نوارة العميد سلطان

الحلقة20

الحلقة20

نوارة العميد سلطان
نوار دخلت قالي سلطان اسمحيلنا تعبناك حطي السنيوة تم و اقعدي قلتلو لاتعب لاوالو و انا مهبطة راسي و بسيف نخرج في الكلمات قالتلي ماما حبيبة اقعدي معانا شوية قلتلها لالا نروح رشا راهي تنسنى فيا و خرجت نجري رحت لبيتي ووليت نبكي و وورشا تخلعتى تهزلي في راسي و تقولي واش بيك اهدري هزيت راسي و نهدر بالغصة قلتلها و الله ماعلابالي وعلاش نبكي و الله قالتلي احكيلي واش بيك مكانش الي يبكي بلا سبة حكيتلها واش شفت حضنتني وولات تمسح في دموعي و تقولي حبيبتي متبكيش هده هي الغيرة على الانسان الي تحبيه و الله حقك خاطر انت تاني مرتو و مزالك عروسة اصبري والله يجي نهار الي يندم عليك ويولي يتمنى منك غير نظرة وعلابالي انت درك متمنيا يعاملك كيما يعاملها قلتلها و انا نشحق مستحيل نغير عليه من ماما حبيبة بصح معلاباليش واش صرالي حطيت راسي في حجرها و هي تمسحلي على راسي حتى رقدت ممبعد ولات تنوض فيا تقولي نوضي راسك ثقيل حتى رقدت و نملت رجلي فتحت عينيا و تبسمت معاها قلتلها وعلاش شحال رقدت قالتلي قريب ساعة و انت راقدة حتى ماما حبيبة جات و قالتلي راح ترجعني للميتم قلتلها كون زدتي قعدتي قالتلي مرة اخرى ان شاء الله ودرك نوضي عجبتك القعدة هههههههههههههه نضت من بلاصتي جبدتلها قش من عندي بدلت خاطر حوايجها مزالو مبلولين لبست و هبطنا بقيتها على خير و داتها ماما حبيبة و سلطان
حبيبة وصلنا للميتم هبطت انا و رشا و قلت لسلطان استناني ندخلها و نجي هزلي راسو و قالي ايه وصلتها للباب انا جيت موليا حكمتني رشا من يدي و قالتلي ماما حبيبة ممكن نحكي معاك قلتلها حبيبتي اهدري قالتلي ماما معلاباليش كيفاش راح نهدرلك بصح انت علابالك انا نعرف نوار مليح بحكم العشرة الي بيناتنا و لقيت في عينيها حزن وماشي زعفة و فايتة لالا الحزن الي في قلبها كبير هي صح مهدرتش بصح انا نعرفها مليح مليح وعلابالي بلي انت ممقصراش معاها بصح تعرفيها هي تحرمت من كل حاجة مليحة في حياتها و تعذبت و الي فات عليها ماشي قليل وهي قلبت بالزواج بسلطان على جالك خاطر تحبك والا هي الف واحد يتمناهابصح واش كسبت من الزواج هدا غير راجل يشوف فيها كيما بنتو و يعاملها كيما الاولاد الصغار انا كي سمعت كلام رشا موس و دخل في قلبي ووليت غير نهز في راسي و رشا تهدر و كملت تقولي ماما اسمحيلي كي هدرت الهدرات هدو بصح انا من حبي ليك و لنوار الي نحسها اخت ماشي صديقة و حالتها قهرتني نورمالمون راهي عروسة وراهي تعيش في احلا ايامها بصح هي شافت منو غير نظرت الشفقة هي صح صغيرة بصح المراة واش تحتاج من راجلها غير الاهتمام و الحب و العطف و الهدرة الحلوة اسمحيلي ماما انا مرانيش نلوم فيك و لا نعتب عليك بصح نوار اختي قلتلها علابالي حبيبتي رشا وذا انت تشوفي نوار اختك انا نشوفها بنتي وانا راني نحاول قدر المستطاع نقرب سلطان ليها المشكلة في سلطان ظهرتلو صغيرة و يحسبها طفلة ماشي مراة وانا راح نثبتلو العكس و انت ريحي بالك و انا راح نتصرف و ان شاء الله مبقاش و تسمعي بيها هانية و فرحانة قالتلي شكرا ماما و تصبحي بخير قلتلها و انت من اهل الخير ردي بالك على روحك بستها من خدها و دخلت ووصيت عليهم العساس و خرجت
نوار راحت ماما و سلطان و رشا قبل ماتروح ماما قالتلي نوصلو رشا و عندنا قضية و نرجعو قعدت مع الحاجة ام سلطان حتى لقينا سناء بنت اختها و وزوج نسا خاوتها و امها دخلو عليها زعمة جابتهم يباركولي و داروبيا وبداو يلوحو في سمعمهم عليا وكل كلمة يقولولي انت طفيلة صغيرة و متفهميش طلعولي لاطونسيون و انا غير ساكتة ممبعد قالت سناء للخالتها ام سلطان وفي هدرتها تتمايع و تكسل الحروف خالتيييي وهي تشوف معايا بنص عين كنتك متعرفش الاصولب ملي دخلنااااا و هي كاس ماء محطتوش ولا حاسبة روحها ضيفة كييفها كيفنا مالقري انا جامي حسبت روحي ضيف دايما حاسبة روحي مولات الدار و تضحك و تتمايع قالتلها ام سلطان حقك عليا يا حبيبتي بصح نوار صغيرة و مزال متعرفش نضت من بلاصتي و قلت لام سلطان اسميحلي درك نجيب انا رايحة و نسمع فيها تهدر بالصوت باه تسمعني قالت لخالتها ايييههده حالت الي يجيب طفيلة و يتزوج بيها درك هده يعلموها و لا يربيوها ولا واش يعملولها و ياربي ادا ادااااا تعلمت ااااااااااااه درت و رجعت ليها قلتلها اسمحيلي خالتي باه نبينها بلي هي كبيرة و انا صغيرة انا نعرف الاصول مليح مليح ومنحتاج حتى واحد يربيني خاطر انا رباتني ماما حبيبة ومقصرتش معايا رباتني احسن تربية قالتلي هههههههههه حبيبة ودورت وجها و كانها تستهزء وكملت قفالت تفتخر بتربية حبيبة ههه وحبيبة شكون رباها حتى نطقت ليها الحاجة ام سلطان و قالتها سناء نوار مربية و احسن تربية ودارت ليا قالتلي حبيبتي متديريش على سناء ماشي قصدها مشيت للكوزينة و محبيتش نعلق على الامر هدا درتلهم سنيوة تاع تاي و كيك و فاكهة و قرعة جي وكسرات ورحت ديتهالهم حطيتها قدامهم و خليتهم وجيت طالعة لبيتي سمعت سناء ولات تقول هاهي التربية الي كانت تهدر عليها جينا نباركولها حطت السنيوة و خلاتنا وحدنا و راحت قالتلها انم سلطان وعلاش انا خالتك قاعدة معاكم ممليتيش عينكم وهي قلت مزالت صغيرة و تتعلم قالت لخالتها ااااف من الصباح و انتم تقولو صغيرة صغيرة صغرة و كي قلنا احنا صغيرة معجبكمش الحال و الصغيرة هده ملقيتوش لمن تزوجوها غير للسلطان زينت الرجال معلاباليش ياخالتي كيفاش قنعتك حبيبة و قبلتي تزوجيلو البزة هده هي تهدر و لقينا ماما حبيبة و سلطان دخلو وهازين بزاف الساشيات في يديهم وليت شفت الحاجة تقول لسناء بالشوية اسكتي خاطر كان صوتها يلعلع وانا كي شفتهم هاودت هبطت سلمت عليهم ماما وهوما سلمو عليها من تحت خشومهم سلطان لاح السلام عليهم وليت نتبع في سناء بعينيا و هي غير تشوف مع سلطان كطي شافتو لاح غير السلام و قفت و لاحت روحها عليه تاع حابة تسلم عليه وانا النار في قلبي زادت شعلت لقيتها ماشي سلام نورمال باستو على خدو هو تخطف من العفسة تاعها باه عمل روحو عادي نطق معايا و قالي نوار ارواحي دخلي الساشيات هدو معايا للكوزينة حطينا كلشي في الكوزينة و رحت انا و هو و قعدت معاهم هو قعد حدا امو و انا قعدت حدا ماما حبيبة و معانا حنين الي محبتش تقعد معاهم حتى شافت ماما حبيبة جات نطقت خالتو و قالتلو سلطان ملقيتيش مراة خلاصو النساء حتى تزوجتي بوحدة صغيرة قد بنتك والي يشوفها يقول مستحيل اختبيار حبيبة يقولو هو الي رجع مراهق صغير و جاب وحدة صغيرة باه يلعب معاها هو عقد حواجبو و يشوف مع ماما حبيبة ووجهو ولا حمر وقال لخالتو والله ياخالتي هدرت الناس متوكل ماتعيش ومهما هدرو تقى مجرد هدرة متدخلي من ماتخرجلي من زادت نطقت ليها ماما حبية قالتلي و الله ياخالتي الي يسمع للناس عمرو لا يربح و لا يطل عليه الربح وانت كيفاش خليتي الناي يهدرو على ولد اختك و مرتو حسبتك تحبي سلطان ومتقبليش حاجة تتهدر عليه في غابو حسيت خالة سلطان راح تخرج روحها من هدرة مامات حبيبة الي حطتها عند حدها وكملت ماما حبيبة تهدر وادا على زواج سلطان بنوار انا خيرتها على يدي وديتلو الي تستاهلو واش خها نوار اخلاق و ادب و زين ربي يبارك تحسبيها باربي اه و ياسيدي تنجيبلو الي نعرفها و تربيت يدي خير ملي نجيبلو الي منعرفهاش و تكون كبيرة و ماشي شابة وخايف متجيبش الاولاد كي حالتي ههههههههههههههههه وضحكت ماما حبيبة
نوار عجبتني ماما حبيبة فنانة في فن الرد هههههههههههههه قهرتهم حسيت سناء راح تخرج روحها بصح ملقري كلام ماما حبيبة معاهم بصح سلطان مزال حسيتو زعفان ناض وجاء طالع طلعت وراها ماما حبيبة ووحد النص ساعة وجاء هابط ومبدل قشو قالتلو امو وين بيها يا ولدي قالها راني معروض مع صحابي وخرج وخلانا ............................................. يتبع