نوارة العميد سلطان

الحلقة 38

الحلقة 38

نواة العميد سلطان
نوار جات فرحانة ركبت و قالتلي الف مبروك يا نوار راكي بالحمل يا ماما شفت مع سلطان حل عينيه وولا يتبسم فرحانين هو و ماما حبيبة اكثر مني و انا فرحتني فرحتهم ممبعد قانا لازم نرجعو للدار عندنا ضياف قالتلو ماما حبيبة هيا املا خف باه نروح نجهزلهم العشا قالها لالا متعبوش رواحكم نشري عشا جاهز رحنا شرا العشاء وطريق كاملة و انا وماما حبيبة نختارو في اسماء قالها سلطان كون تجي طفلة سموها حبيبة قالتلو لالا قلتلها ماما حبيبة انت اختاري الاسماء الي يعجبوك قالتلي لالا حبيبتي انت هي الام و ابسط حق عندك تسمي ولدك قلتلها انت ماما وراح يكون ولد بنتك وعندك الحق انت تختاري قالي سلطان ههههههههههه وانا معنديش الحق هه قلتلو لالا الحق كامل لماما حبيبة قالتلي كون تكون طفلة نسموها رقية و كون يكون طفل نسموه سيف قالها اسماء هايلين المهم اتهلاو في نوار قالتلو متوصينيش على بنتي وصلنا للدار لقينا دار معمرة دراري و خواتات سلطان كامل هنا و سناء النحس وحتى بنت عمو نوال دخلنا سلمنا عليهم انا و ماما حبيبة وورانا سلطان سناء شافتو و بدات تتمايع كي نخلة في العاصفة ووليت مدورة وجهي باه منشوفهاش و هي تتحرش براجلي قعدنا معاهم قالتلي الحاجة ام سلطان غير الخير يابنتي وعلاش رحتي للطبيب قلتلها اااااااااااااه معلاباليش ولاو كامل يضحكو و سناء تقهقه وتقول هههه بهلولة الكلام ومتعرفش تهدر و تنطق ليها ماما حبيبة قالتلها معرفتش تهدر من فرحتها و حشمانة بنتي وراحت على موضوع خاص وحشمت تهدر واااا نسيت مقلتلكم نوار حاامل ععهههههههههههههه و ماما تضحك و فرحانة كامل سكتو ويشوفو مع بعضاهموولا يقولو مبروك ربي يتمم بخير ان شاء الله واخيرا راح نشوفو ولاد سلطان شفت انا و ماما حبيبة مع سناء و نتبسمو وجها ولا كون تضربو بسيف ميسيلش منو الدم هههه قريب تبكي ولات الحاجة تبوس فيا و تعاود بصح ولا واحد فيهم اهتم بمشاعر ماما حبيبة و بكسرت قلبها ومحبتش تبين قالت مهى اخت سلطان يا خويا الطفلة عندها غير شهرين و نص و حملت املا كون تزوجتي من عشرين سنة كون ولادك راهم رجال بطولك و بناتك راهم قد نوار شفت مع ماما حبيبة بصح ماما قوية متكسرهاش كلمة كيما هكا تبسمت و قالتها و الله ياحبيبتي شحال من عام و انا نقولو تزوج بصح هو كان مخشن راسو بصح الحمد الله ربي كي جعل من مكتوبو نوار حبيبتي لانها اكثر وحدة يستاهلها سلطان قالهم سلطان ايه الحمد الله يا مهى متنسايش قول الله تعالى ( لايصيبنا الا ماكتب الله لنا )) صدق الله العظيم و احنا كان مكتبلنا ربي نعيشو الي عشناه وكون ماحبيبة كوون راهي نوار مدخلت حياتي مكان شفتو سلطان الي قاعد قدامكم بمكانتو لان وراء كل رجل عظيم امراة كامل سكتو ولاو يضحكو في الضحكة الصفراء احنا هكا و المغرب ادن ناضو كامل يتوضاو يصليو قالتلي ماما حبيبة روحي لبيتك صلي ورتاحي و مترديش عليهم اليوم اكيد راح يستفزوك جيت نطلع لقيت لقيت سناء حدا الدروج و كانها كانت تستنى فيا
قالتلي واش بيه وجهك واش لامارة الي فيه وحمة ولا واش و ديجا ممصدقينش احنا مسالة الحمل علابالنا هدو خدايم حبيبة كلتلها و المطلوب واش تحتاجي جات منى وقفت معاها وكملت سناء تقول حبيبة حسبالها رانا نكرهوها كيما تكرهنا هي و مستعدة لكلشي وتضل تخطط باه تقلقنا حاسبتنا احنا نتقلقو تبسمت معاها و لحت يدي في الساك و عطيتها نتائج التحليل قلتلها اقرايها وكي تخلصي رجعيهالي حبة نخبيها سوفونير و ممتهموش ماما حبيبة بحاجة مستحيل تعملها و هي عقلها اكبر من انها تعمل مخطات غير باه تقلقكم معندهاش الوقت للتفاهات وطلعت و خليتهم عملت روحي درت في الدورة باه ندخل لبيتي فتحت الباب و غلقتها كي سمعو الباب تغلقت ولاو يهدرو و انا نتنصت قالت سناء لمنى شفتي مفاد والو معاهم ودرك راهي بالحمل كيفاش ندير يامنى كي حملت درك مستحيل سلطان يشوف معايا و لا راح يخمم فيا طول عمرو قالتلها منى هده اصلا نسخة مصغرة من حبيبة تقولي امها صح بصح اصبري نخمملها في خطة نطيرها من هنا في ليلة بلاقمر سديت فمي و عليت عينيا على الطول و دخلت لبيتي بالشوية و انا ميتة بالخوف من الشي الي سمعتو
توضيت و صليت و دعيت ربي يسترنا من المسمومات هدو ورحت ديراكت للبيت عند ماما حبيبة طبطبت عليه قالتلي ادخلي دخلت شافت وجهي صفر قالتلي واش بيك وجات ليا قلتلها يا ماما حبيبة شوفي واش سمعت ..................... حكيتلها عقدت حواجبها قالت ربي يستر منهم بصح المرة هده منسكتلهمش قلتلها ماما خايفة يعملولي كاش حاجة و يطيحولي الي في كرشي قالتلي واش يطيحو والله نحرقهم تحسبيها الساهلة باه يمسوك المهم انت متحكي معاهم ماتجمعي معاهم و طول مراهم هنا اقعدي في بيتك و انا نطلعلك الماكلة تاعك و كلشي تحتاجيه وردي بالك و حلي عينك تاكلي حاجة من يديهم و انا درك نهبط ليهم قلال الحيا الخبيثات و الله مايحشمو قالتلي روحي لبيتك و انا درك ندبر راسي رحت لبيتي لقيت سلطان كان يصلي كمل هز السجادة قلتلو ربي يقبل قالي اجمعين قرب ليا و حكمني من خصري و يتبسم وحط عينيه في عينيا وباسني بين عينيا وقالي ياعمري و بنتي و ام ولادي ومرتي و عينيا تطلبي عينيا مخساراش فيك تفكرت كي قالو الممرض بنتك ضحكت قالي وعلاش تضحكي قلتلو قالي ايه مكدبش انتي بنتي و بنت قبلي و ريتي و الهواء الي نتنفسو و بنت كل احساس مليح نحسو ليك لحت يديا و حضنتو من ظهرو وحطيت راسي على صدرو و قلتلو سلطان صح تحبني قالي ههه لالا نكدب عليك هزيت راسي لقيتو يضحك عليا و انا نتخنزر فيه قالي كون نعبرلك معلاباليش ادا نقدر نوصلك شحال نحبك راكي مديتلي عقلي و رجعتيني تايه بحبه طفلة صغيرة علابالك كي خطبتك و و تزوجت بيك الايامات الاولين قلت مستحيل نقدر نتقبلها مراة ليا ومجاتش اصلا في بالي اني يجي نهار الي نحبك فيه كنت نشوفك طفلة صغيرة ونقول كون جبت الاولاد من نهار تزوجت كون راهم اكبر منها ممبعد بلا مافقت مع روحي لقيتك سكنتي قلبي ودخلتيه كسبتي قلبي ببرائتك و تلقائيتك حبيت كلشي فيك هو يهدر و انا هايمة و ذايبة من هدرتلو وليت حضنتو بالقاوي و نشمشم في ريحتو و مدخلة راسي في صدرو حتى وليت نبكي قالي واش بيك تبكي قلتلو نحبك يا سلطان قالي ههههه وكي تحبيني تبكي واملا كي تكرهيني كيفاش و يضحك عليا قالي الله يقدرني و نعوضك و ندللك ومنخليك تحتاجي والو جبعدني شوية وباسني من فمي و يقول اممم هدا حب ملوك و لا فراز ام بلاك تفاح احمر تخلطو عليا الاذواق وانا وليت نضحك عليه قرصني من خدي و الي هيا اهبطي عيب الضياف في الدار و منوصيكش ردي بالك تهدري هدرة تجرح حبيبة قلتلو انا نجرح ماما حبيبة مستحيل شكون البنت الي تجرج امها و قطععة من روحها قالي علابالي بصح لازم نوصيك هبط هو قدامي قلت نبدل قشي و نضرب حطة و نهبط كملت جيت خارجة من بيتي سمعت العياط تاع سلطان هبطت نجري حتى نسيت روحي انني بالحمل لقتو يقولهم واش صوتكم واصل لسابع جار واش حاسبين رواحكم قاعدين في الشارع و لا في سوق متحشموش قالتلو منى خاطينا يا سلطان مرتك هبطت لينا تهد فينا تقولي ليا و لسناء ردو بالكم تقربو من نوار و لا تجيو جيهتها كلاتنا ماكلة و احنا نقولوها نوار مرت خونا ماشي عدوتنا هدا كامل خاطر ضرتها بالحمل املا كون هي الي رفضدت راهي حرقتنا حرق و تنطق ليها ماما حبيبة قالتلها سمعتكم نوار عند الدروج تحكيو و تتفاهمو عليها
كيفاش تخططو به تطيحولها الي في كرشها و تخططو كبفاش تخليو سلطان يتزوج سناء ولا سلطان ولا يعيط بطول صوتو قال لماما حبيبة كيفاش خلاك ربي و تعيطي على اختي و هي ضيفة في دارك و تهددي فيها سودتيلي وجهي ولات هي تهدر و منى تهدر ولا يقولهم بالصوت مزالكم تعيطو و محترمتيوني لاوالو و تهددو في بعضاكم قالتلو اختو منى هي الي فهمتنا بالغالط كنا انا و سناء نتمسخرو معاها و قلنالها قلنلها علابالنا مراكيش بالحمل و هي وراتلنا التحليل و طلعت باينة حبيبة عمرتلها راسها شاف معايا و انا عند الدروج قالي ارواحي ارواحي انت هبطت وقفت قدامو قالي واش سمعتي واش هدرتي و خلطتي لحبيبة قالتلو اختو مهي مرتك هده واعرة بزتف و خبيثة كيفاش تحرش حبيبة علينا كون مجاتش لعابة كبيرة قالها اسكتي بديت نهدر البكية محصورة قلتلو انا كنت اااااااااااااااا قالي الله يسود وجهك اهدري واش كنتي حكيتلو واش سمعت كامل حتى لقيت منى تقولي وعلاش تكدبي و احنا نعاملوك مليح و نحبوك و فرحنا معاك و جاية ترمي في بلاك و كدبك علينا قلتلها و انا نيكي و الله مانكدب و الله سمعتكم قالتلي سناء املا حسب هدرتك انا نجري وراء راجلك و نطيش في روحي عليه هكا تطعني في شرفي و اهنتيني دار ليا قالي امشي من هنا حيوانة و بلاني بيها ربي فتانة امشي من هنا قبل مانغللط معاك بصح اللوم على الكبيرة الي تبع فيك شفتهم يضحكو عليا و يغزلو فيا طلعت نجري في الدروج و انا نبكي كيفاش غير بكري شوية كان يوصفلي في حبو و درك مرمد بكرامتي الارض
سلطان درك يا مدام حبيبة نسحقك تطلبي السماح من خواتاتي و من سناء و تبوسيلهم روسهم وكي تكملي اطلعي ورايا نهدر معاك
نوار انا في بيتي نبكي حتى لقيت الباب تحل ودخلت سناء و منى قالوةلي كي فتتنتي ووصلتي الهدرة تحسبي روحك درتي حاجة راهي ولات عليك وراح تخلصيها غاليا يا بنت شارع يالي بلا اصل بصح اصبري برك راح نرجعوك للطريق الي جيتي منها و لا متسميناش وخرجو و خلاوني ميتة بالخوف حتى سلطان مامنيش و اهاني قدامهم وليت نتمنى في الموت حطيت راسي على المخدة و نبكي بطول صوتي عاودت نضت و جيت رايحة للدوش حتى نسمع سلطان يدابز في ماما حبيبة و هي تعيط عليه حبست في بلاصتي حتى سمعت الصوت تاع الكف عرفتو يضرب فيها وهي تبكي بالصوت عاودت رجعت للبيت نبكي على ماما حبيبة الي نضربت خاطر حبت تدافع علبيا نبكي و حاة يدي على فمي حتى سمعت الباب تاعي يطبطب قلت شكون قالتلي انا حبيبة فتحتلها الباب لقيت عينيها منفوخين ووجها حمر جريت ليها حضنتها ونمسحلها في دموعها و هي تمسحلي في دموعي قالتلي حبيبتي مكان والو وعلاش تبكي ارواحي رهو يعيط عليك رحت مها و انا خايفة منو و حسيت روحي كرهتو دخلنا قالها انت اخرجي خلينا وحدنا هي خرجت و هو بدا يعيط عليا قالي عاوديلي واش سمعتي حكيتلو قالي وعلاش مهدرتيليش انوعلاش تهدري لحبيبة علابالك بيها تحبك وكي تسمع راح تتنارفا تتهور تدير مشكل معاهم وهوما راح يدورو الهدرة ويرجعوها هي الظالمة مرة اخرى قوليلي ليا انا نجيبلكم حقكم في زوج قلتلو خلاص اسمحلي مرة اخرى منزيدش نهدر و نتعبكم بالفتن تاعي وهبطت عيني ونبكي قالي صح صح بهلولة و غبية انت اخرجي عليا خرجت نجري لقيت ماما حبيبة قلتلها ماما اسمحيلي بسبتي توصل يضربك وانا كون مت ومنشوفكش في الموقف هدا قالتلي واش من مشكل ياعمري انت بنتي وانا راح ندافع عليك ولوكان يقطعولي راسي سمعتي مدامني هنا معاك متخافيش هزيت يدي نمس في بلاصة الكف قلتلها انت تاني رجع عندك وشم ولينا نضحكو هههههههههههههههههه في زوج قلتلها و الله يخلصوها غاليا مزال ميعرفونيش خاطر ساعات باه نتعاملو مع ناس قليلين الادب لازم نحيو رداء الادب قالتلي حبيبتي مهدريش معاهم و خلاص خليهم مزال الايام وراح يعرف سلطان بلي اليوم غلط فينا و هوما صح ظالمين قلتلها ان شاء الله جيت هابطة و انا نهز في راسي قلت و الله اليوم يخلصوها غاليا والا ميسمونيش نوار حتى لقيت سناء ومنى واقفين تحت الدروج و هوما ميتين بالضحك وتقولي هدا راهو والو اصبري عليا انت و حبيبة تبسمت معاها وقلتلها انت الي اصبري عليا فتحت شعري و فسدتو بيديا و لحت يدي للصدري قطعت قندورتي و ورقدت في الدروج و حكمت في كرشي و نتلو وكانني موجوعة وللليت نعيط بطول صوتي لااااااااا متضربينيش ربي يعيشك بعدي على كرشي سلطااااااااان اجري ليا ووليت نندب في وجهي ونخبش في صدري و نعيط سلطاااااان حتى لقيتو هابط يجري موراها ماما حبيبة و تعيط وولت تضرب في خدودها واش درتولها اهدرو وسلطان وجهو صفر و خايف ................................................. يتبع