عقارب ذوي القربى

البارت 77.

مرحبا
ما اخفيكم ردت انهي القصه
نتيجة الضغط وبعض الكلام الجارح من بعض القارىات
ارتأيت ان انهيها بدون ان ادخل بالتفاصيل
لكن بعد ان سمعت عتبكم ولومكم عليه وانو انا جنيت ع القصه وع الابطال
وحتى انتو ما اقتنعتو لان تعرفوني من ابدي بشي انهي بكل حرفيه وبدون اخفاء للحقيقه

وصلتني كثيير رسائل ع الخاص وحتى ع العام بعضها يشكر تعبي والبعض
الاخر حتى وصل بي الى ان يباغتني بهجوم ما متوقعته
حبايبي انتو ما تعذرون تردون بارت طويل ومشوق وخالي من الاخطاء
بارت يقنع القارئ ومن انزله
يكون الرد
قصير جدا
ما بي احداث
جاي تكتبين كلام ما اله داعي

تره ما اتذكر بيوم حميت بالكلام ولا اتذكر فد يوم گلت انو البطله صارت عليها الساعه 11
واجونه ثلاثين تفاك واجه البطل خزرهن وهنه بالمطبخ يسولفن ويضحكن وكللهن ساعه
واريد سفره ما لذ وطاب خصوصا الدولمه
وكلهن اتذمرن بس البطله لفت الدولمه وطبخت التمن وسوت مركة الباميا
وشوت السمج وعجنت وخبزت والساعه بثنعش وربع صبت
لان المساعد مالها گرين دايزر

مع الاسف هيج قصص موجودات وعليهن تصويت لان البطل طويل وحلو وعيونه كبار
وانا اكتب ادق التفاصيل بالبارت ويوصل القراء 5000 الف او اكثر والتصويت 300
ورغم هذا ما ازعل يمكن انقهر لكن ما ازعل

حبايبي من اكتب اكتب اشياء حقيقيه تمر بيها مها ومن تروح تشتري الكيكه والعصير تشتريها الملاك
ومن ترجع من بيت عقيل تجيب الغدا وياها لان تلكاهن ميتات من الجوع
جاي ابين لطف الله بعباده وبهذني البنات اليتيمات

شكد سمعت منكم لومه وحجي اذاني ارتايت انهيها وحتى احداث اعتبرها ساذجه كتبتها
واحداث صارت غلست عنها لان ادخل بيها بتفاصيل عميقه
لكن من شفت تعليقاتكم ومدى تمسكم بالقصه
وعدتكم اكملها الكم كما صارت
ضحكني تعليق احدى العزيزات وهيه تكلي
شني هاي خبنتيها خبن للنهايه

الي يهمني انو قارئاتي وقرائي اكون عند حسن ظنهم لان اعتبركم انتو جزء مني
واحبكم وما اريد بلحظه تزعلون مني

تقبلو تحياتي الكم
آنيين الليل
/////////////////////////==/=/
عقارب ذوي القربى
بارت سبع وسبعون
————————————————

عقيل
من طلعت مها من بيتي الي بي لقاء وبناتي انا خليت عصام يراقبها
وره فتره گلي انو مها مبسطه بالسوك وهنا اني جن جنوني لكن بعدها
عرفت انو انا مو بس احب مها ولا بس اعشقها هيه عايشه بدمي بگلبي بعقلي
لذلك قررت اتزوجها وابد ما اعوفها

واخذتها البيتي الي بالمزرعه وطلبت من عصام يجيب شيخ يعقدلي وطلبت منه يجي هو واي احد
حتى يكونون شهود لان ابو سبع بوقتها ما موجود اني دزيته للبصره من اكثر من شهر عدنا شغل
جدا مهم لذلك عصام جاب علاء واجه عقدنا وخليت الها مقدم عشره ومؤخر عشره
چان بنيتي هواي امور لكن خفت تضيع من عندي  بعنادها وخوفها