون
تحياتي
لا تنسوون التصويت
وغلسو ع السحك
بي بعد تكمله لكن الحقيقه نزلته بس حتى بعض القارىات العزيزات يسكتن ما يحجن عليه
//////////////////////////////////
مها
نزلنه من السياره وانا اسمع اوامر عقييل باوعت بذهول شفت قبة مذهبه رجف كلبي وانا اباوع الام نوزاد
الي هيه هم متفاجئه مثلي وتكول
اللهم صل على محمد وآل محمد
مشينه وره عقيل ما اوصف الكم المفاجأه امشي وانا امسح بدموعي واكول والله محتاجتها هاي الجيه
شفنا وكف ودخل المحل غاب دقايق ورجع اب ايده علاگه نايلون اجه يمي والجكاره بحلكه انطاني العلاكه
::هاج طلعيها والبسيها شوفيها على كدج
اخذت العلاكه فتحتها شفتها عبايه راس بدون ما اباوع خليتها على راسي شفتها على كدي بس شويه
بيها قصر ام نوزاد كالت // مضبوط جايه عليها تمام
صار يمشي وصلنه للتفتيش وهو راح المكان الرجال وانا لازمه اب ام نوزاد دخلنه للتفتيش وطلعنه شفنا واكف
صار يمشي بعدها كال :: من تكملون اهنا نلتقي
رحنا وصلت للحضره اباوع بذهول ودموعي يوكعن عفت ايد ام نوزاد اريد اركض واحضنه صرت امشي
ما حسيت رغم كثرة الناس والتدافع اريد بس اوصل للضريح الشريف ابجي وما امسح دموعي وصلت ولزمت
الشباك واگول
=ياابا الايتام محتاجتك
= ساعدني
= حييل الدنيا والناس قسو عليه
= ساعدني ياولي الله
= بجاهك عد الله بركبتي بنات وخايفه من الجاي
= بجاهك عد الله كافيني شر جاسم وروان وبيت سليم
صرت اشهك واسولف = انت ابو الفقراء وابو الايتام وهاي الناس الي تجي تلوذ بهذا المكان الطاهر اكيد على
يقين انو حاجتها مقضيه
= انا خايفه خايفه من جاسم ومن روان وخايفه من سيف ابعدهم عن طريقي
حچييت هواي وبچييت اكثر لكن فجأه حسيت براحه نسيت انا شنو اريد ونسيت كل الاشياء المرت بيه
حسيت انو كلشي انتهى والدنيا فتحت اديها الي
رحت صليت ودعيت
بقيت تقريبا ساعه اتقربت مني ام نوزاد وكالت
- - - امشي نطلع مها استاذ عقيل اكيد منتظرنه
طلعت وياها وانا ما ابدي اعوف هذا المكان
وصلنه للنقطه الي كال نلتقي بيها شفنا واكف بس شافنه مشه قبلنه واحنه ورا وصلنه للسياره
عصام بيها هواخذ السويج من عصام الي نزل وصعد بالجهه الثانيه وام نوزاد ركبت ورا
هو فتحلي الباب الي ورا وركبت صار يسوق ودخلنه للمقبره ام نوزاد صارت تسلم على اهل القبور
اما انا فصرت اشهك بالبجي اتذكرت ابوي وانو ما جايه وزايرته اله باربعينيته لمن ما اخذت
اخواتي واجرت ابو سعد الله يذكره بالخير
أنت تقرأ
عقارب ذوي القربى
Genç Kız Edebiyatıقصه تتحدث عن قساوة الحياة وعدم تسامح المجتمع عن اخطاء قد نكون مجبرين عليها هي الظروف وعدم التربيه وغياب الاهل وظلم الاقارب هي من جعلتنا نكون سلعه رخيصه من الممكن اي احد ان يحصل عليها
