نوارة العميد سلطان

الحلقة 52

الحلقة 52

نوارة العميد سلطان نوار بعد ماتكشفت الحقيقة و هدرتلي ماما حبيبة على مرتضي و عرفو انني بريئة و هو كان مخطط كلشي مع وسن الي مزال معلاباليش شكون هي و لا واش هي مصلحتها من الشي الي عملتو رحت للخزانة لميت قشي و هزيت كوارطي و هزيت حق سيارة تاع اجرة برك حتى الدهب الي شراوهولي و خواتم الزواج خليت كلشي مديت والو معايا و المفتاح تاع دار بابا الي جابهولي خالي نهار نهار قررت نروح مستحيل نقعد معاهم نهار واحد كانت القايلة خرجت الفاليزة عند الباب تاع البيت تاعي ليت نجر فيها سمعت الخطوات تاع واحد طالع في الدروج و الصوت تاع المفاتح طليت بالشوية لقيتو سلطان هو الي طالع رجعت نجري للبيت و خليت الفليزة في راس الدروج خاطر محبيتش نشوفو ولا نقابلو عشر دقايق وخرجت من البيت شفت من ومن ملقيتوش حتى الفاليزة ملقيتهاش قلت معليش ندي غير ساك تاعي الي فيه كوارطي القش معندي ماندير بيه هوما اصلا الي شراوه يشدوه منحتاج حتى حاجة من عندهم تفكرني بيهم و بالاوقات الي فوتها هنا جيت هابط لقيت ماما حبيبة عيطتلي قالتلي وين رايحة يا نوار دورت شفت معاها قلتلها رايحة لدار بابا ربي يرحمو هداك احسن مكان يلمني قالتلي ارواحي تشوفي شكون الي كان هو السبب في المصايب كامل الي فاتو قلتلها شكون قالتلي ارواحي تشوفي بعينك قتلها باينة سناء قالتلي لالا ماشي سناء ارواحي خير تشوفي بعينك طلعت عندها قلتلها وريلي قالتلي ارواحي معايا للبيت وحكمتني من يدي حبت تدخلني جبدت يدي منها و قلتلها هو راهو هنا قلتلي شكون قلتلها سلطان ايه هو يوريلك قلتلها محاباش املا نعرف اسمحيلي ماما حبيبة قالتلي ارواحي شوفي وجيبي حقك وواحد مراح يلومك لازم تشوفي الي شفتو بلعت الغصة محاباش نقابلو ولا نشوفو حبيبتنخرج من هنا بلا مانتلاقاه حتى لقيتها جبدتني من يدي و دخلتني مشفتش معاه خلاص ولا حتى لمحتو الي علابالي فيه انو قاعد على الحافة تاع السرير حبت ماما حبيبة تخرج من البيت حكمتلها يدها قلتلها كون تخرجي انت نخرج انا تاني انا دخلت على خاطرك كون ماانت مستحيل نكون في بلاصة وحده معاه و دورت وجهي وقف هو و حمحم وقالي هاكي شوفي العار تاع اختك حكمت التليفون و انا نشوف في الفيديو و هي و هداك الرخيس يهدرو تصدمت وولا مرة جات في بالي انها ممكن تكون هي بنت رحمة هي السسب في الي صار ظهرت امها والو قدام بنتها هدا وين تفكرت بلي تليفوني قعد ليلة و نهار كامل عندهم في الميتم لانو الوقت هداك جاء سلطان داني في الليل وليت نرعش حتى التليفون قريب يطيحلي من يدي قلبي يوجع فيا وكانني دخلت في نوبة هلع حتى ولات حكمتني ماما حبيبة و يهو ولا يقولها واش بيها قالتلو جيبلها قرعة ماء شربتني قعدتني على السرير وهو قرب ليا قالي واش بيك اهدري وحب يحكملي يدي جبدت يدي من ومحبيتش نشوف معاه قلتل لماما حبيبة اديني للميتم ربي يعيشك قالتلي ارتاحي وجهك راهو اصفر قلتلها يا تديني يا نروح وحدي قالتلي خلاص نبدل و نديك قلتلها نستناك التحت وقفت بسيف نمشي قالتلي او تعودي تطيحي قالها روحي بدلي انا نهبط قلتلها ماما بدلي ونهبط معاك راني في البيت الي كانت تاعي و خرجت وخليتهمنوار حتى لقيتها مبدلة و قالتلي هيا بصح بالشوية على اعصابك هبطنا لقيتو هو الي راح يوصلنا ركبت من فوق القلب المهم نوصل للميتم و نبرد قلبي في بنت رحمة طريق كامل و احنا سكتين و سلطان يشعل في القارو ولا خوه و غير ساكت بصح باين منارفي و مقلق شوية ووصلنا للميتم نزلت قبلهم في زوج دخلت قريب نجري لقيت الساحة فارغة لانهم وقت قايلة وكامل يكونو راقدين لحقتني ماما حبيبة تجري قالتلي ارواحي للبيرو تاعي و انا نروح نجيبها من الافضل منفضحوش القصة وتولي سيرتك على كل لسان رحت للمكتب تاعها و انا غير ندور ونستني فيها غير وقتاش تجيبها و نبرد فيها قلبي الكلبة بنت الكلبة دمرولي حياتي هي و امها حتى لقيت الباب تفتحت هزيت راسي لقيتو سلطان دخل و قعد في الكرسي مهتمتيتش لوجودو انا الي يهني اية الي خسارة فيها اسم اية شوية و خلت ماما حبيبة و هي تقولها ادخلي اية مجرد ماسمعت اسمها تبسمت تاع الحقد و الغل الي زرعتو هي و امها في قلبي مع دخلت شافتني و زادت شافت مع سلطان باينة خافت انا رحت وراها وورا ماما حبيبة غلقت الباب بالمفتاح لحت في صدري قلتلنا واش كاين وعلاش جبتوني هنا قلتلها ههههههههههه انا الي نقولك واش كاين نحيت العبايىة تاعي و خماري وماما حبيبة تقولي بالشوية متنسايش روحك راكي بالحمل قلتلها كامل نساو بالي انا بالحمل و تظربت و تهنت و عشت اسوء ايامي وولدي مصرالو والو واقيلا مكتبلو ربي يعيش وحكمها من شعرها وولليت نسحل فيها في الارض و انت نعيط و نقولها وعلاش يا بنت رحمة واش درتلكم انا انت و امك وعلاش ماشي امكم طيشتكم و انا لميتكم في داري هدا هو جزائي انتم صح من النوع الي تعضو اليد الي تمدتلكم بصح اليوم تخلصي الاوةل و الاخير وليت طحت عليها قعدت على كرشها وليت فيها بالكفوف و نجبد فيها من الشعر و نخبطلها في راسها في الارض وجها ولا كامل دمومات حاولت ماما حبيبة تجبدني حكمها سلطان قلها خليها وانا بقيت نضرب فيها حسيت شعرها كامل طار في يدي وهي تعيط و تقولي اطلقيني حتى لقيت سلطان هزني من فوقها وولا محضني و حاملي يديها و انا نقولو اطلقني نقتلها وهو حكمني و يقولي خلاص راح تقتليها وانا نفرفط ول هاوني نحس في رجليا مولاوش يقيسو في الارض قالي متوسخيش يديك فيها قلتلو اطلقني انت تاني كيفها قالي حقك علبالي حقك بصح خلاص خليها حتى لقيت ماما حبيبة ترش فيا بالماء با تكالميني وليت بسيف نتنفس وهديت شوية طلقني هو و قعدتني ماما حبيبة و تقولي خلاص ارتاحي ماشي مليح ليك ولا للبيبي الي في كرشك دورت لماما حبيبة قلتلها هده متخليهاش هنا رجعولها لامها ول طيشوها في الطريق قالتلي ايه ان شاء الله المهم انت متعبيش روحك وقفت لبست الخمار تاعي و عبايتي و شربت الماء هزيت الساك تاعي خرجت من الميتم و بقيت واقفة برا نحوس علة طاكسي يديني لدارنا حتى لقيت سلطان وريا ركب في السيرة تاعو و كانه يستنى فيا نركب محبيتش اصلا نشوف معاه وو لا يكلاكسوني عليا درت روحي منسمعش فيه حتى جاتني ماما حبيبة قالتلي هيا نروحو يابنتي قلتلها منروحش معاكم رايحة لدار بابا كيما قلتلك هداك النهار مستحيل نرجع................................... يتبع