عقارب ذوي القربى

البارت الثاني والثلاثون

مرحبا
كل عام وانتو اب الف الف خيير
رجعت الكم بس عفيه خلوني براحتي انزل بارتات لان عندي التزام ولوود فما الحك
رجعت الكم بالجزء الثاني بي هوااي اشياء ومفاجآت ما تخطر على بال احد
سرد القصه على لسان مها لكن هذا ما يمنع دخول شخصيات جديده ممكن اتساعدنه بسرد القصه
ما اسولف للكم على الاحداث الي اريده تشجعوني وتوصلوها المتابعينكم
اتمنى قراءه ممتعه ومعايشه شيقه مع الاحداث
تحياتي 💓🌹💓
هوااي احبكم 😘😘😘
# آنيين #

////|///////////////////////////////
مها
صرخت اجت الممرضه زمخت عليه // لا تصرخين اهنا انعاش واكو مرضى اطلعي بره
  صعدت ع الجربايه  وحضنتنه وفصلت عن العالم صرت احجي ويا
= بابا كوم محتاجتك انا واخواتي كوم بابا منو بقى النه
= والله بعد اي شي ما نريد منك بس اكعد اي شي لا تجيب النه بابا احجي رد عليه حبيبي
 
صرت ابوسه بخده اب ايده نزلت ورحت يم الطبيب = عفيه شوفه دكتور شوفه ما عدنا غيره ارجع افحصه
يمكن صار بغيبوبه
الطبيب ما حاجاني اجو موظفين خلو بالسديه وصارو يمشون وانا وراهم امشي بدون وعي اتقرب مني واحد گلي
عمي خابري اهلج خلي يجون يجيبون جنسيته او ورقة الكميه
جنت واگفه ما اعرف وين اجوي بمي نسوان اثنين يمكن عدهن مريض كللي
خاله منو رياج
هزيت راسي وحده كالت //خابري اهلج خلي يجون

طلعت التلفون وانا اشهك  واتصلت بنادر ويه اول رنه جاوبني // ها مها
انا ابجي واحجي بصوت نتقطع  = نادر ابوي مات
ما عرفت شنو حجى بقن النسوان يمي ويمكن ناس التمت اصفن وبعدها اصرخ واكول
= بابا عليك الله لاتعوفني
اشوف الناس ملتمه وانا مثل اليتيم اباوع بالوجوه محتاجه احد يوكف وياي

اجه نادر وابو غسان وام غسان واجت روان وهيه تصرخ شفت هواي ناس اجو قسم اعرفهم وقسم لا الكل التم
وراح نادر ويا ابو غسان وجماعه واجه االسايق ابو اسعد وهوه منگب بجفيته وكلي
- الله يساعدج ياعمي الله يكون بعونج

وراح وراهم بعدها طلعو ابوي ونادر طلب من منذر ايرجعنه للبيت لكن انا وروان ما قبلنه اجه يمي وكال بعصبيه
- اخذي اختج وروحي وانا اجيبه ورا ما نغسله
جاوبته وانا اشهك = عمي نادر نريد نروح ويا للنجف خلي يشوفنه حوالي

هوه هز راسه ودمعت عيونه
ومنذر اجر سياره قبل ما اركب رجعت على ابو اسعد السايق = عمو الله عليك مو تاخذون ابوي وما تجيبونه
— روحي عمي انا اجيبه واخذجن ويانه
ركبنه ويانه ام غسان وصلنه للبيت وشفت شروق ونسوان هواي من المنطقه ورهف كاعده وصافنه دخلت وبس
شفت رهف ما اتحملت صرخت حييل وحضنتها هي هم صرخت وگالت
لا مها ابوي هسه يجي مو

هزيت راسي يعني اي ردت // ليش تبجيين اذا هسه يجي وليش هاي الناس ملتمه
حضنتها وصرنا نبجي وانا اكلها = رهف ابوي مات  بعد ما نشوفه
صرنا نبجي والنسوان يبجن ويانه ام غسان كالت //على كيفجن تره البنيه راح تموت من التعب والبجي
شروق جابتلي ماي وگلتلي //اشربي شويه