نوارة العميد سلطان

الحلقة 47

الحلقة 47

نوارة العميد سلطان
نوار هو جاء طالع ورجع معلاباليش كيفاش حتى شاف رجليا وانا قعدة في الارض و متكمشة و حاطة يدي على فمي و نبكي حتى لقيتو واقف فوق راسي جبدني من دراعي بقوة وقفتلو ماما حبيبة قالتلو سلطان خليها دزها و قالها رد بالك تلحقني ولا يسحل فيها و والعروق من راسو و رقبتو راح يطرطقو وانا نبكي و هو يسحل فيا لدرجة ااني وموليتش نقدر نمشي ولا يجر فيا و رجليا يتسحلو في الدروج دزني في البيت و غلق الباب ولا يعيط حسيت الحيط تزعزعو من العيطة تاعو وانا حسيت الموت دخلتني و طحت في الارض قالي يا قح......... و ساقطة واش تشوفي فيا رخيس و دايوت هدا هو جزاء حبي ليك خاطر حبيتك وليت تستغبي فيا و تلعبي في لعبك لتحت لتحت انا لساني تعقد مقدرتش حتى نهدر ولا ندافع على روحي الهدرة دهبتلي غير دموعي يسيلو و نشهق بالصوت حكمني من الكول تاع لاغوب وهزني ولاو رجليا ميقيسوش في الارض و هو يدي فيا ويجيب بقوة وولا يخبط فيا في الحيط و يقولي انا اناااااا الغبي الي امنتك و حبيتك و سكنتك في قلبي على الاخير طفلة قد دراعي تلعب بيا و تخوني و انا صابر عليك و انت تقوليلي نعفك و تتمنعي عليا و نزيد نقول راهي بالحمل و صغيرة وانا عير نبكي مقدرتش نهدر وكمل قالي معندكشش رد اصلا واش راح تقولي لقيتك مرندفة مع صاحبك وانا راقد علا ودنيا يا حقيرة يا خاينة وولا يضرب فيا بكل قوتو و في كل بلاصة غير كرشي مقاسهاش خاطر وليت طايحة في الارض و متكمشة نحمي في كرشي
و هو غير يهز فيا و يخبط فيا برجليه وانا غير نبكي بالصوت ويقولي اهدري اهدري حتى حبس وولا بسيف يتنفس حكم في الحيط و يدو الثانية حطها على عينيه والدم يقطع من يدو معلاباليش وين تجرحت يدو هدا كان اخر منظر شفتو ممبعد حسيت عينيا تغمضو من كثرت الضرب و الوجع و الدمومات من خشمي و فمي وجسمي كامل يوجع مفطنتش غير وماما حبيبة فوق راسي ومعاها ملاك يغسلولي في وجهي بالماء البارد وماما حبيبة تبكي بالصوت و دموعها ويدان مع شافتني فتحت عينيا ولات حضنتني وتقولي يا يما على بنتي واش صار فيا يا يما و لازتني لصدرها قعدتني في بلاصتي و انا القعدة معرفتش نقعدها شفت الغاشي كامل واقفين عند الباب تاع بيتي سناء و خواتات سلطان نوال و حنين بسيف وقفت و انا نسحل في رجليا غلقت الباب في وجوهم و لليت نبكي بالصوت و نعيط و نقولها و نعاود فيها قولييلوووو يطلقني كرهتوووووووو قوليلو يطلقني ووليت نسب و عيط وانا ماشي في وعيي ولات حكمتني ماما حبيبة وتسدلي في فمي و تسكت فيا كي شافتني ملاك وليت في حالة هستيريا لات الماء بارد على وجهي باه نكست و نفطن مع روحي طحت في الارض على ركايبي وماما حبية حكمتلي وجهي و تبكي و تقولي وعلاش مهدرتيلوش و شرحتيلو وعلاش سكتي هكا حسبك مذنبة عيطت بالصوت قلتلها مقدرتشششش خفت خفت منو هدا مجرم هدا وحش ماشي انسان حقير نكرهووووووووووو كرهتو قالتلي ماما حبيبة خلاص خلاص حبيبتي اسكتي قالتلي نوضي نلبسلك نديك للسبيطار نشوفو حالتك و حالة البيبي قلتلها لالا منروحش لحتى بلاصة وياريت نموت و يموت معايا خير ملي يجي لدنيا الي مربحتش فيها امو اكيد ميربحش فيها هو وخاصة باباه سلطان قالتلي متهدريش هكا يا بنتي حرام عليك قلتلها انا واش شفت في حياتي من صغري لليوم اهدري انت علابالك في كلشي واش شفت انا غير الاهانات و ابضرب ارحموني ارحمو حالي ولا واحد فهمني في حياتي انا كنت محتاجة غير حنان و محتاجة مسايسة ومعاملة مليحة محتاجة تعلموني ماشي تقولو عليا طفلة علمنوني واكسبو فيا اجر انا يتيمة مزال منعرفش واش معنى حنان قالتلي ياعمري طول عمري و انا نعلم فيك و ننصح فيك و قلتلك اي حاجة تصرالك ارواحي قوليلي و انا و انت نحلوها مع بعضانا وقلتلك انا مستحيل منوقفش معاك انا حاسبتك بنتي و مستحيل نسمح فيك وانت واش كنتي تستناي من سلطان يدير بعد ماشاف مرتو ام ولدو و حبيبتو واقفة مع واحد وخارجة بلا علمو و ضاربة حطة واش كنتي مستنية منو يجي يبوسلك راسك لالا حبيبتي راكي غالطة يا نوار هو عمل فيك هكا من حرقت قلبو و حبو وغيرتو عليك خاطر حسب تحبي واحد اخر و تخوني فيه قلتلو اخرجووو عليا كامل حابة نرقد منوضش واش ذنبي انا انا قاعدة و المشاكل وحدها تطيح فوق راسي وسن و منهد و حنين في كوم و سلكان و رشا و مرتضى في كوم واش ندير انا ياربي ونموت و نرتاح ربي اكيد راح يكون احن عليا من الناس هو الي صح راح يحمني هو الي غلابالو واش في قلبي يا ربي ارحنى و ريحني كرهت من حياتي ملي حليت عينيا للدنيا و انا في العداب بابا مرحمنيش راح ترحموني انتم
ولات وقفتني ماما حبيبة وحطتني في بلاصتي و غطاتني ورقد حدايا و تقرالي في القران حتى رقدت فطنت لقيت الليل طاح سندت روحي بالشوية على السرير ووقفت قدام المرايا كي شفت وجهي معرفتش روحي نيت لاغوب الي لابستها الي نصخا تقطعت من التمرميد الي مرمدهولي شفت جسمي ووليت نبكي على روحي وجهي كامل ازرق وكيني منفوخة ومن الداخل حمراء دم شاربي مشقوق من كل جيهة و منفوخ جسمي كامل كدمات و زرق كل بلاصة نمسها توجعني وكل مانتوجع نزيد نكرهو اكثر وليت نبكي كي الاولاد الصغار و نحضن في روحي وندعي في ربي يجيبلي حقو من الي ضلموني لبست و خرجت من البيت رحت للدوش نغسل عينيا ولا يحرقو فيا من البكاء غسلت ووليت كي قريب ندخل لبيتي وليت نسمع في العياط في بيت ماما حبيبة وليت حابة نسمع واش يقول سلطان قاعد يقولها خلاص يا حبيبة قلتلك منحتاجهاش كرهتها متخبيش عليها و تجيبيلي في عدار باه نسامحها و ماما تقولو هدو ماشي اعدار و الله هده الحقيقة اسمع مني انا والله ماراني نكدب عليك قالها اسكتي خلاص منحتاج نسمع حتى كلمة هي مبتش تعب روحها و تبررلي منحتاجهاش كرهتها نكمل معاها حتى تولد و نطلقها يهدر و يعيط حسيت النار شعلت في قلبي كي سمعتو يقول نطلقها ونكرها رحت للبيت تاعها وليت نطبطب بكل قوتي وانا نعيط ونقولو ساعة المنى يا سلطان ياريت تطلقني درك و نرتاح منك و من المعيشة هده شفت الباب تفتح بسرعة و ماما حبيبة تجبد فيه وتقولو ربي يعيشك سلطان نحا يدو من حتى طاحت في الارض وحكمني من وجهي حسيت راح يكسرلي لاماشوار تاعي وحال عينيه على وسعهم ووجهو يخوف قالي و هو ضاغط على سنانو وقرب وجهو من وجهي قالي حابة تطلقي باه تروحي لعند الرخيس هداك يا قح........هكا انا الي حايب نطلقك خاطر ميشرفينيش وحدة كيفك تكون مرتي ودزني جيت رايحة قالي وردي بالك توريلي وجهك الفترة هده والله و الله كون نشوفك قدامي نقتلك كملي الستتة اشهر الي بقاولك هنا خير و اتقي شري رجعت لبيتي و انا نبكي بالصوت و نول نكرهك ياسلطان ولا عمري نسامحك نكررهك بقيت ليلة كاملة و انا فاطنة و نبكي عينيا حسيتهم عماو بسيف باه رقدت نضت لقيتها الزوج تاع القايلة جابتلي ماما حبيبة نتغدا كنت جيعانة ميتة بسيف نوضتني و غسلتلي وجهي وكليت غير شوية رغنم اني ميتة بالجوع كملت كليت و هي توكل فيا بالسيف قالتلي هيا حبيبتي تروحي للطبيب والله راني خايفة عليك وعلى الي في كرشك هزيتلها راسي بعمنى ايه و قلتلها صح راح يطلقني صح كرهني ميحتاجنيش في حياتو باستني من راسي و قالتلي الله لايجيب الطلاق بيناتكم حبيبتي متلوميهش هو راهو فاهم الموضوع غالط وكل ضنو انني انا ورشا نغطيو عليك وهو استنتج هدا الشي وحاسبك انت الي غالطة و هداك حاسبو صاحبك ماشي صاحب رشا قلتلها وكيفاش راح نفهمو و نخليه يامني قالتلي نوار حبيبتي سلطان يحبك ماشي حب عادي راهو يعشق فيك و شايفة الشي هدا في عينيه و بحرقة قلبو عليك و الله البارح ليلة كاملة مارقد حسيتو حايب يكدب عينيه و يامنك انت بصح سكاتك هو الي اكدلو ظنونو فياريت تخليه يتكالما شوية و اهدري معاه حتى ولو ميحبش يسمعك حاولي معاه قلتلها خايفة يعاود يضربني كيما البارح حضنتني قالتلي ان شاء الله ميضربكش و يسمعلك واكيد راح تضهر الحقيقة و يتفضح هداك الحقير و يحكمو سلطان قلتلها صح يا ماما ماشي هو لحقو البارح قالتلي لالا تودلو في الازدحام قلتلها اعطيه الرقم تاعو بلاك من الرقم تاعو يلقاه و يعرف العنوان تاعو قالتلي البارح رشا حبت تعطيلو الرقم تاعو بصح محبش يسمعها ولا عطاها فرصة تحكيلو بسبب الغضب تاعو قلتلها خليه يرتاح شوية و راح نهدر معاه للعشية داتني ماما حبيبة للطبيب وعملتلي سونار و قالت البيبي راهو في حالة جيدة و عمرو شهرين و كتبتلي مقويات و فيتامينات و فاتو اربعة ايام على الي صار ومن هداك النهار مزدتش شفت سلطان غير من بعيد لبعيد و نسمع في صوتو كل ما نسمع صوتو نتخبا كنت نشوف غير في حنين ومهند كيفاش عايشين وهوما الواحد يموت على الاخر يدلل فيها و قدامنا في كل فرصة يحاول يكون قريب ليها و يسرق منها في البوسات و لتحضان وهي نحسها طايرة بالسعادة من حقها وهو يتغزل بيها و الهدرات الملاح الي يلوح فيهم قدامنا حتى مولاش يعيطلها باسمها يقولها غير حبي و حبيبتي وحمامتي ربي يهنيهم و يسعدهم و يبعد عليهم الهموم
وهداك النهار كان سلطان برا مع صحابو و انا في الدار قاعدة مع حبيبة و مع الحاجة هوما كامل معلابالهمش وعلاش ضربني سلطان غير ماما حبيبة الي علابالها و كل مايسقسيوها تقولهم معلاباليش هده حاجة بيناتهم ومحبوش في زوج يهدرو حتى لقينا مهند و حنين دخلو علينا كانو برا يتعشاو لاحو علينا السلام شفت في يد حنين باقة ورد و مهند حاكمها من يدها وهوما يحكيو معانا و فلاحانين وحنين تحكي لماما حبيبة واش شرالها ووين داها تحوس وكل دقيقة يتلاح يبوسها من خدها ولات الحاجة تقولو واش بيك وليتي هكا خفيف و متحشمش قالها مرتي وحلالي ولاو يضحكو عليه وانا ولات الدمعة في طرف عيني وليت نرمش غير باه متطيحش الدمعة قلتلهم اسمحولي نطلع لبيتي نرتاح حتى لقيت مدمعتي غلبتني و طاحت ماما حبيبة خزرت في مهند و هو قالي نوار اقعدي معانا وعلاش تقعدي وحدك الفوق شفت مع حنين لقيتها كشخت فيا و دورت وجها قلتلو اسمحلي يامهند خويا بصح ظهري وجعني لازم نتكا شوية في الحضة هده دخل سلطان هزيت عينيا جات عيني في عينو مسحت دموعي ولا هو تخنزر فيا تاع محايبش يشوفني وليت رحت نجري محابتوش يعايرني ولا يعيط عليا قدامهم وليت نخمم كيفاش نهدر معاه وخايفة لازم يعرف الحقيقة مني كي قربت نوصل لبيتي سمعتو طالع وهو يهدر مع ماما حبيبة قالها جهزيلي قشي عندي خدمة وردي بالك و حلي عينك علي هديك قصدو عليا كي وصلو ليا محبش اصلا يشوف معايا و كانني مكانش قدامو هو دخل للبيت تاع ماما حبيبة و هي وقفت معايا حكمتها من يدها قلتلها ماما لازم نهدر معاه بصح خايفة منو قالتلي اروحي ادخلي معايا اهدري معاه ومتخافيش خاطر انت مظلومة ومدام مظلومة متخافيش لان الحقيقة مهما طولت راح تبان المهم اهدريلو كلشي متخبي عليه والو وعلابالي بلي راح يامنك خاطر سلطان يحبك وبعدو عليك راهو يعدب فيه قلتلها مستحيل يكون يحبني بعد الي صار وليت نحسو يكرهني وميتحملش حتى يشوفني قالتلي متلوميهش هو داير في بالو بلي متحبيهش و بدلتيه بواحد اخر صغير و من قدك وراهو مقهور خاطر حس روحو تزوج وحدة صغيرة قد بنتو وكان داير في بالو بلي يجي نهار و تندمي بزواجك منو وراح تحوسي على واحد صغير من جيلك صدقيني سلطان انا الي نعرفو وحافظتو وعلابالي كيفاش يخمم ومتاكدة منو انه مستحيل يكرهك راني نراقب فيه كل يوم والله اليل مايرقدو يقعد ليلوة كاملة و هو يخمم و يتكيف وفي النهار يضل يخمم روحي حبيبتي اهدري معاه وربي يحنن قلبو عليك دخلت للبيت بعد ماشجعتني ماما حبيبة لقيتو قاعد يهدر في التليفون حسبني ماما حبيبة خاطر كان عاطيني بظهرو كي دار و شافني عقد حواجبو عاود دور وجهو و كمل يهدر وانا وقفة وراه و ندعي في ربي باه يقعد و يسمعني كوبا التليفون و دار ليا قالي انت واش جابك هنا عندك الوجه صحيح و جاية تقابليني اخرجي ولا راح نخرجك من الشعر قلتلو خليني نهدر معاك ربي يعيشك اسمعني قرب ليا حكمني من ذراعي ولا يجر فيا للباب قلتلو اطلقني راح نخرج وحدي وجبدت يدي منو بقوة وصلت للباب نحيت المفتاح منو و لحتو في صدري هز حاجبو و قالي واقيسلا انت جلدك كلاك حابتني نقتلك اليوم اخرجي و ارحمي روحك و ارحميني روحي راهي واصلة لخشمي قلتلو حرام عليك يا سلطان انت لاسمعتي مني ولا من اي واحد و فوق هدا كامل ضربتيني ضرب تقول تضرب في واحد قاتل الارواح هدا كامل بسبت عقلك الي يصورلك بلي انا غالطة و خاينة و منسواش بصح تفكيرك كامل غالطططططط قربت ليه وحطيت عينيا في عينيه وقلتلو انا عمري مادرت حاجة ماشي مليحة وانا عزبة وكنت بلا اهل و بدون رقيب و لا حسيب وكنت صح محتاجة الحنان و الاهتمام و للكلمة المليحة وولا مرة درت علاقة و لا صحبت و ل حبيبت و الا اهتميت براجل وجامي خممت نعمل علاقات وكي تزوجت ولقيت عايلة وراجل يحبني و حنين معايا و قدملي الامان و فتحلي دارو و قلبو و ربط اسمو باسمي ورجعلي اب و زوج و سند نخليه و نروح ندير حوايج ماشي ملاح املا اسمعني يا سلطان للخير احسب روحك بابا ماشي راجلي وحاول تستوعب واش راح نهدرلك وفي الاخير احكم دور وجهو عليا و جبد قارو و قالي متهدريلي حاجة ماتعطيني تبريرات كلشي واضح اصلا كون جات نيتك صافية متخرجيش من الدار بالسرقة علينا كامل حتى حبيبة مهدرتيلهاش ومدام تجراتي للدرجة هده كاين سبب قوي الي خلاك تعمليها
رحت قابلتو و قلتلو و الله ياسلطان هدا الراجل صاحب رشا وانا يما نصحتها و قلتلها اجبد روحك منو بصح هي مسمعتليش حتى ولا يهدد فيها ينشر الصور تاعها قلتلها اعطيني ارقم تاعو نهدددو و نقولو راجلي عميد و راح يجبدك من تحت لرض ولا حتى انا هددني و ينشر الصور تاعي و الفيديوهات تاع عيد ميلاد رشا املا خفت من الفضيحة ......................حتى لقيتو حكمني من رقبتي و قالي عاودي عاودي ليفوطو تتاعك عندووووووووووووووووووووو ....................................... يتبع
رجاءا وحدة ماتقولي زيدي حلقة ولا تقولي كملي منزيدش نحط حتى يكملو الاختبارات