عقارب ذوي القربى

البارت الرابع والاربعون

امس البارت كان هديه بمناسبة الفوز 🥰🥰🥰
اليوم بارت الحق حق وانتم تستاهلون 😘😘
/////////🌹🌹🌹////////////////

مها
رجفت من كلام سيف ونظرته الي ريكي يبس وصرت احس يطلع من وجهي ناار بقيت واكفه متصنمه بمكاني
هو رد عليه اب امر تعالي اوصلج
اهنا هزيت راسي وجاوبته = استاذ سيف ما اركب ولا اريدك توصلني
راد يحجي انا قاطعته = انا لا اتحداك ولا اي شي انا اشتغل اهنا ما اريد احد يوصلني
- شبيج مها
هزيت راسي = ما بيه شي بس انا ما اريدك توصلني

رحت امشي وما التفتت وراي امشي بسرعه وخايفه خاف يلحكني وكل ما تتقرب مني سياره اكول هذا هوه
وصلت للبيت وجريت نفس لان ما صار الي فكرت بي لكن عرفت بتصرفي احتمال انطرد لان سيف اقاربهم
واخو صديق استاذ عقييل
دخلت للبيت وسلمت وانا اجر النفس لاكتني  رهف واخذت العلاكه وهي اتكلي // اليوم ملاك اذتني حييل
= شبيها ؟
ما اعرف شوفي شلون عضتني وملشت شعري

اتقربت منها وانا احضن بيها = شبيج حبيبتي ليش عاضه دادا
رهف // لان حقيره
= ولچ هيه شتفتهم وهيج تحجيين
ما تشوفينها تحتار شتسوي بينه
صفنت واحجي ويه نفسي = هيه لو الوكت لو روان لو الناس

رحت غسلت ولكيت رهف مخليه الاكل الي جبته على العلاكه چانن سفريات اثنين تمن وفوكهن لحم وياهن
سفريات مرك وخضره وزلاطه اكلنه والي بقى ضمينا الملاك باليل خدرت كوب جاي وبعدها گلت الرهف
= امشي خلي ناخذلج صور
-ليش ؟
= ناسيه وراج دوام ولازم انشوفلج مدرسه تنقليين الها
مو اتفقنا السنه ما اداوم

هزيت راسي = لا ما اتفقنا هالشكل اتفقنا اذا ما لكينه حل الملاك ما تداوميين( جريت نفس )  هسه خلي انقلج وبعدين انقرر
رهف // وما راح نلكى حل
= ويجوز حتى انا يبطلوني
رهف باوعتلي باستغراب /. ليش مها ليش ايبطلوج ؟
رفعت اكتافي = ما اعرف بس عندي احساس راح ايبطلوني
رهف // اذا راح تبطلين بعد على شنو تنقليني من المدرسه
نفخت = كومي بدلي وامشي خلي اخذلج صور ونشوف

بدلت رهف وانا بدلت الملاك لبستها تراك ومشطت شعرها وانا لبست الجبه وطلعنه اول مره نطلع للسوك انا
ورهف وملاك لان ما عدنا شي كله نشتري من ابو الدكان الي نحتاجه بس مره طلعت ويه ام اديب للبالات
وهسه ما اندل منين رحنه ومنين رجعنا السوك هوسه والناس بي هوااي وكلهم ايروجون البضاعتهم شفت
ملاك تريد تهد ايدي لان ضاجت من الصوت العالي انا لزمتها اكثرر الى ان وصلنه للاستديو ورهف
اخذت صور بعد ان سالها المصور شنو نوع الصور جاوبته مال معامله واخذنا صوره تلاثتنا بيها رغم رهف
ما قبلت چانت ضايجه لان ما راح تداوم بعدها استنسخت الجنسيه وشهادة الجنسيه

واشتريت الملاك جبس ورجعنا للبيت بعد ان انطانه الصور
رجعت للبيت وانا محتاره شلون باجر راح اواجه سيف وشلون هوه راح يتصرف وياي
انا ما سويت شي غلط ابو سبع ذيج المره ما قبل احجي ويا خلص اذا مره ثانيه اتعرضلي اخابر ابو سبع
وصلنه للبيت نزعت الجبه مالتي ورهف سالتني
مها شنو قصدج حتى انتي ايبطلوج ليش شصاير
= ما صاير شي بس يجوز اذا اطلب زياده على الراتب ما يقبل عقيل ويبطلني