نوارة العميد سلطان

لحلقة 18

لحلقة 18

نوارة العميد سلطان
نوار لالا يا ماما مستحيل سلطان يحبك قالتلي ايه يحبني بصح ماشي كيما كان يحب حبيبتو الاولى خاطر انا معرفتش نكسب حبو كانت الحشمة و الخوف حاجز بيناتناو وسيطر هداك القيد على علاقتنا ولات بادرة مجرد واجي و حق بين راجل و مرتو وخلاص حتى ممبعد كي كبرنا ولات تجيني عيب انني نعبرلو على احساسي و هو تاني وعشنا حياتنا كامل هكا قلتلو انت ماشي كبيرة العمر و الحب معندوش عمر يا ماما وادا تحبو اهدريلو ولازم تعمل كلشي قالتلي مستحيل نقدر نبدل علاقتي بسلطان خلاص والفت و هو والف بصح ننصحك متغلطيش نفس الغلطة تاعي معاه لاالحشمة تاعك و الخوف تاعك راح يدمرو زواجك و يخليك تعيشي في برود كيما عشتو انا ومتاكدة بلي سلطان راح يحبك و يعاود يعرف واش معناها الاحساس هدا معاك يانوار متخسريش سلطان يا نوار وانت ختاريتك باه تحركي قلبو انت صغيرة و مراهقة معمرة حيوية و شباب وراح تعيشيه ايام الشاب الي ضاعت معايا و هو راح يعيشك ملكة و تعرفي معاه معنى الحب هو محتاج الحب هدا يا نوار انا نعرفو اكثر من هو الي يعرف روحو بصح رغم صفاتو الحلوة هو عندو جانب ماشي مليح هو عصبي و يتنارفا بالخف و عندو شروط و قوانين ملازمش تتعداي عليهم هو خدمتو ماثرة عليه ساعات تشوفيه حنين و ساعات تشوفيه العميد الي ميعرفش الرحمة ولا شفقة يولي وحش و لازم متخليهش يوريلك الجنب هدا يا نوار و تاني عندو حاجة مقدسة كون يصيب ميخرجش من الدوش تحسبيه بطة يموت على النظافة لدرجة انو السرفيتة الي يمسح بيها مرة ميعاودش يستعملها حتى تعاود تتغسل قلتلها خلاص فهمت يا ماما قالتلي انا درك نهبط لتحت نكمل خدمتي وممبعد نزيدو نحكيو هكا حبيبيتي قلتلها ايه ماما ناضت جات تهز السنيوة الي قدامي قلتلها انا نهزها و نهبط معاك هبطنا مع بعضانا دخلت معاها للكوزينة و حنين تتخنزر فيا كملت معاهم الخدمة و رحت قعدت مع ام سلطان و بقاو يسقسيو فيا على حياتي حكيتلهم حضنتني ام سلطان و قالتلي احنا ويلينا اهلك يا حبيبتي حسيتها حنينة تاع الصح حتى اختو ملاك هايلة و تعاطفت معايا لقيناها ولات 12 تاع النهار رحت للكوزينة لقيت ماما حبيبة طيبت كلشي قلتلها ماما نطلب منك حاجة قالتلي اهدري حبيبتي قلتلها ادا تقدري غدوة كي تروحي للميتم اديني معاك توحشت رشا و البنات تم قلتالي خلاص غدوة جهزي روحك بصح لازم تهدري لسلطان قلتلها هدرتلو و هو سمحلي رحنا حطينا الطابلة باه نتغدو ادن الظهر رحنا ساع توضينا و صلينا و عاودنا دخلنا للكوزينة قلت لماما انا و حنين نحطو الغدا اقعدي ارتاحي قالتلي خلاص حبيبتي ربي يعطيك صحتك انا دخلت للكوزينة حتى لقيت حنين حكمتني من يدي قالتلي حبسي من التمسكين و تلعبي فيها تحبي حبيبة انا فايقتلك و الا مانكشفك على حقيقتك حتى قبيل سمعتك تحكي للحاجة و للملاك باه تغيظيهم هكا تتمسكني حتى تتمكني بصح بعدك النا راح نوقفلك كي الشوكة في الحلق قلتلها ادا على سلطان ماما الي خطبتني ليه و انا مستحيل نخون ولا نعض اليد الي تتمدلي حتى لقيت ماما حبيبة دخلت و كانت تسمع في اختها عيطت عليها و قالتلها حنين اول مرة و اخر مرة تهدري مع نوار هكا انا الي زوجتها لسلطان هي مكانتشس تعرفو احسن انا الي بقيت نتحايل عليها باه تقبل بيه واملا متكونيش ظالمة يا اختي وخافي ربي في اليتيمة هده قالتلها حننين اقعدي هكا حتى تدور عليك و تزعطك من دارك و الوقت هداك خلي طيبتك و حنانتك تفيدك و انا واقفة ومهبطة جرحتني بهدرتها كيفاش تحكم عليا قبل لاتعرفني لقيتها عاودت قالتلي اسمعي مليح كون في نهار تحاولي و لا تخممي تقسي حبيبة نقتلك بيدي حتى لقينا سلطان دخل و قال واش صاير هنا هي هبطت راسها و خرجت من الكوزينة و انا قلتلو اهلا بيك قالي واش بيها حنين معاك قلتلو مابيها والو شاف معايا و مع ماما حبيبة و تنهد و خرج و خلانا واقفين لحقتو ماما حبيبة انا طلعت لبيتي و خليتهم كامل للتحت شوية و سمعتو يعيط بالصوت على ماما حبيبة و يقولها اخرجي عليا متوريليش وجهك و نسمع فيه يكسر في الدنيا قالها النا الغبي الحمار الي تبعتك حتى ولاو الناس يحكيو عليا من ورايا و كاين الي يحكي عليا في وجهي جيت نطل لقيتو خرج من البيت تاع ماما حبيبة و لقاني واقفة شاف معايا بتخنزيرة و دخل لبيتي خرجت هي من وراه مسكينة وجها حمر من الزعاف كي شافتني تبسمت بتصنع قالتلي واش بيك وججهك صفر و مخلوعة قلتلها كنت هابطة سمعتو يعيط خفت قالتلي حبيبتي متخافيش هو زعف شوية من هدرة عمومو و ولاد عمهم ومنهم باباها تاع سناء
تلمو عليه و بداو يهدرو و يعلقو على زواجو بيك قالولو تزوجتي وحدة صغيرة و مراهقة و قد بنتك و سلطان ليه ليه يشعل كي الزلاميط وجاء هنا ليا بهدلني وهوما هدا واش هوما باغيين بصح عادي هو درك شوية يتكالما قلتلها ماما واش نقدر نعمل باه نعاونك قالتلي هيا نهبطو نسقيو الغدا و ربي وكيلهم الي كانو السبب سقينا الغدا هبط و هو لاهب عينيه حمورة تاع الزعاف الغدا هداك حسيتو كي السم و كامل ساكتين وليت كي نبلع اللقمة نحسهم كامل سمعوها هابط للكرشي وبقيت مهبطة راسي مع الطبسي كمل هو الاول و ناض قبلنا كامل كي ناض ارتاحت انا و الله ماعرفت علاش نخاف منو لدرجة هده نضنا هزينا المايدة و غسلت انا الماعن ىو ماما طيبت تاي و قالتلي نوار طلعي لسلطان كاس تاي قلتله لالا نخاف قالتلي واش حكينا الصباح هزيت الكاس عدلتلي شعري و قالتلي متبقايش دايما خايفة و تتصرفي كي الاولاد متخليهش يحسك مازلتي صغيرة قلتلها قوليلي كيفاش نعمل قالتلي ممبعد نفهمك اطلعي درك و قرصتني من خدودي و قالتلي خفي اطلعي دخلت لبيتي لقيتو متمدد قلتلو تشرب تاي قالي ايه حطبتهولو عند راسو طابلة تقعد هو داقو خزر فيا و قالي ارواحي دوقيه قلتلو لالا منحبش لاتاي قالي ذوووووقي حمت الكاس عليه و دقتو قلتلو بنين قالي ماشي بارد ثلج قلتلو شوية قالي بالعياط درك تجيبيلي كاس اخر كون منلقاهش سخون خلات عليك انا جيت خارجة حتى سمعت كي خط الكاس تاع لاتاي مع الحيط هبطت نجري عاودت حميتلو لاتاي وووصبيتلو وطلعت نجري قبل مايبرد و هو يشلبق معايا وانا نجري بيه حرقلي صباعي و ماما حبيبة تقولي بالشوية تعودي تطيحي دخلت ليه عطيتلو الكاس بقا يشوف معايا و الله خوفوني نظراتو ليا يخوفني صح شرب من الكاس و حطو سكت و قالي روحي جيبيلي الدخان تاعي راهو في للبيت تاع حبيبة عند لاكوافاز كي تجييه لمي الزجاج الي في الارض و امسحي الحيط و الارض جيت رايح نجري قالي عندك تعفسي في الزجاج عند رجليك دورت ليه لقيتو يضحك علياا و انا نجري رحت جبتهملو و عطيتهملو و هبطت جبت البالي و نشاف نحيت هداك الزجاج و مسحت الارض و الحيط كملت رحت غسلت يديا ووجهي رجعت للبيت لقيتو راقد و عاطيني بظهرو طفيت الضو عليه و خرجت رحت لبيت ماما حبيبة شفتها مطفية الضو و هي تاني راقدة هبطت بالشوية ملقيت حتى واحد التحت رحت للكوزينة سمعت حنين تهدر طليت بالشوية لقيتها تهدر مع مهند و يضحكو بالشوية حكمني الفضول باه نعرف علاواش يهدرو شفتو حكملها يدها و جبدها لصدرو و يتغزل بيها و هي تدز فيه و تقولو بعد بدلال و هو يقولها بوسة وحدة نطلقك تقولو انسي و تضحك شحال عجبني المنظر تاعهم جاء يسبوسها حط يدها علىى فمها باس يدها و قالها درك حطي يدك على فمك باه تلحق البوسة وليت نضحك سمعوني شافوني تخلعو هههههههههههههولا مهند يضحك و حشمان قلتلهم متخافوش انا لا ارى و لا اسمع ولا اتكلم بصح عجبني الاختراع تاع البوسة الجديدة قالها مهند شفتي الناس الي تقدر الاختراعات تاعي ههههههههههه قالتلي هي وعلباش كنتي تتصنتي علينا قلتلها و علاش نتصنت عليك انا هبيطت لهنا صدفة لقيتكم قالتلي كذابة ماشي صدفة كنتي تبعي فينا قلتلها و الله و رحمة يما غير صدفة قالها مهند حنين بركاي ماتتلايها نورمالمون نحاولولها باه متفضحناش ههههههههههههههه قالتلو غير تجرب تفضحنا و الله ندبحها خرجت و خليتهم جاء مهند يجري قالي نوار امسحيها فيا و الله هي ماتقصد قلتلو عادي والفت بيها و ربي يكمللكم و متخافوش انا مرانيش فتانة سرك في بير طلعت للبيت لقيت سلطان مزال راقد وقفت عند راسو شفت تليفونوسيلونسيو و وواحد قاعد يعيطلو هزيت التليفون و نشوف فيه جيت نشوف لقيتو يشوف معايا تخلعت قالي واش بيك تخلعتي شفتي جن قدامك قلتلو تليفونك يصوني قالي خليك منو ارواحي ارتاحي ارقدي رحت تطرحت ىو غمضت عينيا كي شميت ريحتو حسيتها دوختني رقدت حتى وليت نسمع فيه ينوض فيها نوار نوار نوضي راكي راح تطيحيني من الفراش فتحت عينيا لقيتو يضحك عليا و قالي راح تطيحيني من السرير جين ننتبه لروحي لقيت روحي راقدة معاه نفس المخدة و هو قريب يطيح من السرير و ركتي حاطتها فوق كرشو ههههههههههههه قالي هدا ماشي رقد هزيت عينيا شفت معاه لقيتو مركز على صدري شفت مع روحي لقيت الغندورة هابطة كامل مت بالفشلة و هو عمل روحوو عادي و كانه مثار والو قالي نوضي روحي لحبية تجهزلي فليزتي راني رايح عندي ميسيون ثلاث ايام قلتلها جهزتهالو هزها و خرج ........................................ يتبع