نوارة العميد سلطان

الحلقة 32

الحلقة 32

نوارة العميد سلطان
نوار بعد ما هدرت حنين و فشلت سناء الي مولاتش تضوي شفت مع حنين و تبسمتهلها و كانني نشكرها دورت وجها عليا و الله ماهمني فيها المهم قهرنا سناء حتى لقينا ماما حبيبة و سلطان دخلو للكوزينة و في يديهم الساشيات قالو مع بعضاهم السلام عليكم ردينا انا و حنين و سناء السلم ممعد نطقت سناء قالتلو و هي تتعوج و تتمايع واش احوالك سلتان واش تحكي واش اخبارك قالها اهلا بيك سناء ماما حبية و انا و حنين قريت ننقضو عليها و هي تتملس قالتلو ابو السلاتين اطلع بدل قشك باه نحطلك تتغدا علابالي فيك جيعانقالها ايه و الله ميت بالجوع وصلتلي الزعاف للراس قلتلها واش رايك تطلعي معاه و تحضريلو الدوش و تجبدلو قشو وتكملي على خيرك و كيسيلو ظهرو و تربحي فيه ثواب هههههههههههههههه شفت مع ماما حبيبة حطت يدعا على مفمها و تضحك بالشوية و سلطان دور راسو و يضحك و يحك في جبينو هههههقالتلي سناء واش الهدرة هده يا نوار والله عيب الي هدرتيه راني فاهمة قصدك بصح و الله انا مقلت والو ومقصدت والو بهدرتي قلتلها وانا تاني مقصدت والو واقيلا انت الي تفهمي الامور غالط و نتبسم من زعافي منها م فوق القلب قالي سلطان لالا يا نوا هده خدمتك انت هي ضيفة و انت مولات الدار و خرج من الكوزينةقالتلي ماما حبيبة سمعتي حبيبتي راهو حايب انت تحضريلو الدوس و تجبديلو قشو وعلاش تطلبي من الغريبة وانت موجودة شفت مع سناء من فوق للتحت وجيت خارجة رجعتلها راسي و قلتلها طلعي قنورتك على صدرك او يضربك ريح حسيتها كون جات قنببلة راهي تطرطقت مني تشوف معانا بوحد الحقد منقطع النضير وجيت طالعة و انا راح يخرج قلبي منها كرهتها منتحملهاش وخاصة كي تبدا تتمايع و تعيطلو سلتاااان دخلت لبيتي ملقيتوش جبدتلو حوايجو حطيتههم فوق السررير على الحافة رحت للدوش لقيتو مفتوح و هو مكانش صدرتلو الشومبوا و الصابون و السرافيت جيت رح نخرج من الدوش شفتو كي خرج من البيت تاع ماما حبيبة وهي خرجت وراه تعدل في شعرها و تضحك و تقولو لالا انسى الفكرة و هو يقولها ممبعد نشوفو شكون الي يربح حسيت قلبي تعصر خليتو حتى ماراح هو للصالون و هي رجعت لبيتها و انا جريت دخلت لبيتي ورحت قدام المرايا و نبكي و نشوف مع روحي ونقول وعلاش انا ميشوفش فيا مرا وعلاش ميحبنيش ممبعد نقول لالا يا نوار معندكش الحق تغيري عيه هي مرتو و بيناتهم عشرة و عمر كامل و ربي يكون في عون قلبها هي الي جابتني ليه عروسةو هدا كامل وميسطرة على روحها و مشاعرها بصح انا و الله ماشي بيدي قلبي يوجعني وليت نبكي بحرقة انا معنديش قلب ماما حبيبة حتى لقيتو دخل لقاني نيكي جا ليا بزربة و قالي نوار واش بيك تبكي اهدري قلقتك سناء قلتلو لالا سناء متهمنيش قالي املا واش بيك قلتلو مابيا والو غير مقلقة شوية حتى لقيتو حط يديه على خصري و جبدني لصدرو وليت في حالة من الحشمة حتى لقيتو هزني ولليت نضهر طويلة عليه قالي يعني مراحش تقوليلي واش بيك هبطت وجهي ونشوف معاه قلتلو كيما قلتلك قبيل مابيا والو قالي كيما تحبي علابالي محاباش نهدري سكتت قالي وجدتيلي الدوش قلتلو ايه و دورت وجهي خاطر النفس تاعو ولا يضرب في وجهي و يزيد من التوتر تاعي كلتلو انت تشوف الدنيا روعة من العلو هدا هههههههههه عقد حواجبو و قالي مفهمتش قلتلو انت طويل و تشوف مناظر احسن مني انا قصيرة ضرب راسيو في راسي و قالي هههههه واقبلا راكي حاسدتني على طولي املا اهبطي و شوفي الدنيا بمستوى طول يا قزومة حطني وراح للدوش و انا هبطت ورحت للكوزينة لقيت ماما حبيبة و حنين في الكوزينة قلت لماما حبيبة و الله توحشت يا ماما البنات تاع الميتم ياريت تخلوني نبات عندهم ليلة ولا زوج قالي و الله حتى هوما توحشوك و كل يوم يسقسيوني عليك
قلتلها ماما ربي عيشك اديني قالتلي وانا علا يابنتي مدابيا نديك اهدر لسلطان ادا قبل انا راح نوصلك بيدي قلتلها لالا اهدريلو انت يا ماما قالتلي لالا اهدري معاه متخليش بيناتكم حواجزو توالفي تطلبي من عندو لحاجة وحدك بلا ما انا نتدخل بيناتكم قلتلها خايفة ميقبلش يا ماما قالتلي كون ميقبلش انا نعاود نهدر معاه وان شاء الله يقبل قلتلها خلاص ممبعد نهدرلو كملنا الغداء حطينا المايدة احنا نتغداو قالت ام سلطان يا ولدي عيطلي علىولد خالتك و قالي نعيط لسلطان ميهزش عليا و مهند نليفونو مغلوق قالها سلطان بكل برود علابالي راهو يعيط و انا محبيتش نهز عليه هو يهدر بزاف و انا خدام و عندي شغالات بزاف قالنا مهند هههههه و الله تحسب لسانو كلاشينكوف ماشي عبد نورمال ولينا كامل نضحكو قالتلهم الحاجة مسكين و الله عاقل هدا راهو ولد خالتكم ربي يحميه و يحفظو قالها سلطان واحنا مفالنا والو عليه بصح واش يحتاج راهو حرق عليا التليفون قالتلو الحاجة راهو قالي ادا مفيهاش اشكال يشوفلي مهند و لا سلطان تم ابارتومون نشريها و لا نكريها خاطر الجامعة تاعة هنا قالها مهند يا الحاجة مزال الحال على الجامعة باه يتحل الموسم الدراسي على شهرين وعلاش جاي عندنا من درك قالتلو الحاجة راك تعرف باباه واعر وميتفاهمش معاه قالها سلطان و كي ميتفاهمش مع باباه يهز روحو و يهرب من الدار لا الله الا الله من الطفل هدا وانا معلابالي في والو بصح قلتلهم وعلاش يروح يكري خلي يجي هنا و سكنوه عندكم حتى تلقاولو ابارتومون قالتلي الحاجة هدرتلهم يا بنتي مقبلوش لاسلطان لا مهند قالها سلطان انا معنديش الوقت نحوسلو درك نوصي صاحبي يشوفلو قلتلو وعلاش من اساسو تشوفولو خلي يجي هنا هدا ولد خالتكم و من دمكم حتى لقيت ماما حبيبة تقرص فيا و همستلي قالتلي اسكتي متدخليش روحك شفت مع سلطان لقيتو يتخنزر فيا قريب ياكلني و قالي علالنا دمنا وولد خلتنا و علابالي فيك مضيافة و شكرا ليك بصح هدا مجايش على نهار ولا زوج هدا حايب يسكن فهمتي قلتلو اااااا هدا وين فهمت كملنا الغا هزينا الماعن جبدتني ماما حبيبة على جيهة و قالتلي سلطان محايبش يجيبو هنا خاطر ميحبوش ويقول عليه خفيف و يخزر بزاف مع النساء وميرتاحلوش قلتلها اااايييييييي و الله ماعلابالي و انا نقولو خلي يجي خلي يجي ولات تضحك عليا ماما طيبنا التاي قالتلي ماما انت طلعيلو لاتاي و انا نكمل منا طلعت عندو لقيتو في شومبرتي يحكي في التليفون و عملي بصبعو تاع اسكتي حطيتلو لاتاي و مهدرتش جيت خارجة جبدني و عملي بصباعو تاع جيبيلي الدخن تاعي رجت جبتهولو من بيت ماما حبيبة لقيتو قاعد و كان مكمل الهدرة في التليفون عطيتهولو و بقيت واقفة و هو شعل قارو و وشاف معايا ونفخ لدخان تاعو في وجهي وليت نكح ضحك عليا و قالي واشحابة تهدري وليت نبعد في الدخان و نكح قلتلو منقدرش نهدر غميتيني ولا يضحك وو جبدني من يدي لحجرو و قالي اهدري واش حابة تحكي كي العادة قربو ليا يرجعني في حالة وليت نحاول نبع وجهي باه متجيش عيني في عينو و النفس تاعو يضرب في رقبتي قالي بالشوية اهدري راني نسمع قلتلو بصوت متقطع من التوتر حابة نرووووووووح تبدلت نبرة صوتو و قالي وين حابة تروحي شفت معاه وهدرت بزربة قلتلو حابة نروح للميتم و الله توحشت البنات تم ربي يعيشك خليني نروح حتى يومين ولا ثلاثة ادا ممكن ربي يعيشك متقولش لالا ربي يحفظ و يعطيك صتك و يطول في عمرك قالي خلاص خلاص حبسي من الدعاوي هههههههههههههه العشية نديك رني تحت امرك يا نوارتي و حط راو في رقبتي و يشمشم فيا حبيت نوض قلتلو نجهز روحي حكمني بيديه في زوج من خصري و ثبتني على رجليه شفت معاه في عينيه و قلتلو لازم نوض قالي للا مشي لازم ارقدي و لبعشية في عقلك ولمي قشك قلتلو ايفة يروح عليك الحال و تزربني قالي معندي والو العشية نستناك المهم قيلي ارتاحي قلتلو مجانيش الرقاد قالي معيش المهم اقعدي معايا هزيتلو راسي بايه قالي نوضي طفي الضو و ارواحي هنا تمد هو و وحطلي يدو تاعو ارقدي على يدي طيت راسي على ذراعو و عطيتو بضهري لقيتو لصق فيا و قالي نوار واش بيك زدتي زيانيتي وليت شابة بزاف
قلتلو معلابليش قالي والله و هدا كامل و انت قدامي اااااااااه يازهري قلتلو وعلاش انت معندكش الزهر قالي غير معاك بقيت نشوف معاه و مفهمتش واش يقصد قالي ارقدي و حطي يدو في كرشي و رجليه فوق رجليا قالي هما باه نرقد براحت بلا مدابزة ههههههههه بقيت وحد العشر دايق هكا حسيت يدو ثقلت عليا عرفتو رقددورت لجيهتو شفت راقد كي الملاك حطيت يدي بالشوية على شعرو مسيتو وقربت خشمي ليه ووليت نشم فيه حتي رقدت رقدت وحد الساعة وفطنت لقيت روحي حطة راسي على صدرو و محضنتو و رجلي فوق كرشو خالوطة وهو مزال راقدة جيت نجبد روحي نوض قالي وين رايحة قالي لال مزال الحال قالي كي عجبتي العركة الي درتيها حابة تنوضي فقت مع روحي قفزت من الفراش قلتلو لالا راح الحال لازم نلم قشي ولا يضحك عليا ههههههههههههههههههههه و قالي و الله انت حكاية هههههههه خرجت من البيت رحت للدوش تدوشت و بدلت قشي لقيتو عاود غفا لميت الي نحتاحو ديتو معايا و رحت درت مكياج خفيف بعد ماتعلمت من اليوتيوب
كملت لبست قشي و شعلت الضو باه ينوض رحت ليه بوية ضربتو على ذراعو قلتلو عند وذنو سلطان سلطان فتح عينيه و قالي ياروح سلطان و شف معايا قالي شال تقعدي قلتلو يوين قالي لالا بزاف قلتلو حبب ربي يعيشكو اله توحشت البنات خلاي خلاص خلاص يومين يومين ماقلنا والو ناض بدل قشو خمس دقايق قالي هيا نروحو جنا خارجين لقينا الحاجة قاعدة من سناء في الحديقة قالتلو سناء سلتااان وين رايح ارواح اشرب معايا لتاي ودرتلكم كيك بالزبيب كيما تحبو قالها ايه و اله مدابيا قلتلو راح الحال ولات الدنيا مغرب وانا مابيا لامغرب لاوالو المهم مياكلش من يد اللفعة سناء قالي هو مزال الحالاصبري نشرب تاي قالتلو سلتان و هي تحكي و تعوج في فمها مدام رايحين حطوني معاكم عند رانا يطيح عليا الليل و نخاف نرجع وحدي قلتلها في قلبي انت تخوفي بلاد قالها املا خفي البسي رحت نجري للسيارة فتحتها و ركبت من قدام باه متسبقنيش سناء جا هو وهي لحقت تجري كي شافتني راكبة حداه ضربوها سبع جنون وبدات طريق كاملة و هي تهدر تحسيها كلبة مصعورة حاجة خليقة ربي هو و حسيتو تقلق منها يقولها غير ايه عندك الحق صح حتى وصلناها ممبعدت بدات تحلف عليه كيفاش توصل لعند الباب و متدخلش و بابا عندو شحال و هو يسقسي عليك بقات تانسيستي حتى قالها خلاص ندخل نسلم عليهم و نخرج راح الحال قالي اهبطي هبطت و انا نغلي من الداخل عطلتني و فسدتلي الخرجة شاف معايا عرفني زعفانة قرب ليا و قالي واش بيك مبوزة شنايفك هزيتلو راسي تاع مبيا والو قالي نوار هدو اهلي و ناسي خلي ندخلو خمس دقايق و نخرجو هكا عاودت هزيتلو راسي بمعنى ايه سبقتنا هي كي الغولة دخلت تجري دخلنا لقينا راجل كبير سلم على سلطان و انا قلتلو واش احوالك عمو ضحك و قالي اهلا بيك ياعمو بصح يكون في علمك انا كبير على راجلك غير بخمس سنين وانا كي البهلولة قلتلو بصح سلطان يظهر صغير خلاص عقدج حواجبو هداك الراجل و حسيتو زعف هههههههههههه شايب شايب واش نعملو انا سلطان عندو 39 سنة تحسبو عندو خمسة و عشرين و هداك يمشي معوج و شعرو ابيض كامل ضحك سلطان و قالي اعدرها يا عمي زالها صغيرة و متعرفش تهدر قالو معليش راهي باينة من شكلها زعطوطة دخلنا للصالون تاعهم احنا قعدنا حتى لقينا سناء وامها جاو لينا سلمت عليا ام سناء و سلمت على سلطان بقينا نحكيو ممبعد دخل علينا واحد كبييير خلاص قالي سلطان هدا جدي الكبير في عمرو اكثر من تسعين سنة ناض سلطان سلملو على راسو و انا تاني سلمتلو على يدو و قعد قال للسلطان نسيتينا كنتي زمان نهار على نهار تطل علينا بصح من نهار تزوجتي بالصغيرون هده نسيتينا خلاص وجهك نسيناه ثقالو سلطان لا متبدل لا والو بصح راني خدام و منقعدش خلاص قالو لالا ياسلطان باينة قلبتك علينا و داتك الزهوة معاها هنا سلطان زعف و العروق تاع رقبتو راح يطرطقو و قالو انا مكانش الي يقبلني لا راجل لا مراة و انا ماشي فارغ شغل نضل من دار لدار سكتو و قلبت ام سناء و نساء لحكاية كانه كان يتمسخر معاه و قالو اهلا بيك ولدي في اي وقت علابالنا و عادرينك زدنا شوية ووقف سلبطان قالهم انا نروح عندي شغل قالو ايه علابالنا بواش راك مشغول مردش عليه سلطان و خرج و انا وراه كي خرجت من عندهم حسيت روحي تنفست ركبنا قالي سلطان حسبيته صح هدر كي قالك بيناتنا خمس سنين ههههههههههههههه قلتلو ايه امنتو بصح هو يضهر عجوز و انت ........... قالي واش انا قلتلو انت صغير و باهي بزاف و شباب هز حاجبو و قالي املا انا بهي و شباب قلتلو ايه و الله تنهدو قالي ياريت تتولهي لامور اخرى فيا ماشي غير شكلي قلتلو واش هوما مثلا قالي والو غير هدرت برك و حبس السيارة قدام حانوت كبير يبيع باتيسري و قاطو هبط راح شرالي للبنات باتيسري بقلاوة قلتلو ليمن هدو قالي عيب تدخلي عليهم بيديك فارغين تبسمت و قلتو ربي يخليك ليا قالي و يخليني ليك يانوار وصلنا للميتم و قبل منهبط قالي حبسي متهبطيش جبد البورتفاي تاعو و عطاني دراهم قالي هدا مصروفك قلتلو و الله عندي قالي علاباي عندك بصح احكميهم قلتلو شكرا قالي متشكرينيش هدا واجبي و انت مسوولة مني قالي ردي بالك على روحك وادا حتاجيتي حاجة عيطيلي و لا قولي لحببيبة
قلتلو اكيد نزلت و هو تاني نزل دخلني و راح هدر مع العساس وراح دخلت تلاقاوني البنات يسلمو و بعاودوجات رشا تجري و حضنتي وفرحانين بيا قلتلها ويني ايه و ايمان قالتلي راهم في بيتهم قلتلها نشوفهم و نجي دخلت لقيتهم ايه كي شافتني ققالتلي واش جابك ولا جيتي تستشفاي فينا محبيتش نرد عليها جا ايمان تجري ليا و حضني و قالتلي توحشتك قلتلها انا تني حبيبتي و خرجتها معايا و خليت اية وحدها قلت لايمان كي خرجنا هاكي هدو الدراهم ليك و لاية و وورقة فيها رقم تليفوني قلتلها كاش ماتتاجو روحي للرشا و قولها تعيطلي و تهدرلي هكا حبيبتي و هاكي تليفوني العبي بيه فرحت بزاف كي عطيتلها التليفون ورحت قعدنا مع البنات سمعت بلي ثلاث بنات تزوجو من بعدي ولاو يقولولي ربحنا عليك كي تزوجتتي لحقوك الاخرين ناضت وحدة فيهم قالتلي ارواحي ارواحي نقيلك وجهك من الشعر و نلقطلك حواجبك جابت الخيط و انا من الوجع حتى وليت نبكي و هوما يصبرو فيا قاللي بدلي لون شعرك قلتلو منقدرش لازم نهدر لماما حبيبة خايفة يزعف سلطان عيطت لماما قالتلي معلييش حبيبتي واش من لون حايبة غدوة كي نجي نجيبك معايا الصبغة قلتلها جيبلي لون اشقر عسلي كوبيت معاها ورجعت للبنات بتنا ساهرين تاني نهارجات ماما جابتلي الصبغة صبغتلي الطفلة و نقصتلي من شعري الاطراف الميتين وسشورتلي شعري رجع يهبل رحت لماما حبيبة نوريلها شعري قالتلي اللهم لي على النبي الله يبارك جيتي تهبل يا نوار كون يشوفك سلطان عقل مايبقى فيه ههههههه هبطت راسي و حشمت منها قلتلها ماما انا حبيتندير هكا على جال روحي ماشي باه نعجيب سلطان و الله يا ماما قالي يا بنتي لازم تعملي هكا باه تعجبي راجلك و تكسبيه ماشي عيب و بغض النظر علة انو راجلي كل مرة تحب تكسب راجلها و تثير انتباهو و اعجابو حبيبتي متديري والو في بالك خاطر انا مراني دايرة والو في بالي هكا حبيبتي قلتلها ايه قالتلي درك جهزي روحك ممبعد تروحي معايا قلتلها مام لالا ربي يعيشك اليوم عيد ميلاد رشا و الله حابة نقعد غير الليلة و غدوة نروح معاك قالتلي اهدري مع سلطان قلتلها لال ماما اهدري معاه وقوليلو يبعتلي كادو لرشا الدراهم الي عطاهملي مديتهم لايمان و اية قالتلي خلاص الكادو انا ندبر راسي فيه وحتى سلطان كي نروح العشية نهدر معاه جات الثلاثة تاع العشية روت ماما حبيبة حتى لقيت سلطان عيطلي هزيت عليه قالي وعلاش مرجعتيش مع حبيبة قلتلو ربي يعيشك خليني نزيد اليوم خاطر عيد ميلاد رشا قالي لالا مورا العصر نجي نديك وليت نحلل فيه قالي خلاص بصح غدوة ترجعي مع حبية قلتلو ايه و كوبيت والله اليوم صح تمنيت نرجع خاطر توحشتو بصح رشا محبيتش نخليها في عيد ميلادها وعزت بيا و هي تحلل فيا جات العشية جهزنالها حفلة حضرو فيها المعلمات الي تم و بنات لبسنا و درنا مكياج وفاتت حفلة روعة شطيح و رديح و غنا ممبعد تفكرت تليفوني قلت نتصور بيه قالتليس ايمان درك نجيبهولك راني نسيتو في البيت راحت جابتو تصورنا بيه و لقيت سلطان معيط عودتلو قلتلو مستعتوش الحفلة زعف و سكت محبش يقلقني عاود عطيتو لايمان و انا قعدت مقصرة مع البنت و صلت العشرة و نص تاع اليل حتى لقيت خدامة تم تخدم قالتلي قالك العساس راجلك راهو برا يستنا فيك لبست حجابي و خرجت لقيتو برا قالي هيا تروحي قلتلو بصح انت قلتيلي نخليك تباتي قالي ون رديتي على التليفون راني خليتك قلتلو و الله كان عند ايمان و كان سيلونسيو قالي معليش درك جيت هيا تروحي معايا قلتلو خلي غدوة قالي نوار مدام وصلت منروحش بلا بيك المهم يخي كملتي الحفلة ة قلتلو ايه قالي خلاص اركبي قلتلو لالا خلي نجيب قشي و تليفوني قالي راح الحال خلي غدوة تجيبهملك معاها حبيبة قلتلو ايه ركبت وهوساكت قلتلو ياريت خليتيني كملت الليلة ضرب الفولون تاع السيارة و قالي مشبعتيش من تم و مخلية دارك سكتت و بقيت نشوف من التقة و مدورة وجهي زعت منو كي عيط عليا سكت شوية و قالي زعفتي مني محبيتيش نرد عليه الي و اللله توحشتك وحسيت الدار بلا بيك سامطة و انت متوحشتينيش ........................................ يتبع