نوارة العميد سلطان

الحلقة 69

الحلقة 69

نوارت العميد سلطان
رحت لبيتي و غلقت الباب عليا جريت شفت بنتي لقيتها مزالت راقدة و قعدت على الحافة تاع السرير ووليت نخمم انا مزالني نحبو ومتوحشتو بصح محاباش نضعف محابش قربو عييت وكرهت وليت رحت غسلت وجهي وحكمت بلصتي سمعت بنتي تبكي شفت الساعة لقيتها 2 تاع الصباح جيت نتقعد لقيتو راقد حدايا تخلعت قلتلو واش راك تدير هنا قالي راقد في بلاصتي مع مرتي قلتلو انا ماشي مرتك قالي مرت و ام بنتي وحبيبتي وجبدني من يي وحضني وظهريفي صدرو قلتلو اطلقني ولا نسمع عليك الدار كاملة دورني ليه و قالي راح يفهموك غالط كون تعيطي ههههسكتت و قالي علابالك كل مانشوف وجهك و طول و نحسب عوام حياتك نكذب روحي ادا انا تزوجت و حبيت الطفلة هده نكذب ادا انا اخر عمري نحب و نعشق ونولي كي المهبول انا الاحساس هدا نسيتو كان قلبي نحسو ميت و انت عاودتي حييتيه وانا مستحيل نسمح فيه ومصيرك راح ترجعي ليا علابالك رجعتيني كي المراهقين قلتلو بصح انا ماشي مرتك كنت بصح درك لالا قالي طلاقنا باطل خاطر مكنتش في وعيي وحتى زواجي من سناء باطل ووالمرحوم ولدي كان يعتبر ابن زنى قالي درك متنوضيش تديرلي فطور جيعان ورايح نخدم وبلاك مرنجعش حتى قبل عرس مهند وربي يخرج في الي كان السبب في فراقنا و تنهدر هزيت الغطا وجيت نايضة لقيتو يشوف معايا قالي خافي ربي وغطي روحك وارحيمني و ارحمي روحك خاطر بسيف حاكم روحي عليك هزيت قندورتي و لبستها قلتلو مدامك هكا متزيدش تدخل لبيت تاعي اصلا عيب و حرام قالي هههههههههههههههه تعجبيني كي تحكي على الحرام و الحلال نحسك حبيبة الثانية مكدبش الي قالك ام الي تربي ماشي الي تولد قلتلو وعلاش انت مطبقش القواعد هدو تاع لحرام و العيب قالي ههه انا منحرف اااف قلت في قلبي كيفاش يهدر هكا هزيت خماري وحطيتو على راسي قالي بعد واش تغطي في راسك بعد ماشفت كلشي وشعلتي ناري خرجت من البيت باه نديرلو فطور ووليت نضحك بلا مايشوفني درتلو فطور وطلعتو وحطيتلو السنيوة قدامو قالي ارواحي اقعدي معايا كولي قلتلو مناكلش الوقت هدا قالي معليش المهم خلي نفسي تتحل للماكلة رحت غسلن وجهي و قابلتو و قعدت قالي كولي هزيت الخبز و كليت معاه قالي كملتي الخبز كامل هدا لي قلتي ماشي جيعانة قلتلو نجيبلك واحد اخر قالي لالا غير نتمسخر معاك كملنا هزيت السنيوة هبطتها و عاودت طلعت لقيتو لابس لبستو تاع لخدمة وراقد في السرير قلتلو نعستي قالي عيان حابة نرتاح شوية قلتلو يخي قلتلي مسافر خدام قالي وعلاش قاعد على قلبك وحابة تتهناي مني قلتلو والله ماقصدي بصح قلت بلاك بطلتي متروحش قالي للا نروح بصح رواحي حدايا متوحشك انا حاب نشبع منك قبل مانروح قلتلو واش رتك تهدر راني من الي جيت و انا نقولك حرام و عيب الي راك تعمل فيه وانت تقولي ارقدي دايا واحنا متطلقين شاف مع الساعة تاعو وقالي مزال الحال يكفيني الوقت ولا لالا مزالت ساعة ونص باه نروح قلتلو علاواش حتى لقيتو جبدني من يدي و طيحي فوق السرير وولا فوقي يبوس فيا من فمي ووجي و يهبط لرقبتي وانا نز فيه و نقولو حرام بعد عليا واش تحتاج مني قالي توحشتك وحايب حقي ومبقاش فيا صبر قلتلو حرام مانيش مرتك قالي معليش يخي قلتك يا تقبلي ترجعيلي يا نشبعك حرام و الذنب كمل يطيح عليك انت خاطر انا كي الصايم وانت قدامي وانا جيعان و تلوميني كي نحب ناكلك قلتلو مهبول بعد قالي هههه نكون مهبول كون نبعد قلتلو خلاص بعد مولاش يرد عليا وهتمش خلاص بهدرتي حسيت بيه ولا جرئ اكثر وليت نبعدلو في يدو من فخدي قالي حبسي راح يروح الحال ولا ينحيلي قي قشي ونحا قشو وهبط عليا قالي متوحش سلميلي روحك و كي نبوسك بوسيني يهدر بلا وعي وليت ضعفت قدامو وانا تاني متوحشتو و سلمتو روحي رغم حاسة بالذنب وخايفة من الحرام وحدث ماحدث ...................... حتى لقينا تليفونو يصوني قالي اااااااااخ راح الحال ومحسيتش للوقت ولا زرب راح تدوش و لبس وهو يقولي شفتي عمايلك فيا وين وصلتني راح عليا الحال وليت حالة فمي فيه وهو هدر و يضحك قالي متقلقيش ثلاث ايام و نجي علابالي راح تتوحشيني بصح انا اكثر قرب باسني راح تاني نهار نضت لبست وهبطت لقيت ماما حبيبة وحكيتلها قالتلي ماشي حرام يا نوار و هو راح لشحال من شيخ و امام وكامل قالو نفس الهدرة طلقكم باطل حسيت روحي ارتاحت لان الي عملتو معاه ماشي حرام قالتلي جهزي روحك نروحو نتكساو للعرس تاع مهند لبسنا ورحنا تكسينا وشريت لرقية غوب بيضاء كيما تاع العرايس و تاج صغير وروحنا و فاتو ايامات وانا لاهيين بتحضيرات العرس تاعهم وسلطان زال مجاش ونهار هداك راح حنين لدار خالتهم لانه متقدرتش تقعد مع مهند نفس الدار وانا تقلقت وحاسة قلبي مقبوض حتى بنتي تبكي با سبب مابيها والو وتبكي حتى الحجة مقلقة و تدعي مكونوالو و سلطان نعيطولو تليونو مغلوق ومهند تقلق خاطر الدار تعمرت بالناس ................................... يتبع