نوارة العميد سلطان

الحلقة 42

الحلقة 42

الصباح نضنا هبطنا انا و ماما حبيبة لقينا سناء مصدرة الفطور و حاطة المايدة قدام الحجة و تقولها بوه بوه على الكناين تاع اخر الزمان راقدين لدرك الشمس ولات تحرق قالتلها الحجة انا موالفة نوض و منحبش ناكل مباشرة و البنات مساكن تعبو راهم في سمانة واقفين لا رقاد لاماكلة قالتلها ياخالتي وعلاش تدافعي عليهم حتى نوار ظهرت اكثر من حبيبة هي تهدر ومشافتناش من وراها قلنالها صباحكم بالخير شافت معنا وهبطت عينيها ردت الحاجة و قالت نهاركم زين راحت ماما حبيبة طيبت تاي جديد وجابت كاس ليا و كاس ليها و قعدنا نشربو عوجت فمها سناء و قالتلها وعلاش لاتاي تاعي ميعجبكش قالتلها ماما حبيبة منشربش لاتاي تاعك فيه السحور ههههههه قالت سناء شفتي ياخالتي واش تقول عليا انا سحارة ضحكت ماما حبيبة و قالتلها اااف متعرفيش التمسخير نلعب معاك خلي روحك رياضية انا منشربش لاتاي تاع الناس نحب نخدمو بيدي سبحان الله موالفة غير بخدمت يدي قالتلها سناء ونوار تاني صبيتيلها قلتلها انا تاني سبحان الله نحب غير لاتاي تاع ماما حبيبة قالتلنا احسن جاء مهند قالتلو اديني نروح دارنا يتقلقو عليا صبتو ماما حبيبة من لاتاي تاعها و هديك ولات راح تموت من القنطة منا راحت لبست وداها منهد للعشية خلاص جاء مهند قالنا غدوة ان شاء الله راح يخرج سلطان خاطر حالتو استقرت بصح لازم يترتاح وميتعبش روحو حتى يرتاحو العمليات الي دايرهم قعد مهند و قالنانا ميت بالجوع دخلت انا وحنين
نديرو في العشاء شوية و صونا تليفونها شافت معايا و توترت راحت تجري و انا قلتني الفضول حبيبت نعرف واش كاين خاطر وجها تبدل حاولت نشاغل روحي بكاش حاجة فاتت نص ساعة و هي مزال مجاتش خرجت نحوس عليها في الدخلة و الصالون ملقيتهاش رجعت للكوزينة كملت العشاء و عيطت لماما و الحاجة يتعشاو قالتلي ماما عيطي لمهند و للحنين انا وصلت قدام البيت تاع مهند و انا نسمع فيهم يتدابزو و هو يحلفلها و يقولها مكا والو و الله معندي حتى علاقة معاها و هده وحدة كدابة و معلاباليش علاه نوار عملت العفسة هده و هي تقولو نوار حقيرة و خبيثة انا الي نعرفها و حدرتكم منها بصح انت الي كيفاش عطاك قلبك و تخوني وهو يقولها انت وعلاش هكا غبية ومتفهميش انا خويا بين الحياة و الموت وانت تقوليلي تخون فيا كيفاش تامني عليا ونوار انا نحاسبها و انا غير نتصنت عليهم الي هبلني واش درتلهم حتى يهدرو عليا وليت غايسة نخمم حابة نراجع روحي انا واش درت لحنين حتى تهدر هكا عليا حتى لقيت مهند حل الباب وقالي ادخلي جابك ربي دخلت معاه لقيتها باينة كانت تبكي قلتلو خير واش كاين
قالتلي حنين ياحقيقة يا رخيسة من الاول كنت علابالي انت هكا بصح الحمد الله درك تضهر حقيقتك قالها مهند حنين اسكتي سكتت و دورت وجها محبتش تشوف معايا قالي مهند نوار نسقسيك ومدابيا تجاوبني بصراحة قلتلو اكيد قالي انت تعرفي وحدة اسمها وسن قلتلو ايه صاحبتي تعرفت عليها من الفايسبوك قلتلو بصح شكون قالك عليها حتى لقيت حنين تلاحت عليا حكمها مهند قالتلي وعلاش بعتيها تفسد علاقتي بمهند يا حقيرة وضل تتبلا فيه فتحت عينيا وقلتلهم دقيقة دقيقة واش كاين والله مافهمت قالتلي الي سمعتيه يا رخيسة قلتلهم انا وسن صاحبتي من الفايس بوك و نحكيلها مشاكلي و تنصحني و حتى على علاقتكم حكيتلها بصح و الله و رحمة ماما و حياة سلطان وولدي الي مزال مشافش النور معطيتها لارقم مهند ولا اي حاجة و الله وانا واش من مصلحتي كي نفسد بيناتكم قالتلي حنين الهدرة هده فوتيها على ماما حبيبة ماشي عليا انا وعلابالي فيك تكرهيني و حاقدة عليا وحبيتي تحرقي قلبي سلطتي صاحبك باه تغري مهند
حتى لقينا ماما حبيبة تعيط عليناباه نتعشاو قلتلي حنين ممبعد نعيطولها و نقابلوك معاها و نعرفو الحقيقة وهاتي تليفونك تعودي تتفاهمي معاها من ورانا عطيتها تليفوني بدون نقاش و قلتلها حنين انا منكرهكش ولا عمري حقدت عليك ودرت لمهند قلتلو عيط لوسن و نسقسيها قدامك منين جبت الرقم تاعك و انا و الله ماعطيتهولها و هبطنا خاطر ماما شبعت عياط علينا وانا بالي غير مع المشكل هدا كيفاش وسن تعيط لمهند و قالتلو انا عطيتها الرقم بدينا نتعشاو انا مقدرتش ناكل غير دقت شوية قالتلي ماما حبيبة مكليتي والو قلتلها و الله ماقادرة نفسي مسدودة وجيت راح نطلع لشومبرتي همستلي حنين قالتاي كون ندريك انت الي دازتها على منهند و الله مانفوتهالك على خير خليتها و طلعت لبيتي حسيت روحي في دوامة حتى لقيت الباب يطبطب لقيتو مند قالي ممكن نحكي معاك قلتلو ايه قالي ارواحي للصالون رحت معاه دار ليا و قالي وعلاش عملتي هكا يا نوار علابالي متحبيش حنين بصح ماشي للدرجة انك تضريني انا تاني الي دايما نحامي عليك ووقفت معاك كونتر حنين حبيبتي قلتلو و الله يامهند حالي حاالك معلاباليش وعلاش وسن تتصرف هكا وانا منعرفش وجها غير من الفايسبوك و محادثات مننكرش نحكيلها كلش بصح و الله معطيتها رقمك ولا والو قالي بصح هي قالتلي انت عطيتيها رقمي و انت تقولي خاطيني املا منين جابتو قلتلو و الله قتلتني الحيرة قالي هاكي تليفونك و عيطيلها قدامي عيطلها و حطو انتر فون قالت الو قلتلها وسن انا نوار قالتلي ااو حبيبتي واش احوالك قلتلها الحمد الله قلتلها حبيت نسقسيك انا واش علاقتك بمهند ووعلاش قلتيلو انا الي عطيتك الرقم تاعو قالتلي وعلاش تهدري هكا يانوار كشما كاين واحد معاك قلتلها جاوبيني وسن و علاش كدبتي عليهم و قلتيلهم انا الي عطيتك رقم منهد قالتلي اهدري شكون راهو معاك على الاقل اعمليلي تشارة ولا تلميح قلتلها انت راح تهبليني اهدري وجاوبي على سوالي قالتلي مدام راكي مصرة درك نحكيلك قالي انت الي قلتيلي هاهو رقم سلفي و عطيتيني عليه كل المعلومات و قلتيلي طيحيه في شباكك باه نهار يحبني راح يتزوجنى و نكونو سلايف و قلتيلي هدا كامل و نحرقو قلب الحية تاع حنين انا عقل مابقا في راسي كيفاش حتى تشهد عليا شهادة زور ............................ يتبع