نوارة العميد سلطان

لحلقة 36

لحلقة 36

نوارة العميد سلطان
بقيت قاعدة شوية و نضت جبدت قشي و رحت تدوشت و بدلت بعد حسيت روحي جعت درت خمار وجيت هابطة وانا خايفة رجعت قلت نعيط للماما خير تجيبلي حاجة ناكلها ممبعد خفت نطبطب عليها و تكون راقدة وعيانة ممبعد قررت نهبط بالشوية و تليفوني في يدي رحت للكوزينة جبدت حبات بيض قلت نقليهم قليتهم انا بديت ناكل وحطيت تليفوني فوق البوطاجي حتى لقيت علي ورايا وقت قدقد حتى شوكت لحمي منو قالي انا تاني جيعان و حاب ناكل حاجة حلوة و بيضة تخلعت منو قالي متحطيليش ناكل معاك قلتلو انا كملت قالي اقلي بيض كيما انت انا جيت نحط البيض وهو هاز تليفوني يخرب فيه و قالي نحطلك فيديوهات تاع الضحك حتى سمعت سلطان قالو واش تدير هنا قبل مايشوفني تخبيت مورا الفريجيدار وانا نرعش مت بالخوف هو محرس عليا منهبطش بصح جعت يا ريت مت بالجوع ومهبطتش و هداك تقول كان يستنى فيا قالو علي كنت جيعان جيت ناكل قالو واش يعمل في يدك تليفون نوار قالو لقيتوو هنا هزيتو وهوما عاطييني بالظهر فت بالشوية من وراهم و طلعت نجري لبيتي دخلت و انا ندور و حتاكمة في قلبي قلت باين سلان جاء هنا و ملقانيش نحيت الخمار و حكمت فراشي و غطيت راسي وحد العشر دقايق وحتى سمعت الباب تفتح و تخبط بقوة و صوت سلطان يعيط يقولي نوضيييييييييييي نضت بزربة قلتلو واش بيك قال وينكنتي وهو ضاغط على سنانو قلتلو ااااااااااا كنت قاعدة هنا نلعب بالتليفون وجعت هبطت كليت كنت راح نوض ماما حبيبة وقلت بلاك راهي راقدة حشمت نطبطب عليكم رحت بزربة و عاودت رجعت قالي واش حاسبتني قدامك طفل صغير وتلحيلي وعلاش تكدبي كنتي التحت معاه و كي شفتيني تخبيتي وجاء عندي وحكمني من رقبتي و يخنق فيا و يهدر انا واش قلتلك عليه و زيد لقيتك عاطيتو النيميرو تاعك و يبعتلك في ليميساج و تحرق قلبو عليك و انت مريضة واش كاين بيناتكم حتى يسقسي عليك اهدري يا كلبة وولا ملصقني في الحيط و يخبط فيا للحيط و يقولي اهدري تتخاباي مني و انا كنت نشوف فيكم قبل ماندخل و تطيبيلو يتسمم نحاول نهدر كان خانقني وانا نحاول نحيلو يدو من رقبتي و نبكي هو طلقني و انا طحت في الارض و نكح و نحاول نرجع النفس هزني من ذراعي و يقولي اهدري تلعبي من ورايا تحسبيني منشوفكش و منكشفكش يا حيوانة اليوم نقتلك و نشرب من دمك لاحني فوق السرير و بدا يظرب فيا بالكفوف دزيتو وجيت هاربة للباب حكمني من شعري و يجر فيال و انا نعيط و نبكي و نقولو و الله مادرت والو و الله و الله ربي يعيشك اطلقني راح نموت حتى لقيت ماما حبيبة دخلت تجري طاحت عليا تحاول تحميني منو وتقولو واش بيك راح تقتلها اضربنب انا و متمسهاش واش دارتلك و هو يعيط و يقولها بعدي يا حبيبة و الا راح نقتلها و نقتلك معاها حاب نشوف الحيوانة هده الي بليتيني بيها انت ياحبيبة الي جبتيها و حطيتيها قدامي و تقوليلي هده راح تكون ام ولادك هده قليلة الحيا راح تقتلني متاخدش الراي اليوم نقتلها راح تهبطلي راسي في الارض ولا حاكم راسو بين يديه و هو بسيف يتنفس قالها اخرجي ياحبيبة خليها قالتلي بصح............ قالها قلتلو اخرجي و خليها خرجت تجري وهو جاء خارج وراها وصل للباب شاف معايا انا لميت رجليا عند صدري و تخبيت في الكوان تاع البيت و نبكي غلق الباب و خرج بقيت نبكي نبكي معلاليش شحال و انا على نفس الوضعية لحتى تعبت و رقدت فطنت على صوت ماما حبيبة و هي تطبطب على الباب و تعيط عليا تقولي نواااااار حبيبتي غير اهدري معايا جاوبيني طمنيني عليك تحاول تفتح الباب و هو مغلوق باين غلقو عليا من برا و حبسني في البيت قالتلي يا بنتي غير اهدري كلمة و قوليلي راكي بخير وليت نسمع فيها تقول يا ربي احميها و ميكون صرالها والو يا ربي استرها ياربي كون تصرالها حاجة نموت و تعاود تطبطب حسيتها قعد عند الباب و تبكي عليا حاولت نوقف مقدرتش جسمي كامل يوجع و حلقي ناشف مقدرتش نقولها راني لاباس شفت حدايا قرعة ماء فتحتها شربت منا ووقفت بسيف وليت نمشي و وحاكمة في الحيط وصلت للباب قلتلها مامااااااااااااا ولات تقولي الحمد الله يابنتي قوليلي راكي بخير واش يوجع فيك قلتلها مابيا والو بصح قلبي يوجع فيا من الظلم و القهر الي شفتو في حياتي ومزال نزيد نشوفو قلبي يوجع من خيبت املي و كسرت خاطري نهدر و نبكي اصل مقدرتش نبكي غير نازع
قالتلي انا سبابك الله يعطيني موت انا الي حصلتك الحصلة هده قلتلها متعدبيش روحك انا موالفة بالضرب ملي كنت صغيرة ومجاتش في هده قالتلي بصح وعلاش هبطتي في االيل و سلطان حدرك من الهبطة و من هداك الحيوان قليل التربية قلتلها جعت و هبطت وياريت مت بالجوع ولا هبطت قالتلي وعلاش منوضتينيش ياعيني قلتلها كنتي راقدة و نهار كامل و انت تجري من ومن حشمت نوضك و نزيد نتعبك قالتلي واش الهدرة هده يا بنتي انا ماشي غريبة حتى تحشمي مني بصح وعلاش تخبيتي وعلاش مواجهتيش سلطان تم وعلاش هربتي قلتلها و الله يا ماما غير خفت منو ونبكي بالصوت قالتلي كون خرجتي عادي سلطان هدا واش هبلو وولا شاك فيك و خاصة كي شاف هداك يبعتلك في ليميساج و زاد سمعو يقولك طيبيلي ناكل حاجة من يدك بصح غير قوليلي من وقتاش وهو يبعلك في الرسائل وليت وقفت و حطيت فمي في شقت الباب و قلتلها والله ياماما و الله مكان والو بيناتنا خليني نفهمك تشافاي كي كنت مريضة وهبطت وخليتوني وحدي معاه قالي اعطيني الرقم تاعك باه نبعتلك فيديوهات تاع الضحك في الفايبر عطيتهولو ممبعد مهدرت معاه لاوالو اصلا حتى الفيديوهات مزال مفتحتهم وماشفتهم مكنتش علابالي بلي بعتلي انا لحد الان مزال منعرفش نستعمل التليفون مليح و الله يا ماما انت تعرفيني وربيتيني انا عمري ولا عرفت راجل و لا اختلطت براجل من غير سلطان و الله يا ماما مظلومة و الله حتى سمعت صوت المفتاح في الباب بعدت على الباب هو تفتح و انا شفت سلطان واقف مع ماما حبيبة عند الباب انا شفتو ووليت نرجع للوراء و نبكي شفتو دخل و غلق الباب و مخلاش ماما حبيبة تدخل جريت للكوانة لي منت فيها و لميت رجليا و خبيت فيهم راسي .............................. يتبع