اوكية .. انا عارفه ان ممكن يكون البعض مستغرب تصرفات لارا و اذاي هي بتحب زين و في نفس الوقت بتحضن براين م جاستن عادي جدًا بالطريقة دي .
انا حبيت اوضح الفكرة بس شوية ، حاليًا لارا مريضة نفسيًا ، هي عندها اضطراب ما بعد الصدمة و توتر و قلق و اكتئاب ، السبب في ده موت والدها و فقدان زين للذاكرة و انها اتخطفت و كل الاحداث الي من اول الرواية ...
اغلب الروايات بيكون البطل او البطلة اتعرض للاذي الجسدي من والده او عائلته او انه اتخطف او او او ... فده سبب له خوف من الناس و مبقاش عايز حد يقرب منه و لا يلمسه ..
و لكن هنا ... لارا حالتها مختلفه ، هي متعرضتش لاي اذي جسدي غير مرات قليلة و ده مسببش اذي كبير اوي لنفسيتها و اكيد ليه تأثير و لكن مش كبير اوي .
التأثير الاكبر هو فقدانها لكل الي بتحبهم من بدايه من مامتها و اخوها نهاية لزين و انه نسيها ، علشان كده هي محتاجة اهتمام و حنان و الاهتمام ده بالنسبة ليها هو الشعور بالدفء و الامان و بما ان مصدرين الدفء و الامان بتوعها مبقوش موجودين " باباها و زين " فهي بالتالي بتدور علي الدفء و الاهتمام و الامان و الانتماء للقريبين منها و ده يتمثل في " جاستن و هاري و براين و ليو . "
علشان كده هي ديمًا بتحضن ، بتنام ، او بتسند راسها عليهم علشان هما بيحسسوها بشعور الامان الي هي مفتقداه في الفترة دي و كونها مش متزنة نفسيًا بردو ده له عامل كبير جدًا .
كمان علميًا التلامس الجسدي مع المريض النفسي الي بيكون عنده صدمة فقدان احد من العائلة ده بيكون كويس له علشان بيحسسه انه مش لوحده انه في حد حواليه انه في امان و انه مرغوب فيه و ان الي حواليه مهتمين به .
كمان انا معرفش هل انتم كده بردو و لا لا بس في بعض الاحيان بنحتاج انه نضع راسنا علي كتف احد و خلاص من غير اي اسباب تذكرو ده ساعتها بيكون سبب كافي انه يخلينا كويسين و مش بنكون عايزين حاجة تاني غير كده ، شعور ان في حد موجود علشاني ده لوحده كفاية فبردو لارا حست بكده علشان كده هي ديمًا بتتصرف كده ، الي ان تكون كويسة و تكون قوية بعد كده لوحدها .
بالنسبة للي حصل لزين ...
زين دلوقتي بيمر بحاله من الضباب العقلي و هي حاله علمية بيمر بيها الانسان لما بيكون مضغوط جدًا او بيكون عنده مشاكل كتير و بيفكر كتير ، او مشاكل نفسية زي القلق و التوتر والاكتئاب ، كل ده بيسبب حاله من وجه في الدماغ و لكن مش صداع و بيحس ساعتها الفرد بضربات قلبه في دماغه و ان نبضات القلب عاليه ...
بسبب ان زين مش قادر يتذكر الي حصل و فقدان الذاكره ده مآثر عليه فهو بيمر بحاله من الضباب الدماغ هو مش عارف يفكر مش عارف يوصل لحل و لا لنتيجة مش عارف هو حاسس ايه و لا عارف ايه الي بيحصل ، حاسس بفراغ في رأسه و حاسس بألم و لكن مش صداع ... الموضوع ده هيكون مؤقت لزين و لكن مش هيتم ذكره بالتفصيل في الرواية يعني مش هذكر حوار الضباب ده و لكن حبيت اشرحه ليكم .
أنت تقرأ
PRETTY BOY
Fanfictionالحياة لم تكن بتلك السهولة معي مر علي كنت اهرب و اهرب الي ان وجدت نفسي في كل مره اهرب بها اعود اليه مجددا. لم اكن اعلم انه سوف يكون في الاخر ملاذي الوحيد و لكن ها انا ذا في كل مره اراه اقع بحبة لقد كنت ضائعه في مشاكلي و لكن كنت اجد الحب بعيناة بغضبه...
