نوارة العميد سلطان

الحلقة الثالثة

لحلقة الثالثة
نوارة العميد سلطان
حبيبة انا محاباش نكون انانية معاه ومدابيا يكون عندو خلف في الدنيا و سلطان ماشي برك راجلي سلطان صديقي و حبيبي ونهار الدنيا كامل دارت عليا لقيتو غير هو حتى اختي رباها و عيشها معايا و عاملها كيما بنتو مستحيل نخليه يضيع حياتو ربي يعيشك يا محمد خويا مبقاليش امل غير في ربي و فيك اهدر معاه و قنعو قالي الي فيها الخير ربي يجيبها يا حبيبة اختي انت كانش مراة كيما انت تخمم بنفس طريقتك
حبيبة علابالي الي نعمل فيه مكانش مراة تعملو وسلطان فاهم و كبير في عقلو و راح يتفهم واهم شي انا الي راح نختار المراة الي نجيبهالو وعلابالي ماتدور عليا وانا مراح نغير منها لانني ربيتها ونعرف طبعها و علابالي في قلبها فيه غير الخير طفلة صغيرة مليحة ويتيمة انا و سلطان راح نكونو ليها العايلة الي تاويها و سلطان هو الاب الي راح يعوضها على حنان الان الي خسرتو و انا في الاصل راهي تشوفني امها المهم يقتنع سلطان بفكرت الزواج و الباقي عليا قالي محمد راني درك نعيطلو و نتلاقاه بصح عندي فضول اختي شكون المراة هده الي راح تعطيها راجلك على طبق من ذهب قلتلو طفلة عندي في الميتم اسمها نوار قالي محمد معناها طفلة صغيرة اصبري عليا نحاول نستوعب قلتلو علابالي راح تقوي صغيرة بزاف و هو كبير و قد باباها بصح مكانش الي تستاهل تكون مرت سلطان غير هي قالي خلاص خلاص محابش نزيد نسمع تفاصيل انا نهدرلو و الي فيه الخير ربي يقدمو
محمد بعت ميساج لسلطان قلتلو نحتاجك في القهوة الي قدام مقر الخدمة تاعنا قالي راني قريب ليها خمس دقايق نكون عندك جا عندي و بديت نقنع فيه بلي انت كبير ولازملك ولاد يسندوك للكبرك و كبر حبيبة هي صح ربي مكتبلهاش الذرية بصح انت معندك حتى مشكل اتزوج يا سلطان و مرتك راهي قابلة و هي الي تانسيستي عليك انا كون مرتي تقولي تزوج من نهاري نجيب زوج ماشي وحدة هههههههههههه المهم بقيت نحكي معاه و هو غير يتكيف القاررو ورا خوه و ساكت يسمع قالي انا محابش نكسر قلب حبيبة قلتلو حبيبة موافقة قالي ومرانيش حايب مشاكل تاع نساوين و ضراير ووجع الراس راني عايش مرتاح قلتلو من جيهة هده اطمن حبيبة الي راح تخطبلك و هي تحب الطفلة الي راح تجييبهالك و حسب كلام حبيبة الطفلة تاني تحبها معناها مراش تصادف المشكل هدا قلتلو متحوسش على حجة اقبل و خلينا نفرحو بيك وبولادك قالي خلاص الي فيها الخير ربي يجيبها و الي مكتوب على الجبين الا وماتشوفو العين
حبيبة كنت نستنى في خبر من عند محمد لانه كان اخر امل ليا عيطلي محمد قالي راهو قبل تبسمت قالي بسيف قنعتو الباقي عليك انت كوبيت من عند محمد و بقيت نستنى فيه مجاش حتى للحداش تاع اليل دخ للبيت لقاني في بلاصتي جا تمد حدايا و بدا يلعب بتليفونو و انا عاملة روحي لاعلاقة كي شفتو ماهدرش قلتلو سلطان حبيبي واش بيك ظاهر مقلق قالي من عمايلك راني قابل و نتبعك ونشوف وين راح توصليني بفعايلك ضحك و قلتلو وقتاش نخطبهالك هههههههههههه غمض عينيه تاع راهي واصلتلو للاخر وقالي حبيبة وعلاش توجعيلي في راسي و راسك هكا رانا مرتاحين و ادا على الاولاد نجيبو واحد ولا طفلة من الميتم و نهنيو روسنا من المشاكل قلتلو يا سلطان مستحيل يجي كيما الي تجيبو انت من صلبك و من دمك و لحمك قالي ومراحش تغيري عليا و تقبلي نعاشر مرا اخرى من غيرك انا الي علابالي فيه اي مراة تحب راجلها ليها وحدها و متقبلش الشراكة قلتلو اكيد نغير بصح الي يكون راجلها سلطان الي يخاف ربي و علاباي راح تعدل بيناتنا بما يرضي الله و انا الطفلة الي راح نجيبهالك نحبها مستحيل نغير عليك منها هي مراح تخوني و تديرلي مشاكل و انا تاني راح نعاملها كيما بنتي
قالي واش من طفلة قالي متقوليليش الطفلة الي نهار كامل و انت تحكيلنا عليها الي مربيتها في الميتم ضحكت و انا بحماس قلتلو هي ايه ههههههههههههه
حبيبة و الله ياسلطان كون تشوفها شحال تظلمت في حياتها و شحال نحبها و نعزها وربي شاهد و الله نحبها تقول بنتي
سلطان غيقت عينيا و عدلت روحي في القعدة و قلتلها حبيبة الطفلة هده شحال عمرها
حبيبة في عمرها 16 سنة و تهبل ماهي طويلة ولا قصيرة هي جاية كيوت و ناعمة و شابة بزاف زينها هبال نحاول نوصفهالو بلاك تدخل قلبو و يبدا يخمم في الفكرة و يقتنع وانا نعرف ذوقو وواش يعجبو و انا نوصف و نشعر و كملت قلتلو كي تشوفها علابالي تعجبك و تولي تحبها
سلطان بالصوت شوفي راح نخليك على راحتك يا حبيبة بصح خايف يجي نهار و تندي ودرك طفي عليا الضو خليني نرقد
حبيبة المهم اقتنع ووافق درك لازم انا نهدر مع نوار و نتمنى تقبل واخيرا راح نجيبها لداري و نسيها في الي عاشتو ونعوضوها انا و سلطان الحرمان تاع سنين
في الميتم
نوار كنت راقد حدا رشا و هي تهدر مع صاحبها الي اسمو مرتضى قالها شكون معاك قلتلو غير صاحبتي نوار الي نحكيلك عليها باين سقساها عليا قالتلو كون تشوفها تهبل قمرة الله يبارك قالها فوتيهالي نحكي معاها قالتلي هاهو حيب يحكي معاك مرتضى طرت من بلاصتي قلتلها لالا وعلاش يحكي معايا واش يحتاج مني انا منحب حتى راجل يهدر معايا وولا مرة حكيت مع راجل عاودت رجعت التليفون لوذنه قالها واش بيها مثقلة روحها علينا قوليلها متخلينيش نحطها في راسي قالتلو واش تحطها في راسك انت تاعي انا وحدي ضحك و قالها غير نتمسخر معاك برك
نوار حطيت راسي على المخدة انا اصلا الي فيا يكفيني رقدت و خليتها تحكي معاه و تتمعشق حتى لصباح نضت جهزت روحي نستنى في ماما حبيبة تديني للجنازة تاع بابا جاتني ماما حبة قالتلي اذا راكي جاهزة نديه للجنازة قلتلها ايه درحت معاها للبيرو تاعها و هزت التليفون عيطت لراجلها سمعتها تقولو رانا جاهزين ارواح ادينا
حبيبة كوبيت مع سلطان و نشوف مع نوار كيفاش نجبدلها على زواجها من سلطان وياترى تقبل ولا ترفض وهي اصلا في حالة وعينيها وارمين من البكا ولابسة لكحل قلتلها حبيبتي متقتلي روحك لا والو راهو ف دار الحق قالتلي بابا تحرمت منو 8 سنين حى الي عشتهم معاه متمتعتش خلاص بحان الاب بصح مهما كان هدا بابا و موتو اثر فيا بزاف
قلتلها ربما ربي مخبيلك شي اخر وراح يعوضك ان شاء الله
................................... يتبع