عقارب ذوي القربى

البارت 82

عقارب ذوي القربى
بقلمي #آنيين الليل#
////////////////////
مها
من سمعت باسم البصره حسيت برجفه بكل جسمي ريگي يبس وعيوني غوركن بالدموع
احس بلحظه الهوى انقطع عني جريت نفس ورجعت سالته بخوف = انت متاكد احنا بالبصره
  بدون ما يباوع جاوبني - اي ست
ام اديب هم چانت نايمه سالته // شعنده عقيل جايبنه لهنا

عصام ما رد وانا كل الافكار السيئه اتجمعت براسي صرت احچي ويه نفسي
=معقوله عقيل جايبتي حتى يرجعني السليم ومعين
= معقوله هلگد كرهني يريد يسلمني ابايده الهم
= ليش عقيل هالشكل يسوي هلكد كارهني بحيث يجيبني ابايده السليم ومو ابحدي جايب
وياي ملاك حتى يقضون علينه

حچييت ويه عصام = اوكف عصام
باوعلي بالمرايه // خير ست مها
=اوگف نزلني اهنا
ليش هم لعبت نفسج
=لا نزلني اريد ارجع
ست شتحچيين
=جاي اگلك نزلني بسرعه لا افتح الباب واشمر نفسي انا وملاك

عصام اتنفس // ست مها اع...
قاطعته بعصبيه = عصام جاي اكلك نزلني انا مو جاريه عد استادك نزلني بسرعه
ام اديب // على كيفج مها مو هالشكل خلي نفتهم
ما انتبهت العصام وهو يتصل وانا ارد على ام اديب = شعده جايبني للبصره ها شعده جايبني
جاي اكلك نزلني

عصام الي سوا فاجاني مشى بالسياره بسرعه جنونيه فاجأتني وهو يكول
——- ست مها اني وياج لاتخافيين واستاذ عقيل  اني متاكد ما يريد ايسويلج شي مو زين
جاوبته بعتب = حتى انت اشتراك مع الاسف

عصام ما رد عليه صرت حتى ما اباوع من جام السياره لان اعرف انا وين رايحه
اباوع الملاك الي نايمه ما كدرت امنع عيوني من البجي ام اديب دارت عليه وكالت
- شنو شبيج شيريد يسوي فنه اذا اذاج
عصام // ست مها لاتنسين بلحظه انتي اختي ومن اشوفج بخطر صدكي هاي الروح ترخصلج
جاوبته باستهزاء = اي مبين من كتلك وكف السياره

عصام //ست ما اكدر انزلج اهنا تدرين من يشوفج عقيل شيسوي صدگي يرجع يدعمج بالسياره
ام اديب // مهاوي خلي نوصل ونشوف وداعتج محد يكدر يوصلج
باوعتلي وهيه ترفع بحواجبها وتغمض بعيونها يعني افتهمي انتي عندج ورقه رابحه

= ام اديب هو اكثر واحد يعرف انا ما اريد اوصل لهنا ليش هالشكل يريد ينتقم مني كله منك عصام
هز راسه ونفخ // ادري واني اسف بس نوصل اروح العقيل واگوله على كول شي
= انت شنو قصدك لا تظل تحچي شي ما تعرفه انا اقصد كله منك من دليته عليه وانا بالسووك
عصام // ست اطمني استاذ عقيل قبل ان يمس شعره منج اعتبريني اني گايله على كول شي وما يهمني لو يقتلني

اضطريت اسكت استخطيته العصام محمل نفسه ذنب هوه ما اله بي
صرت احچي ويه نفسي = بس اوصل لهناك افاجئه بحملي اي هاي الورقه الوحيده الي احمي بيها نفسي واختي
= لو من اوصل الزم ملاك وانهزم واروح اخبر الشرطه
= لا ما اخبر الشرطه اخبر اديب وهو يتصرف