🌹عقارب ذوي القربى 💐
❤️آنيين الليل ❤️
/////////////////
عقيل
هالايام حالي ما يسر لا عدو ولا صديق ساكت وحتى بسكوتي افكر بيها
ما جاي تروح من بالي وياي من اگعد الى ان انام رغم الهي نفسي بهواي امور لكن صورتها
باقيه وياي اشوفها بكل زاويه بالبيت
اب اي مكان وبكل لحظه اشتاق الها ومرات اروح للمطبخ ادور عليها او بالمكتب لو بغرفة امي لو بالحديقه
وارجع وخيبة الامل وياي واستهزا بنفسي
زينب وحوراء مسويات مناوبه عليه واعرف قصدهن حتى اطلعها من بالي واتركها ما يعرفن
انو مها عايشه بكياني وصعب اعوفها
زينب تجي من تحل من المدرسه ويجوها المدرسين الخصوصيين اشوفها تقرا وذابه نفسها ع الدراسه
اريدها تنجح وتطلع معدل
اكثر المرات ارجع للبيت اسوي كهوه وهيه اسويلها كوكتيل فواكه و من تشوفني
تبقى تسولف وياي وتضحك ولا مره سالتني عن مها وكانما ما صاير شي او ما مهتمه للي صار
وحوراء نفس الشي تجي وتكضي اليوم بالبيت ومرات تطلب مني اطلعها اونسها وتاخذني للمول
وتبدي تشتري الها والاختها وحتى الامها انا ما امانع ادفع بدون ما اسالها
ومن نرجع للبيت تحاول تراويني شنو اشترت وانا اكتفي اهز راسي لان اعرف غايتها
ما اكللكم انا سعيد لان بناتي بدن يتقبلني بالعكس احاول ابين انو انا سعيد جدا بوجودهن
اعرف يسوون كل هذا الشي حتى اينسني مها او هنه يتصورن هالشكل
انا رت اتقرب الهن اكثر رغم همي والضغط الي عليه لكن كنت اتصرف على انو اني
مرتاح الوجودهن والحقيقه بيني ويين نفسي اريد احتويهن واكون الهن اب وصديق واخ
رغم مرات اقرا نظراتهن الي كلها حقد وخوف والهن كل الحق لان ما يعرفن الحقيقه
وما ايشوفني اله انسان مجرم ومتسلط وانا ابين الهن شكد احبهن واريد اامن مستقبلهن
واشوف شلون ايجاملني بدعائهن الي ان الله يطول عمري ويخليني خيمه فوك رووسهن
واعرف حتى دعائهن ما نابع من گلبهن
عصام من گلي عن الكلام الي سمعه من زينب وهيه تحجي ويه حوراء ما استغربت لان اعرفها وهم
اعرف هنه راسمات
يبعدني عن مها حتى اطلكها وانهي علاقتي بيها اتضايقت حييل من تصرفاتهن وخصوصا زينب
لكن ما بينت الهن هذا الشي
كنت امام تحدي جديد وهو انو لازم احتوي بناتي وابعدهن من هاي التصرفات الما مقبوله
ولازم اراقب تحركاتهن بدون ما يحسن
واول شي راح اسوي هو انو لازم انسى مها واحاول ابعدها عن تفكيري رغم بعدني ما مقرر شنو حيكون قراري
و رجعت لذيج الايام الي كانت عباره عن روتين قاتل من الشغل والاجتماعات وقتي كله
عمل وتوجيه للموظفين والعمال بدون مبالاة الصحتي
كانت هاي الايام الي امر بيها عباره عن رجل دافن نفسه بالشغل الناس اشوفني حزين واعرف جاي
تتعاطف وياي لان مهما كنت قوي ايبين عليه الضيق والحزن
أنت تقرأ
عقارب ذوي القربى
Literatura Femininaقصه تتحدث عن قساوة الحياة وعدم تسامح المجتمع عن اخطاء قد نكون مجبرين عليها هي الظروف وعدم التربيه وغياب الاهل وظلم الاقارب هي من جعلتنا نكون سلعه رخيصه من الممكن اي احد ان يحصل عليها
