نوارة العميد سلطان

الحلقة 63

الحلقة 63

نوارة العميد سلطان
نوار شفتو خرج يجري وحد النص ساعة جاء ومعاه الشيخ انا صح كرهتو بصح وليت واقفة و نبكي ملقري واش شفت منو عداب و تعديب و ظرب و قهر حتى الوقت المليح الي فوتو معاه قطرة في بحر بالمقارنة مع الحزن بصح الي فيقني من في صوت قلبي و خوفي هو صوت ماما حبيبة وهي تقولي لالا يانوار متطيحيش دمعة من عينك اناي الي صار و كانو مكانش ولا شفتيه عندك رقية عيشي على جالها كبريها و اكبري معاها و تزوجي و عاودي حياتك وانا مستحيل نخليك ولا نسمح فيك ولا في بنتك صدقيني يابنتي راني ندمانة ومقادراش حتى نشوف في وجهك معنديش حتى الشجاعة اني نطلب منك السماح الي صرالك كامل حسيت روحي انني السبب فيه من فوق القهر الي شفتيه زدتلك قهر على قهر بصح وغلات رقية كنت حابتلك الخير وماحبتلكش الضرر وحبيتك تكوني من العايلة تاعي و انت تكوني عايلة تاعك و قريبة مني بصح للاسف ماتحقق والو من بغيتهولك انا كنت غير ساكتة و نبلع في الغصة شفت الحاجة تبكي على حال الي وصلنالو وعلى حالة بنها و سناء الفرحة خارجة من عينيها و حنين هازة رقية و تبوس فيها و تحضن وبكي و تقولها كيفاش نقدر نتحمل منشوفكش شفت معاهم واحد واحد ورجعت عينيا لسلطان كان بارد وووجهو مفيه حتى تعبير لابحزن ولا ب فرح مجرد جماد شاف معايا و كانه يتقزز مني قالي روحي البسي عبايتك و حجبك باه يطلقنا الشيخ مشيت و بسيف نهز في رجليا و اخيرا تم الطلاق بسرعة و باسرع مما كنت نتصور في رمشة عين و في لحضة وليت محرمة عليه بصح من جهة اخرى تحررت من هدا الوحش و من سجنو و من عدابو دورت ليه وقلتلو الله يشفيك و يرجعلك عقلك وربي يهنيك في حياتك ويرجعلك ربي ماما حبيبة الي تقهرت و نظلمت معاك وربي يكشف سناء علة افعالها ودوام الحال من المحال قالي امشي من هنا وبلا هدرة زايدة لقيت ماما حبيبة تقريبا لمتلي قش كامل قالتلي هيا نديكم للميتم باه نتطمن عليكم قلتلها لالا حابة نروح لدار بابا ربي يرحمو حابة نبقا وحدي و نعتزل من الناس قالتلي بصح حبيبتي كيفاش تبقاي وحدك و متخافيش وشكون راح يقعد معاك تبسمت بقهر و قلتلها منخفش خاطر قلبي تحجر و تدربت على يين اكبر مجرم في العراق حضنتنتي و تبكي وقالتلي متخافيش انا معاك و ربي معانا كامل ورقية راح نربيها معاك و مراحش نخلوها تحتاج اب هزيتلها راسي و دموعي يسيلو بدلت قشي وخرجت من الدار ومعايا ماما حبيبة حكمنا طاكسي حطيت فيها الكابات تاعي و تاع بنتي ومشينا وصلنا لدار بابا هده هي الدار الي تمرمدت فيها و ضقت فيها الويل و سواد اليل دار الزمان و رجعتها بصح هده ول دار سلطان دخلنا انا وماما حبيبة لقينا الدنيا موسخة و غير تراب قعدت معايا نظفنا الدار حتى طاح علينا المغرب لحت روحي فوق الفوتاي ونشوف للسقف وانا مالني تحت صدمة التحرر و صدمة الطلق وحايرة في بنتي الي مبقالها حتى واحد في الدنيا من غيري ومن غير ماما حبيبة ناضت ماما حبيبة باستني و قالتلي درك شوية نجي هي خرجت وانا نهاريت وليت نبكي بالصوت و نعيط بهستريا ونقول وعلاش ياربي الي قدي مزالهم عايشين مع امهاتهم و باباواتهم ومزالهم في حضن عايلات و انا الي شفتو من قهر و حزن كون نوزعو للناس كامل يفضل و يفيض اي قدي مزالهم يقراو و يحلمو بمستقبل زاهر ومشرق الي قدي مزالهم يلعبو بالعاب وغير نبكي سكتت ورحت غسلت وجهي شوية وجات ماما حبيبة وجايبة معاه قضيان كبير للدار ولت تفرز فيهم قلتله خليني ندبر راسي قالتلي لالا ارتاحي ممبعد قالتلي ميعطينيش قلبي نروح و نخلكم هنا وحدكم قلتها لالا يا ماما متديريش لروحك مشاكل انت في غنى عنها وانت تعرفي سناء حية وراح تعمرلو راسو عليك بزوج كلما وراح يعدبك و يضربك وانا منقبلهاش عليك قالتلي بصح ميفاش نخليك نخلي قلبي معاك املا خلي نعيط لمهند يجي يبات معاه خير ملي تقعدي وحدك قلتلها لالا واش يقولو عليا هنا الناس واصلا واش صفتو باه يبات معايا وخاصة في الليل متنسايش انا وليت مطلقة و الهدرة تولي عليا كي المطر قالتلي املا كفاش نمن ليك قلتلها عدي نغلق البيبان و التواقي و التليفون عندي اي حاجة نعيطلكم انت و مهند قالتلي ياريت رحتى للميتم على الاقل تم نطمن قلتلها و الله نغلق كلشي ونرقد قالتلي الهم خلي تلليفونك يصوني باه نتطمنك عليك و اتهلاي في رقية قلتلها كثر خيرك يا ارواع و احن انسانة شفتها في حيتي ووليت نبكي و حضنتها و هي تاني تحضن و تبوس فيا تقولي يابنتي اسمحيلي مرمدتك معايا عطاتني دراهم و قالتلي كشما تحتاجي اشري و انا نهار بنهار نجيك قلتلها ان شء الله وراحت غلقت وراها الباب و تاكدت من التنواقي ادا مغلوقين مليح قابلت بنتي و قعدت نبكي وهي تلعب ولا علابالها واش صاير بدلتها و انا نشوفي في يديه مطبوعين على لحممهاوليت نحض فيها و نبوس رضعتها وانا تاني جعت رحت شربت كاس حليب و قاطو لان معنديش المجهود نطيب ولا نوقف ولا نتحرك حتى سمعت الباب يطبطب شفت مع التليفون لقيتها التسعة تاع اليل هزيت بنتي حطيتها في سريرها و هزيت موس ورا ظهري و انا خايفة ونقول شكون راح يجيني درك في الوقت هدا وواحد ماعلابالي بلي راني هنا ووحدي الففكرة ولات تدور في راسي قربت للباب بالشوية و قلت شكون قالي صوت انت نوار قلتلو ايه شكون انت قالي انا خالك يابنتي اااااافففففف مت بالخلعة بصح كي عرفتو خالي ارتاحيت تنفست وفتحتلو الباب قلتلو تفضل خالي دخل و قالي واش راكي تديري هنا واش بيك
وراجلك وينو هبطت راسي و قلتلو تطلقت يا خالي قالي اااااااااااا كيفاش حتى تطلقتي ماشي ولات عندك طفلة وعايشة معاه مرتاحة كيفاش حتى ووعلاه طلقك قلتلو قصة طويلة دخل قعد و بديت نحكيلو تاثر بزاف وولا يسب و يعيط و يلوم على سلطان قلتلو ماسبو لا والو وكلت ربي هو الي يجيبلي حقي منهم قالي بصح كيفاش تقعدي وحد هنا وانت مامعاك لاراجل ولا والو وانت صغيرة و الدنيا مفيهش امان قلتلو انا ماشي اول وحدة تتطلق ولا اخر وحدة معيا ربي قالي وراجلك مديتوه للراقي ولا شيوخ قلتلو خلينا حتى بلاصة بصح هو ولا كي الوحش وميقبلش خلاص السيرة تاع الرقية و لا نقدرو نجروه بسيف قالي خلاص هيا هزي بنتك تروحي معيا مستحيل نخليك وحدك هنا قلتلو لالا خلي ربي يحفظك ان منا منتحركش قالي متخشنيش راسك ولوكان غير الليل و خلينا نفهمو منك واش صار وهز بنتي و خرج قالي راني برا نستنى فيك نضت لبست قشي و ديت معايا زوج تبديلات و حوايج لبنتي و حليبها و بيبروناتها و لبست خرجت لقيتو برا في السيارة تاعو ويلعب مع بنتي ركبت معاه هو اصلا دراو قريبة من هنا ياربي مشية خمش دقايق وصلنا للدار تلاقتني مرت خالي تحضن و تبوس ومعاها كنتها مرت فهد الكبير ولاو يسقسيو فيا وانا نسقسي فيهم على الولاد قالولي فهد هده مرتو و عندو زوج ولاد و فاروق مزال متزوجش و الخر الصغير يقرا في جامعة بعيدة مرة على مرة يجي قالتلي مرت فهد انت هي نوار الي فاروق خارجة روحو عليها و محبش يتزوج لخد الان غير على جلها الله يبارك عليك تهبل بقينا نحكيو حطولي العشاء وكامل فرحانين بيا وبنتي شوية وهبط فهد يتعشي معانا وهو يضحك معايا و قالي عاش من شافتك توحشناك ولينا مقصرين و نتعشاو و هوما يهزو يحطولي قدامي و يضحكو و يتمسخرو معايا شوية و سمعنا الكلاكسون تاع السيارة راحو الاولاد يجرو للباب و يعيطو جاء عمي فاروق و بابهم يقولهم بالشوية على عمكم دخل فاروق و هو فيي يديه الساشيات و يمد للاولادو هوما فرحانين بيه و يضحكو انا شفتو هبطت راسي شاف مع رقية و قالها شكون الحلوة هده قالو خالي بنت نوار بنت عمتك هز عينيه شاف معايا و غاس في وجهي ممبعد توله مع روحو و هبط راسو تولهت معاهم كامل ساكتين و يشوفو معاه انا هبطت راسي قالي راني نشوف فيك صح و لا نتخيل تبسمت و قلتلو اهلا بيك واش احوالك خويا قالي حايا راني مليح ومليح بزاف و انت واش احوالك عاش من شافك قالي تبدلتي بزاف وهوما كيفاش راهم معاك قلتلو الحمد الله و تعمرو عينيا بالدموع نطق خالي و قالو شفتي الحيوان هداك طلقها و خلاها هي و بنتها في دار باباه قالي كيفاش حتى طلقاط و الله عرفتو ميستاهلكش الناقص الشايب العايب قلتلو خليكم منو ربي يشفيه هدا مانطلب قالي احسن كي تطلقتي منو و الله مايستاهلك وماتخافي لاوالو احنا مستحيل نسمحو فيك و لا نخليوك وحدك .............................. يتبع