عقارب ذوي القربى

البارت السابع والثلاثون

مها
طلعت وبايدي علاكة الغدا اريد اروح للبيت استوقفني صوت فراس الي شفته هوه وست غدير بالحديقه يمكن
يردون ايطلعون سمعت صوته گلي
اوگفي مها
وگفت بمكاني ما اتحركت صاحني تعاي

رحت امشي وعيني بالكاع مستحيه وخجلت خاف يسالني ع العلاكه وصلت يمهم
=نعم استاذ

فراس مد ايده على جيبه //  الزمي هذا راتبج
اذا اكلكم راد يغمى عليه من الفرحه ما تصدكوني حمدت ربي وصار كلبي يدك جاوبته
= استاذ بس اني اليوم بلشت شغل
هز راسه // اي اني انطي الراتب مقدم حتى اذا ما يعجبنه شغلج نبطلج
هزيت راسي = لا لا راح يعجبكم شغلي (درت على ست غدير ) ست انا شاطره كلش بشغل البيت والطبخ
اذا تحبين اساعدج

هيه ابتسمت وما جاوبتني اكتفت اتباوع الفراس الي كال
غدير خلي باجر نشوف طبخها واذا يعجبنه ما راح نفك منج ياخه على ما تجي ام نوزاد
= صار استاذ بعيوني
ياالله روحي وباجر لا تتاخرين لان ام صفا بثمانيه مرات تطلع
= ان شاالله ما اتاخر مع السلامه

رجعت وانا طايره من الفرح واحمد بربي الي هيالي ابن الحلال ابو سبع صرت امشي وادعيله بالخير حتى
ماحسيت اله وانا يم البيت طلعت المفتاح ودخلت شفت باب الغرفه مسدود دكيته سمعت صوت رهف //منو
= انا رهوفه افتحي
هيه فتحت الباب وكالتلي بعتب // مها وين چنتي هواي اتاخرتي
باوعت الها وانا ابتسم = ويوميه راح اتاخر لان اشتغلت
وطلعت الفلوس هيه شافتهن فتحت عيونها وسالتني = صدك مها
= اي والله صدك الحمد لله الناس قبلو ايشغلوني وانطوني راتبي مقدم الف الحمد لله

- - بس هواي اتاخرتي وانا خفت
= لا تخافين حبيبتي ياالله تعالي نتغدا
طلعت السفريات وصارن ياكلن عرفت بيهن جوعانات انا اخذت صمونه وخليت بيها شويه من الدجاج واكلتها
رهف كلتلي //مها اكلي بعد
= شبعت حبيبتي انطيني التلفون
اخذته واتصلت اب ابو سبع هو راسا رد // الو
= شلونك عمو
هلا عمو ها سلامات
=ماكو شي بس اريد اشوفك

—-ليش بابا شصاير
=. ما صاير شي عمو عندي شغله وياك
يمته تردين اتشوفيني
= هسه
زين انا هسه يم البنايه
= ياالله عمو جايه
باوعتلي رهف وسالتني // وين رايحه
= رايحه الابو سبع
ليش شتسوين

= انطي فلوس الاجار الي دفعهن
وليش تنطيهن اله مو گال احسبيهن دين
  = رهف اتعلمي لا تقبلين شي من احد وانتي ما تعرفينه
بس هوه حباب شكد ساعدنه ايذكرني بعمو ابو مصطفى
اتذكرت ابو مصطفى وشنو راد من ابوي بدل مساعدته النه والله العليم ابو سبع شنو يريد جاوبتها
= اي ساعدنه بس مو معناتها يدفع عنه الاجار
بكيفج مها
= انا راح اروح ما اتاخر ديري بالج
اي

رحت امشي وصلت شفته منتظرني سلمت = اشلونك عمو
هلا يابه خير
= عمو ما اعرف شلون اشكرك الله يخليك
العفو ما سويت شي
= اتفضل عمو
شنو ذني
= عمو الاجار لان استاذ فراس انطاني شهريتي مقدمه
لا بابا خلي فلوسج بجيبج اعتبريهن هديه
هزيت راسي = لا عمو لازم تاخذهن انت شنو ذنبك تدفع الاجار
ما اخذهن خلص خليهن ايفيدنج
 
رجعتهن الجنطتي = الله يوفقك ويرزقك عمو ممكن طلب
اي اسمعج
= عمو اريد تدليني على واحد يبيعلي تلفزيون ودش بالاقصاد
ها وليش ؟
= عمو هاي اختي المريضه ما تهدا اذا مو تلفزيون حتى لو زغير بس المهم تكعد وتباوع الله يخليك
  فكر وهز راسه // امشي
هوه ركب السياره وكلي //اركبي

اترددت بس شسوي مضطره هوه ساق السياره وانا وجهي ع الشارع بسرعه وصلنه يم محل كهربائيات دخل
واشرلي ادخل ويا سلم
والرجال الظاهر ايعرفه وكله اامرني
ابو سبع //ما يؤمر عليك ظالم رايد تلفزيون زغير
هاي كدامك
لا رايده زغير ورخيص
الك
لا البت اختي
موجود
اي واريده سعره مناسب