نوارة العميد سلطان

الحلقة 55

الحلقة 55

نوارة العميد سلطان
نوار قالي هيا نوضي نروحو قلتلو والله مانتحرك منا حتى تقولي شكون هده الي رقبتك تعوجت و انت تكحل عليها وكانني ماشي قدامك قالي واش حاسبتني مرهق قدامك و هبطي من صوتك سمعتي علينا الناس وهديك شبهتها لوحدة بنت جيرانا زمان و ظهرت ماشي هي قلتلو صح قالي نوضي نروحو عييت انا ماشية جيت ندور لقيتو مزال يشوف جيهتها هنا ضربوني الجنون درت شفتها واقفة قدام واحد يبيع في الجي ومعاها طفلة صغيرة و تمشي فيها معاها خليتو وقف ورحت ليها وهو قريب يجري ورايا وصلت ليها قبل مايحكمني قلتلها انت شكون شافت معايا و تبسمت قالتلي كيفاش انا شكون قلتلها قصدي انت عراقية قالتلي ايه وانت تاني عراقية قلتلها ايه عراقية دورت شفتو يتخنزر معاي و يقولي ارواحي بيدو كي شافني مجيتش ولا مسح على لحيتو و كانه يقولي نحكمك و يتحلف فيا جيت رايحة قلتلها اسمحيلي شبهتك هزت كتافها و قالتلي عادي حبيبتي في وجها كانت مليحة جيت ماشية و هو دار و عطاني بالظهر حتى لقيتها حطت يدها على كتفي و قالتلي حبسي دقيقة هداك الراجل ماشي سلطان هدرتها و هي تشوف معاه قلتلها انت شكون ووين تعرفيه سكت قلتلها تعرفيه خلاتني نهدر و راحت ليه واش الوقاحة هده الي راهي تعمل فيها وليت تبعتها قبل ماتوصلو كنت ديجا معاه قالتلو سلطان هدا انت دار ليها شاف معاها و تخنزر فيا و قالها ببرود ايه انا سلطان قالتلو هههههههههه اكيد معرفتينيش خاطر وليت اجمل من زمان قالها اسمحيلي بصح معرفتكش ولا شفيت عليك قالتلو متاكد معرفتينيش بصح انا عرفتك متبدلتيش خلاص واكنك مكبرتيش بزاف مزالتي نفس الشخص الي عرفتو من عشرين سنة بصح وليتي اطول و اكثر رجولة قالها ااااااااااااااا هدا انت اهلا بيك معرفتكش قالتلو وينها حبيبة مرانيش نشوف فيها و هده باينة بنتكم و شحال عندكم الاولاد وانا بقيت حالة فمي و عينيا ونشوف فيه و نعاودج نشوف معاها ماخديين راحتهم في حكاياتهم حسيت النار شعلت في قلبي وانا متودرة بيناتهم هوةما في زوج طوال و انا كي القملة بيناتهم قالها حبيبة مزالت في العراق مجاتش معانا وهده ماشي بنتي هده مرتي ومعنديش ولاد مع حبيبة بصح نوار راهي بالحمل قالتلو اااا ممرتك و شافت معايا كيفاش و حبيبة وهده ماشي صغيرة بزاف عليك ووعلاش معندكش ولاد ارواح ارواح نقعدو و احكيلي قالها اسمحيلي راني مزرب وغدوة موليين للعراق وحايب نروح نرتاح الصباح نبكرو قالتلو واش راك تهدر عشرين سنة مشفتكش وحيب تروح هكا خلي نعرفك على راجلي وولادي و الرقاد راح ترقد و ترتاح ومشات قدمنا و تستني فينا نتبعوها شفت معاه حكملي يدي و قالي بالشوية عجبك الحال درك برد قلبك قلتلو لازم نعرف شكون هده قالي هدرلك و قلتلك جارتنا زمان قلتلو جارة برك قالي ايه امشي قلتلو وين نمشي نرجعو للفندق ولا نتبعو حبك الضايع قالي و هو يتخنزر فيا وقالي انت الي رجعتيه الماضي هدا بغبائك يا حيوانة قلتلو اااا معناها كاين ماضي خلي نرجعلك الذكريات يا سلطان باشا قالي راني حاكم روحي عليك بسيف تستهلي كف يدوخكامشي قدامي وبلا فضايح رحنا قعدنا معاها و انا متشنفة و سلطان قريب ياكلني بعينيه قالتلو درك احكيلي كيفاش تزوجي الكتكوت هده يا سلطان قلتلها قصدك عليا انا هي الكتكوتة رجاءا متشبهينيش بالدجاج ودورت وجهي ضحك سلطان و هي حلت عينها وممبعد ولات تضحك قالها تزوجتها واش نحكلك قالتلو قصدي حبيتيها ولا انت مقنعتكش وحدة زدتي جبتي الزاوجة قالها واش قالولك عليا ومنقنعش بوحدة برك قلتلها انا واش حاسبتو سردوك و عندو قطيع تاع دجاج قالتلي هههههههههه انت اليوم جاتك غير على الدواجن شاف معايا سلطان وبسيف حاكم الضحكة تاعو ووجهو ولا حمر طماطمة قلتلها انت الي جاتك على الدواجن ماشي انا تجاهلتي و قالتلو سلطان باين فيك حبيتيها باه تزوجتيها ااااااااااا وليت ناكل في روحي و نهدر في قلبي ااا كيفاش تجاهلتي بنت الدجاجة قالها سلطان لالا تزوجتها زواج تقليدي قالتلو بصح سمعت بيك تحب حبيبة قالها حبيبة متجيبش الاولاد و تزوجت نوار قالتلو اااو مسكينة حبيبة
قلتلها ماهي مسكينة ماما ىحبيبةتموت عليا و انا نموت عليها وهي تقبى ماما و تاج فوق راسي قالتلي لسانك طويل يا بنتوتة اش قلت انا وديجا انت تقوليها ماما حبية قالها هو نوار يتيمة وحبيبة الي رباتها كيما امها قالتلو هههههه وانت باباها قالها ايه انا باباها وراجلها و هي مرتي و ام ولدي قالتلي باين تحبها قلتلها اكيد يحبني انا ماشي مرتو ولا انت راجلك ميحبكش اااااولا انت متحبيهش قاطعتني و قالتلي واش بيك ههههههههههه وعلاش تهدري هكا بسرعة تقول واحد يجري موراك قالها سلطان اسمحيلنا راح الحال لازم نروحو قالتلو دقيقة سلطان ولا نقولك سلطاني كيما زمان قالها لالا قوليلي خويا سلطان قالتلو ااا اسمحلي مقلتلك والو اصبر يجي راجلي ران بعتلو ميساج قلتلو ارواح و عيب تروح ومتتلاقاهش قلتلها قوليلو يزرب خاطر راح الحال ونوار بالحمل و عيات من الصباح واحنا ندورو قالتلي ياعمري يخاف عليك تقولي قطة صغيرة قلتلها انت مرة تقوليلي دجاجة و مرة قطة ياخوفي المرة الجاية تقوليلي كلبة و لا جروة قالتلي هههههه انت كارثة معليش نقولك وردة واش تحبي اكثر من هكا قلتلها يعني واش درتي كي قلتيللي وردة شبهتيني بنبتة معمرة بالطين و مغروسة في الارض و معمرة حشرات تدور عليها انا اسمي نوار نوار برك ودورت وجهي عليها سلطان دار ليهيه ونشوف غير في كتافو يتهزو من الضحك وانا قلبي نحسو شاعلة فيه النار قالتلو مقلتيليش مزالك تسكن في بغداد و في نفس الدار ولا بدلتو الدار قلتلها احمم وعلاش تسقسي ولا ناوية تجي عندنا ان شاء الله نقولك من درك معندنا وين نحطوك و خاصة كي تزوج مهند و الدار راح تتعمر ولاد وديجا وعلاش تجي شفناك هنا و شبعنا منك قالتلي ههههههههههههه واش اللسان الي عندك انا اصلا منقدررش نجي راني في ربع سنوات هنا و قبل كنت في دبي قلتلها ااا هكا احسن قالت لسلطان هط من يدك التليفون مزالنا متوحشينك و مقلتيليش وعلاش جيتيو للكويت قلتلها نعرف وحدة كان فضولية بزاف و تدخل روحها في الحوايج الي خاطيها وحد النهار لقاوها قلبه حبس و ماتت من الفضول متخافيش على روحك تموتي كيفها سلطان مقدرش يتحمل ولا يضحك في وجها بطول صوتو قالتلو سبحان الله نفس الضحكة متبدلتش خلاص وليت نستغفر في ربي قلتلها واش يبدل الضحك ولا حاسبتها صونري كل دقيقة نبدلوها قالتلي ههه و الله دمك عسل قلتلها اسمحيلي بصح علابالك واش هو العهسل فضلات النحلة الكاكا تاعها رجاءا حبسي من الهدرات تاعك نرفزتيني قالي سلطان متقلقيش روحك حبيبتي ماشي مليح ليك القلق قالتلو اسمحلي سلطان و الله ماقصدي نسيت معرفتكش على بنتي نسرين عمرها 9 سنوات و عندي توام ذكور في بالك واش سميتهم قالها و انا وين علابالي قالتلو نسيتي قالها واش نتفكر واش نخلي نتفكرلك اسماء من عشرين سنة تبسمت وعاه و قالتلو سميتهم على الاسماء الي خيرتيهم انت زمان سند و ليث قالها ااامليح قلتلها سلطان مولاش يحب الاسماء هدو قدم بزاف لان ولدنا قررنا نسموه سيف ........................... يتبع