نوارة العميد سلطان

الحلقة 24

الحلقة 24

نوارة العقيد سلطان
نوار فتحت الورقة و وبديت نقرا فيها لقيتو كاتب ( نوار و الله انا اسف على كل الي عملتو فيك في صغرك و الله كنت طايش و معلاباليش واش نعمل و مكنتش نفرق بين الصح و الصواب و الله ندمان و كاره روحي و انت تاني عندك الحق تكرهيني بصح و الله و الله و الله غير ميت عليك و خاصة كي شفتك نهار جنازة باباك ربي يرحمو ووالله مابقا فيا عقل وليتي شاغلة بالي ليل و نهار بنظرة وحدة سرقتي قلبي و سرقتي النوم من عيني وليت متمنيك تكوني حلالي و مرتي و ام ولادي و علاش مقبلتيش تتزوجي بيا و قبلتي بهداك الشايب الي قد باباك انا صغير من جيلك نوار حبيبتي اطلبي الطلاق و انا نوعدك و الله مانخليك و لا نسمح فيك وراح نعوضك و نعيشك ملكة في قلبي و داري وديريها في بالك مراحش نسمح فيه لهداك الشايب وخممي مليح و رجعيلي الهدرة وراني نستنى في خبر من عندك على نار ) عاودت طبقت الورقة و انا وليت نرعش من الزعاف من مرت خالي وولدها وليت في رقبة راجل و مزالو يندبو مورايا ااااف ياربي كون معايا واش المشكل هدا انا خرجت من الدوش وسمعت سلطان يعيط عليا رحت نجري ليه قلتلو ااااااااا عمو جاء طالع في الدروج و قالي الحقيني طلعت وراه دخل للبيت تاعي ونا نتبع فيه دخلت وغلقت الباب قالي نوار انا منقبلش تدي الدراهم من عند حتى واحد كون تحتاجي اجة قوليلي ليا ولا لحبيبة قلتلو بصح انا مديتش دراهم من عند الناس قالي نواااااار شفت مرت خالك كي عطاتك دراهم حطيت يدي في صدري و جبدتهم شفتو عقد حواجبو و قالي كون نزيد نشوفك مرة اخرى تخبي حاجة تم نقتلك يا نوار قلتلو و الله ماقصدي بصح والفت نخبي هنا قالي متزيديش تلوحي اي حاجة تم و خاصة قدامي سمعتي قلتلو اسمحيللي و الله مانعاود وخفت منو كي عيط عليا جبدتهم وعطيتهملو والمشكلة معاهم الرسالة تاع فاروق ممبعد شافهم و قالي واش الورقة هده انا هنا مت في ارضي ياريت مت ولا تحطيت في الموقف هدا قلتلو اااااااااااااا الورقة انا مكملتش هدرتي و هو فتحها قالي شكون بعتهالك قلتلو فاروق ولد خالي هو يقرا فيها وووجهو ولا حمر و العروق تاع رقبتو ولاو يضهرو و متكي على سنانو ونا من الخلقة وليت نشحق بلا بكا النفس من صدري يخرج بالغصة تاع الخلعة هز عينيه شاف معايا و قالي واش دارلك فاروق هدا اهدري يا نوار ولا اليوم موتك على يدي وحاكم يدو كي الدبزة و يهدر ويهدر مابين سنيه و يضغط على الكلمات انا سكت من الخلعة عاود قالي نوار متهبلينييش بسكاتك راكي رح توصليني نتلك و نروح ليه نقتلو هو تاني املا اهدري راني شاد روحي بسيف واش قصدو بكلمة اسمحيلي على واش درتلك استجمعت شوية شجاعة و الدموع يسيلو و نهدر بكلمات متقطعة قلتلو هده حكاية طويلة قالي مدام طويلة خفي احكيهاااااااااااا قعدت على طرف السرير خاطر موليتش نقدر نوقف قلتلو نحشم منقدرش نهدرلك جاء قعد حدايا وقالي وعبلاش تحشمي باينة حاجة كبيرة حتى تحشمي قالي شوفي اهدري و غمضي عينيك هكا متحشميش قلتلو ايه و انا بسيف نبلع في الريق غمضت عينيا و انا نهدر و نتخيل في الي صار نحكي و الدموع يسيلو وحدهم حكيتلو كلشي كي كملت فتحت عيني لقيت زعافو ولا اكثر من الاول و هو يسب في خالي و بابا و فاروق ويدور في البيت وياكل في ظفارو دار ليا و قالي انت تحبيه قلتلو لالا عمو و الله مانحبو ولا عندي علاقة معناه من نهار الي صار مزدتش شفتو حتى لجنازة بابا ربي يرحمو و كانت معايا ماما حبيبة قالي املا وعلاش سامحتيه اهدري قلتلو هو كان صغير و ميعرفش و المسامح كريم قالي اعطيني النميرو تاعو قلتلو معنديش انا مزدتش شفتو خلاص نهدر و نبكي و هو حسيتو يحقق معايا قالي ووين نلقاه فاروق هدا قلتلو معلاباليش باين تلقاه قدام دارهم
سكت شوية و قالي بصح هو عندو الصح واش عندك حتى تقبلي بواحد كيفي كبير عليك و قد باباك شفت معاه و تبسمت قرب ليا و هبط لعندي و قالي بصوت حنين و عينيه مدبالين انت صح تشوفيني شايب و عض على شاربو قلتلو لالا انت ماشي شايب اصلا انت بزاف شباب تبسم و هز يدو ومسح بيها على شعرو معناها تشوفيني مليح بزاف و قلتلو ايه بزاااااف بزاف قالي وتعجبك ريحة شعري هكا وليت انا الي عضيت شواربي و حليت عينيا معاه قلتلو لالا متعجبنيش ريحة شعرك هز راسيو ولا يضحك بالصوت ههههههههههههههههههههههههه ممبعد قالي على العموم فاروق هدا منزيدش نسحقك تجبدي اسمو بين شواربك وحتى ولوكان تتلقايه في الطريق بدلي الطريق و لا ارجي دوميتور بلا مانتطقي معاه و لوكان حرف ولا راح نتصرف معاك تصرف ميعجبكش اما هو دواء عندي ان شاء الله
قلتلو لالا ربي يعيشك متضربوش هو كي عملي العملة هديك كان صغير قالي وعلاش مقهورة عليه كنت راح نهدر معاه برك بصح كي قلتيلي متديرلو والو راح نعطيه سوطة بصح واش من صطة نكسرلو يديه و رجليه قلتلو لالا ربي يعيشك اهدر برك معاه وقف و تخنزر فيا و خرج و خلاني فات النهار هدا تاني نهار العشية جيت رايحة للكوزينة سمعتو يهدر مع ماما حبيبة قالها قتلو بسوطة تاع الكلاب قالتلو وعلاش ضربتيه قالها جبتو عندي جيت نهدر معاه ولا يقوللي انت لعبتي بعقلها كي شفتيها صغيرة قد ولادك وتزوجتي بيها وزاد قالي يا منحرف و ياناقص متحملتش هدرتو وليت ضربتو كون منحاوهوليش من يدي راني قلتلو قالتلو ماما حبيبة حرام عليك قالها الفرخ هدا يبعت لمرتي في البراوي و يقولها طلقيه و انا نتزوج بيك يحمد ربي الي محبستوش وخليتو يتعفن في الحبس وجاء خارج من كوزينة شافني واقفة قرب ليا و قالي سمعتي بلعت ريقي و قلتلو و الله هبطت صدفة قالي المرة هده سماحات بصح كي سمعتي خير انا حبيتك تسمع ومرة اخرى رد بالك نلقاك تتصنت وتجنبي غضبي يا نوار خاطر وجه ولد خالك الرخيس يشهد على الغضب تاعي وجاء ماشي قلتلو والله مانعاودها قلتلو بصح فاروق راهو مليح درك عاود رجعه ليا و حكمني من وجهي بيدو حسيتو راح يكسرلي لاماشوار تاعي و قرب وجهو ليا و قالي وهو ضاغط على سنانو انا واش قلت قلتلك متزيديش تجبدي اسمو بين شوارببك هزيتلو راسي و قالتلو ايه طلفلي وجهي بنترة و طلع و خلاني .............................. يتبع