عقارب ذوي القربى

البارت الرابع والسبعون

قبل ما تقروون البارت
حابه اشكر جميع من سال عني واتمنالي الشفاء
ودعالي وايضا انطاني العذر بالتاخير
من قريت كلامكم صراحه حتى نفسيتي اتبدلت
نحو الافضل حتى هوااي گالو

عوفي الكتابه وارتاحي القصه ما راح تطير
انا جدا ممنونه منكم
شكرا الكم انتم فعلا اخوات عزيزات
ربي يحفظكم ويحقق امنياتكم

//////////////////////////❤️💙💖///////////////////
مها
صرت على قناعه انو لازم هالفتره ابعد عن عقيل وافكر بدون ضغوط
لكن السؤال اهنا وين اروح ا
اتحسست جنطتي بيها الفلوس الي انطاهن الي عقيل
الفجر صليت بالامام ورحت اتريكت انا وملاك الي بينت عليها الضوجه

اخذت ملاك وطلعت امشي بصراحه ما اعرف وين
وانا احجي ويه نفسي =هذا هو ارجع ابيع بالاشاره
=يااشاره عقيل اذا عرف ما راح ايسامحني يلكاني ويعاقبني
=. لا ما يسوي شي لان انا مو مهمه عنده حتى ما كلف نفسه يتصل

=خلي احسن ما يتصل بس وين ارووح وعد منو
=ليش ما ترجعين مها
رفعت اچتافي = اخاف منه ما ارجع

اخذت تكسي ونزلت بالاسواق رحت على محل اخذت منه تراكين
واحد الي والثاني الملاك واخذت ملابس داخليه
بصراحه ضايجه وصرت كل
شويه اطلع موضوع احجي بي =اي ليش ما رد ع بناته ليش خلاهن يحجن بكيفهن بس بعدين اخذهن
اتحسرت = ورا ويش بعد ما حچن وفضحن كل چذبه

=ليش تظلمين عقيل الي سوا الج مو شويه
=شسوا ما سوا شي
=اقلها يعرف بروان وما استغلج

غمضت عيوني = هذا مو موضوعنا خلي اشوف وين ممكن نروح
=وين يعني
=ما اعرف
=ارجع للمشتمل
=لا راح يلگاني انا اريد افكر براحتي

=وين ترحين ويه ملاك
=هناك احسن الها
=اي اول مره بس ما ندري عقيل بعدين شنو ممكن ايسوي
=شيسوي يعني ممكن اياذيها
=ما اعرف عقيل يجوز مريض نفسي من الي شافه ومر بي اذا صدك كلامه
=مو اخذج شفتيها ما مجبور يچذب عليج

صرت ابجي وامسح بدموعي = زين ليش تبچيين
ما لگيت جواب السؤالي اخذتني رجليه البيت ام اديب دگيت الباب هيه فتحتلي
ابتسمت من شافتني سلمت عليها = اشلونج خاله
-هلا مهاوي مشتاقتلج
حضنتني وباوستها = اشلونج خاله
-هيج يابذات حتى ما تسالين عليه
=اي والله حقج بس جنت مشغوله

كعدنا بالصاله وملاك راحت فتحت التلفزيون
وما استغربتها سالتني // اي شلونج
هزيت راسي = الحمد لله زينه
-شبيج مها
=خاله جايه اكعد وياج فتره وبعدها اطلع منا

هزت ايدها //ليش شكو ياستار
=ماكو شي بس اريد اكعد اهنا واذا ما تگدرين مو مشكله

-شنو مو مشكله غير افهم انتي الي عرفته من اديب انو عقيل لكاج
هزيت راسي هيه ردت // ايي وشصار
= ما صار شي بس انا ما اكدر اعيش ويا
-ليش يمه الرجال مشتريج ويريدج لو تشوفين شلون يدور عليج عبالك مخبل ما خلى مكان
هزيت راسي =. عصبي واخاف منه وانا بركبتي هاي البنيه