عقارب ذوي القربى

البارت الخامس والخمسون

هلاو بنات
النت بالبصره كلش تعبان من البارحه مكمله البارت لكن ما كدرت انشره
/////////////////////////
مها
طلعنه من الشقه واحنا ما نباوع ورانه عبالك اكو بشر يراقبنا اخذت تكسي ورحت للسوك الي يصير بعيد عن بيتنا
هيج بس حتى ابعد واجر نفس شفت محل رغم الجو بارد بس يبيع عصير وكفت يمه وكتله يصبلي كلاص لان
رهف ما رادت شربته كله اريد احس بي ينزل بارد ما حسيت ابرودته لان گلبي نار رهف سالتني

مها شبيج
= ممكن ما تساليني
اي براحتج بس شغله وحده لاتهتمين الها هيه انسانه بالنسبه النه ميته
  باوعت الها = ميته ولج تشتغل راقصه بملهى الناس اذا تدري ما ترحمنه
رهف بكل برود // اهنا محد يعرفنه واي احد يسالنه احنه بس تلاثه ايتام وعدنا وحده اتوفت من سنين
= بهالسهوله
هزت راسها //اي مها ورانه هواي امور مستقبلي هو الي راح يغير كل شي بينه

كلامها حفزني واتعجبت من برودة اعصابها معقوله رهف ما عدها احساس او هيه انانيه الهلدرجه بحيث ما تحس
بمقدار الخوف الي يراودني اذا احد عرف انتبهت على صوتها وهيه تگلي
  ——- شوفي مها ذاك محل ملابس
اشرت ع محل يبيع ملابس رحت اخذت الها بلوز وتراكين واخذت الملاك تراكات اثنين وجاكيت وحذاء
هيه باوعتلي وكالت // وانتي مها
= عندي ما عليج
  حركت ايدها // لا لازم تشترين
= لا مو هذا الشهر على ما اذب الاسود ع الحجيه تعالي

لزمتها من ايدها ورحنا على محل ثاني اخذت كولونات تلاثه ورحت اشتريت هيتر چبير
سالتني رهف // غالي مها
هزيت راسي = لا هذا بفلوس علاجج
  - يافلوس ؟
= استاذ عقيل دز ميه الف كلي اخذج للطبيب
ابتسمت رهف // الله ينطي شكد يعرف بالاصول
هزيت راسي وخليته يم ابو المحل وكتلها = خلي نروح للصيدليه نجيب براسيتول وفلو اوت
- وليش ؟
= يفيدن رهف
  - ايفيدن لو حتى ما تطلعين جذابه

سكتت ورحنا للصيدليه اخذت العلاج ويا كبسول شفت العلاج الي جانت تستخدمه ملاك سالت على سعره
لكيته زايد ومن سالت الصيدلي ليش هلكد غالي كلي تقريبا هو انفقد من الصيدليات وما صارو ايجيبونه
ولان كثر الطلب علي احتكرو بعض تجار الادويه
 
اتنفست وانا اكول = ملوكه لو اعرف بي فاىده الج جان موتت روحي من الجوع واشتري لكن كل فاىده
ما بينت عليج وانا هم هملتج بالفتره الاخيره وكله من هاي الحقيره الي تسمى اختنا
رهف// شگلنه مها مو كلنه ننسى ونعتبرها ميته
   = خايفه رهف
منين ياستار
  = منها خايفه من روان خاف يوميه تجينه واحنه ما عوزنا تدرين اذا عقيل عرف
  -  اتولي هيه لوعدها ذرة كرامه بعد ما تسأل
     = تتصورين هي بقت عدها كرامه
    
رهف  شافت جامخانه مالت مطعم رادت اتغير الموضوع كالت // مها اريد لفه
ابتسمت رغم الالم ورحت اشتريت الها لفه كباب سالتني // وين اكلها
= بالبيت
ابتسمت // شتحجيين اموت غير عفيه خلي اكلها اهنا
  = اهنا وين بالشارع
    - ما تشوفين الناس محد اله شغل بالثاني
   = اوكفي خلي ااجر تكسي واكليها داخل السياره
   - مها حبابه قوطية ببسي