عقارب ذوي القربى

البارت الثاني والسبعون

مها
فتحت عيوني =شنو
::ليش مستغربه شنو مثلا اخليها عايشه
= بس سعاد ...قاطعني
:: شنو سعاد عرفتني خيانة لقاء عرفتني انو ضي مو ابني
سعاد حطمتني وكل ظنها انو لقاء گايلتلي هيه الي قتلت ضي

=بس ما توصل للقتل
::ها يعني انتي ممكن اتسامحين نهله
=لاتخلط الاوراق
::ليش يعني نهله ما تشبه سعاد
=مو جنك جاي اتعير
هز راسه :: لا ابدا اني اعرف انو انتي لو صحتلج فرصه تنتقمين من نهله وسليم ما راح اتقصرين

دنكت ولميت اديه = يمكن كلامك صح
::  اكيد كلامي هو الصح بدون يمكن الا اذا انتي قابله على تصرف نهله وخيانتها
وتحرش سليم بيج (عوج ركبته ورجعها ) هاا

بلعت ريگي  = اكيد ما قابله على خيانة نهله وعلى تحرش سليم
هز راسه :: خلص اني مثلج بس اني شويه اجسر واقوى منج يمكن لان ظروفي شويه احسن

= لاتزروق الكلام انت قتلت سعاد
  : : اي بس مو اب ايدي
   عوجت حلگي = هاي شلون

ظل ايعدل بالجگاره قبل ما يخليها بحلگه :: مو قبل شويه گتلج شلت كلبي وذبيته للجلاب يعني اني صرت
امشي بدون گلب
=حتى هسه
::انتي شتشوفين
هزيت راسي = ما اشوف شي اصلا انا اريدك اتخلص هاي القصه العقيمه لان ضجت
باوعلي :: تمام شتردين اتعرفين

=سعاد
:: اكيد تعرفين المقوله الي تكول بشر القاتل بالقتل ولو بعد حين
= اي
:: واكيد كل خاين ومجرم اذا حصلت الفرصه ياخذ جزائه بالدنيا واذا لا فااكيد بالاخره مو تمام
هزيت راسي بقلة صبر = تمام
:: لذلك ابني كشف سعاد وكشف طياح حظها وعرف الي مصادقتهم ورغم هو ابن (اتحسر وهو يداري دمعه ما توگع )
حرام لكن عنده غيره وسعاد وحده وصخه فاانا قررت اسوي مثل ما راد يسوي ضي
= شسويت
:: اخبر اخوتها بس بطريقه حقيره حتى ما يبقى الها اي عذر ولا حتى يبقى الهم عذر عن قتلها

= شلون
صار ايدك ع الطاوله اب اصابعه رجعت حجييت ويا باستهزاء
= ماكو داعي اتقطع بالاحداث ولا تگلي مشاعرك اتحركت او اتندمت
اتقرب مني :: الي گدامج قبل خمس سنين ومن عرف الحقيقه صار مجرم سفاح ما يهمه لو تحترك الدنيا فلا
تستهزئين بشي ما تعرفي

ما اعرف ليش خفت منه بلعت ريگي وما جاوبت هو گال
::رجعت البيت سعاد دخلت الغرفتها شفتها نايمه گعدتها باوعتلي وهيه ساكته
گعدت گبالها گتلها // طلع كلامج صح
فرحت وضحكت // عقيل انا من سويت هالشكل استهضمت على تعبك انت تشتغل وتسافر وحتى رجلي
واخوتي شكد ساعدتهم تالي متالي هيه تدزه الصاحبها وانت يستارثك واحد مو ابنك

:: اني اشكرج سعاد بس ليش هالشكل حصدتيها ورد ويه اختج
  —— عبالي هيه الي گايلتلك انو اني قتلت ضي
  :: صدك هيه تعرف بيج انتي قتلتي
هزت راسها // لا تگلي بعدك ما سالتها
هزيت راسي ::  لا ما سالتها بس شفت التلفون وهسه گليلي لقاء تعرف بيج قتلتي ضي