عقارب ذوي القربى

البارت التاسع والخمسون

مها
الي مريت بي شبيه بالكابوس چنت ذيچ الايام هادئه اكعد الصبح اروح وارجع بالليل وانا اباوع الرهف
الي ما تضيع دقيقه ملتهيه بس تقرا وانا الطبيب كتبلي علاج مهدأ الملاك عباره عن شراب تاخذه
مرتين باليوم مشت حيااتنا خصوصا من نجحت رهف حسيت انو الحياة اخيرا ضحكت الي
وراح رهف تدخل الكليه وراح اهواي تتغير اشياء بينه

واكيد راح ننسى كل شي مرينه بي
الجوع
والظلم
والقهر
والفقر
والخذلان

جاسم كان عد كلامه خلى سيف يبتعد وما اشوفه سيف الي تبين انو هو انسان ما يختلف هواي
عن سليم وعن مضر انسان نذل ويدور على ملذاته والي يريده ايحصل علي لان عاش كل عمره مدلل
تقريبا نسيته ولو صادف وعقيل سال عنه جاسم صرت ما اهتم اسمع اي شي بالضبط حاله حال اي
انسان غريب يمشي بالشارع لا اعرفه ولا اهتم الوجوده

وبقيت بشغلي عد استاذ عقيل الي مره اشوفه كله حنيه ومرات اشوفه صارم وعبالك جبل ما يهتز
عقيل الرزن والي كلامه كله بهدوء وحتى عصبيته كانت هادئه ويجبر المقابل ان يخاف منه
وبنفس الوقت يترمه

وما انكر نظرات الكره من اخت عقيل وبناته لمن يجن لكن كل هذا ما يهمني لان انا مجرد
خادمه للاستاذ الي من يشوفهن يجن للبيت راسا هوه يتصل على ابو سبع ويجي يرجعني
والي ما لگيت تفسير للي ايسوي لان انا مجرد خادمه ومن سالت ام نوزاد جاوبتني
- - -:انتي خادمه شخصيه الاستاذ عقيل وبس وهو بكيفه يخليج تلبين طلباته وطلبات ضيوفه او لا

وقدمنه الرهف ملت الاستماره وطبعا كتبت المجموعه الطبيه كلها وبكل المحافظات بس حتى تنقبل
وانا رغم احسب شلون بينه بالمصرف اذا انقبلت محافظات  لكن انا ما بينت الها خوفي او حيرتي
وبقيت ادعي ربي انو تنقبل بغداد وصرنا نترقب القبول

وكالعاده اروح الدوامي وارجع للبيت وانا ماخذه وجبتين اكل الاخواتي وهذا الشي فرق عندي هواي
بالمصرف بحيث جمعت مبلغ لا باس بي
بالليل اجه عليه ابو سبع من وكت لان بالصيف دوامي يخلص الساعه بالتسعه واستاذ عقيل هو الي
سمحلي اروح حتى بوكتها ما لحكت اخليله عشا عرفت انو اخته او بناته جايينه

طلعت ورحت الاخواتي اتعشينه سوا وكعدنا انباوع ع التلفزيون ومرات العب بملاك الي هالايام صارت
تشخبط بدفتر الرسم وصرت اعلمها اب اسماء الالوان صحيح استيعابها قليل لكن احسن من قبل
سمعت الباب اندك صرنا انباوع انا ورهف منو ممكن يجينه الساعه 11 بالليل ولو صيف
وعد الناس عادي يجونهم ويرحون لكن احنه محد يجينه لان بالاساس ما عدنا احد ممكن يسال علينه
طلعت وكلت منو سمعت صوت عقيل

:: اني
فتحته مستغربه وانا اشوف عقيل مو على بعضه
= خير استاذ
:: ام نوزاد اتخربطت واخذتها للمستشفى ولازم تجين تبقيين يمها
= خيرها
:: ما اعرف فجاه وكعت ياالله ما عندي وكت