عقارب ذوي القربى

البارت الرابع والستون

هلو حبايب
اليوم البارت خالي من مها بس شنو بارت يخبل
اتمنى يعجبكم
///////////.
عقيل
جاسم راح وانا بقيت كل همي الكى مها بس وين الكاها
اول واحد اجه على بالي انو هو الي يساعدني. صادق
خابرته رنه رنتين بالثالثه جاوب

جاوبني من وره خشمه // الو
اعرف بي زعلان جاوبته بدون ما اسلم لان الوضع الي بي اني مو مال سلام :: صادق تجيني للمشروع بسرعه
رد بثگل //. العفو ابو زينب تع...
صحت بااعلى صوتي ::  صادق تجيني خويك ومحتاجك
خف صوته وجاوبني // شبيك عقيل فهمني شصاير وياك
رديت بتوسل :: تعالي صادق محتاجك وانت بس الي تگدر تساعدني
——. صل على محمد وآل محمد وعلى كيفك

سديت التلفون بقيت كاعد ع القنفه صدكوني ما اكدر اتحرك احس بنفسي انشليت

اتاخر عليه او اتهيألي اتاخر عليه اجه مازن سالني
استاذ محتاج شي
هزيت راسي بلا
هو طلع وانا بقيت بس ادخن الى ان وصل صادق دخل واجاني بدون ما يسلم

——- شصاير عقيل
باوعتله وانا دموعي بعيني :: صادق اريد مها
جاوبني بحزن وعدم مبالاة // يامها ؟
:: صادق مها جيبلي مها
عكف وجهه //شصاير وياك فهمني شبيك عقيل
بقيت كاعد ومدنك وانود صادق كلي // فهمني عقيل الخاطر ربك
رفعت راسي وكفت وانا الهث :: صادق انت مو صاحبي انت مو سويت المستحيل
وساعدتني ليش هسه تتخلى عني

هز راسه /. ما اتخلى عنك انت شايف نفسك عبالك طفل مضيع امه
هزيت راسي ::اي اعتبرني طفل
- عقيل عمري ما شفتك هالشكل لا انت مراهق لاانت مخبل لا انت طفل يريد امه
حچيت بعصبيه :: كل ذني بيه صادق دورلي مها
  - - اي غير اعرف هيه وين بالبدايه
   لزمت كتفه :: اريدها صادق اريدها

حال عقيل👆😱
كعدت اسولف الصادق كل شي.صار وياي وشلون عرفت من سيف
گلي // المفروض تفتهم منها  ما تحكم عليها
:: صادق كل شي عرفته من سيف ممكن اتغاضى عنه اختها الي تشتغل
كذبها عليه بس شي واحد خبلني خلاني ما اعرف شلون اتصرف
لمن ايكلي سويت كل شي وياها ورادت تنطيني نفسها بس خفت على اسمي ومركزي

ابو سبع نفخ بحرگه وقهر // اعرفه السيف الساقط حچى هالشكل لان ما حصل منها شي
هزيت راسي :: سيف بعدين احسابه المهم ابو سبع اريد مها
  فر ايده // شتريد بيها
جاوبته بدون تفكير :: احبها احبها ومستعد اكتل روحي اذا كان هذا الشي يرضيها

هز راسه وكال // عين خيير نلكاها وين تروح
  :: اريدها صادق اريدها
- - ان شاالله الكاها  بس عقيل بما انه انا ولي امرها ما اجبرها اذا رفضتك او ما رادتك

بقيت ساكت وصادق كلي يريد عصام وعلاء ويا
هزيت راسي وخابرتهم واحد وره الثاني بلغتهم راح يجيكم ابو سبع ويفهمكم
سالته :: ابو سبع شناوي تسوي
ادور غير
::اي
اگلك عقيل انت روح ارتاح
  ::لا اني هم ادور وياكم