عقارب ذوي القربى

البارت الثامن والستون

شايف من مرات يحذروك من شخص
گلولك ما يفيدك
تره راح يكسرك وياذيك
وانته تسمع كلامهم منا وطلعه منا
وبالاخير الشخص الي چنت تتباهه بي يكسرك وترجع وتكول
اني ليش ما اخذت حجيهم ليش سويت هالشكل بنفسي
ليش الي حسبته سند كسرني
وكلبك يموت وتكوم ما تثق بشخص بسهوله وتموت رغبة الحب بكلبك
هذا حالي
عقيل
/////////////////////

باوعلي من سالته حسيت رجفه بشفايفه وكل اموره اتخربطت بقيت اباوعله هو سرح ما جاوبني
كانما صار عباره عن صنم اتقربت منه = عقيل عقيل وين صافن
جر نفس وكلي :: الشمس حاره ياالله ادخلي
اعرف هرب من الجواب وين الشمس واحنه تحت مظله
ما حبيت اضغط علي هزيت راسي وكاني فتحتله باب للفرج
مشى گدامي واشوف بمشيته حزن وانحناءه ما شفتها اله بوفاة امه
بقيت واكفه بالحديقه واشوفه يمشي حتى ما باوع ورا وحتى ما شافني
اذا اجيت لولا

عرفت عقيل عنده سر وسر چبير يمكن هو السبب بوجوده وحيد وخوف الكل من عنده

قررت انو اتركه ما اساله اخلي يلملم نفسه لان حسيته مقهور
بقيت بالحديقه ما دخلت صرت اتمشى بيها وعيني ع النقال وع الباب وعقيل ماكو

صار الظهر سمعته اذن دخلت للبيت وام نوزاد بالمطبخ وصلت يمها
= خاله
- بلي
= راح اروح للغرفه اصلي
هزت راسها //تقبل الله
=منا ومنج
باوعتلي // ايش فيكي مها
= خاله بعد نص ساعه رايدتج بالغرفه
- تمام انا هماتين حصلي واجيلك

رحت اتوضييت وصليت ودعيت ربي يهديني النفسي الي تعبتها لميت المصلايه وكعدت ع القنفه
اباوع النفسي لكن احس نفسي خاليه اتصورو حتى ملاك ما فكرت بيها
لا تعتبروها انانيه لكن انا نفسي ما لاكيه الها تفسير

اندك الباب وانفتح شفتها ام نوزاد اجت كعدت وباوعتلي بتساول
بقيت ساكته حاچتني // اني اجيت
هزيت راسي هي ردت // ايش فيكي مها
رديت = انتي تدرين عقيل طلبني للزواج

ما شفت اي ردة فعل وكانها تدري باوعت الها هزت راسها  // اي اعرف
فتحت عيوني ع وسعهن = ها من يمته
- من اجيت هذيك اليوم ويجوز مو بس اني الي اعرف يجوز عقيل مخبر اخو واختو.وبناتو
اتفاجأت من كلامها = وليش ما كلتيلي
- انتظرتك انتي تقليلي
= انا مو قصدي اضم عليج بس بعدني ما موافقه

باوعتلي وگالت  // وافقي مها
= ليش
- احسن الك
=من ياناحيه
- من كل النواحي
= لان فقيره ويتيمه لازم اوافق
هزت راسها // لا يابنتي وافقي لان عقيل يحبك كلنه فقره وايتام

فتحت عيوني وانا رافعه حواجبي هيه ردت
لاتستغربي مها عقيل يحبك ويحبك كثيير
= وشلون عرفتي
- عرفت وخلص
= لا كليلي شلون عرفتي هو يحبني

- عقيل من اول ما شافك وهو حبك
رديت باستهزاء = انوووب
هزت راسها // اي ليش متفاجئه رغم هوي رزن وما يبين علي لكن عيونو فاضحتو
= شلون يعني