نوارة العميد سلطان

الحلقة 66

الحلقة 66

نوارة العميد سلطان
قال سلطان يعني انا كنت مسحور بصح كيفاش واش صار اهدولي راح نهبل قالت الحاجة لمنهد اول حاجة روح افتح الباب للكلبة هديك ولدها راح يموت بالبكاء وحدو في الشمبرا الاخرى و سلطان غير فاتح عينيه و مافاهم والو واش راهو صاير و راح مهند فتح عليها دخلها للبيت الي فيها بنها و غلق عليها بالمفتاح ورجع للسيد هبطو معاه و خلصو في تعبو وزيادة والحاجة قعدت عند راس سلطان وكل دقيقة تحبط راسها عندو و تبوسو و تبكي و هو تاني يبوس فيها و قالها غير الخير يايما احكولي واش كاين حسستوني كي الميت الي مات و رجع لدنيا هز راسو لبماما حبيبة و قالها حبيبة بجاه ربي احكيلي واش كاين ماما حبيبة دارت لعندي و نحاتلي رقية من يدي و داتهالو هز حاجبو وعلى وجهو الف استفسار و حيرة قالتلو هاهي بنتك قالها بنتي ....... بصح نوار ممما ..... و شاف معايا ومع كرشي قالتلو انت كنتي مسحور من عام و نص و شوية ومعلابالكش بروحك ورقية راح يولي عمرها 8 اشهر و انت تزوجتي سناء و عندك معاها طفل صغير عدو اقبل من شهر ملي زاد و اكثر من هدا انت طلقتي نوار وعدبتيها عذاب قريش للمسلمين و اديتيها اذي بير واحنا معاها منهد حنين و انا و حتى امك و كان تتضرب بنتك و هي صغيرة و ضربتيها قري ماتت بين يديك معانا كي تولي دافع على نوار وعليا ومهند كسرتيلو خشمو ودار عملية باه عدل خشمو و انا كسرتلي مرة رجلي و يدي و راسي تفتح ورحت للسبيطار خيطتو هدا كامل كوم و الي شافتو نوار كوم اخر الله لاتربحها سناء مخصصتلها سحر علابيها وريتيلها النجوم في عز القايلة مررتيلها عيشتها و مخليتي حتى حتى نهار مضربتيهاش فيه و معدبتيها غير ربي سبحانو كتبلها تعيش واي واحد يحب ينحيهالك من بين يديك يتضرب معاها بلا رحمة حسيتو هو مصدوم وممصدقش الي راهو يسمع فيه قالها ههههههههههههه علاباي تتمسخري حبيبة تنهدت ماما حبيبة و قالتلو ياري و الله ياريت الي هدرتو كان تمسخيرة ولا صار الي صار ولا يتنفس بقوة و تبدل وجهو و عقد حواجبو ووجهو ول احمر كي الدم و ضاغط على سنانو تحسيهم راح يتكسرو على قد ماضغط عليهم ناض من السرير و هو يعيط كيفاش صار هكا وكيفاش انا نتزوج هديك الكلبة و انا راقد على ودنيا كي اهل الكهف نفطن مع روحي نلقا عندي طفلة وطفل و مطلق مرتي وضارب يما و معذب ناس داري كيفاش و الله ماادر نستوعب الشي الي تحكيو فيه
قالتلو الحاجة هدي روحك يا ولدي و شهد و استغفر و كلشي يتحل و نت مكنتيش في وعيك و حسبي الله و نعمة الوكيل علة اختك و على سناء قالها راح نهبل يا يم علابالكم واش هو شعوري والي صاير بيا وانا عامل الشي الي تحكيو فيه وينهم وينهم بنات الكلاب قالتلو ياولدي حلفتك بربي و نبي هدي روحك شوية واي حاجة حايبها نعملوهالك والي تعملو فيهم حلال و من حقك بصح بالشوية على روحك وخايفة عليك تطلعلك لاطنسيون دار لماما حبيبة و قالها قوليلي ويني سناااااء ولات ماما حبيبة خايفة قالها وينهي اهدري حبيبة قالتلو في بيتي غالقين عليه خرج يجري من البيت وانا وراه فتح الباب بالمفتاح كانت سناء رايحة جاية في البيت و هي تعصر في يديها وولدها يبكي و حطاتو في الارض و مع حل سلطان الباب هي حبست في بلاصتها ووجها مبقاش فيه الدم من الخوف و سلطان ول وجهو يصب غضب ويرعش وحاكم قبضات يديه قالتلو سناء و هي تمتمت و الله راهم يكدبو عليك و الله ماااااادرت والو تهدر و ترجع للوراء وهو واقف في بلاصتو و حاط عينيه في عينيها جاء يمد الخطوة للامام ولت هي هاربة و من الخلعة تعكلت في ولدها و طحت عليه بالتقل تاعها كامل ولين احنا نعيطو بالصوت من هول المنظر وماما حبيبة جرات ليها دزتها و هزت الطفل الي مزاد خرج حتى صوت ولا نفس سناء فتحت عينيها من الخلعة وهي ترعش وتعيط ابنييييييييي ابنيييييييييشافناه و الدم خارج من فمو و خشمو المنظر ميتوصفش من قوة الي يخوف و يقهر تع تشوف طفل صغير ميت وبالطريقة هده تخلي قلبك ميتحملش حت تشوف معاه ولات الحاجة تخبط في وجها وتبكي بالصوت جرا ليه سلطان حاول يشوفو ادا يتنفس ولا لال بصح مفيه لا نبض لانفس لانها طاحت عليه بكل اثقل تاعها دار لسناء و حكمها من شعرها و هو يعيط قتلتي ولدي قتلتي ولدي واش ندير فيك نستشفى فيك و لا نحزن على ولدي ولا نخرج فيك الشي الي درتو في يما و ل في نوار و بنتي الي ضربتها و هي في قماطتها ولا ضرب لخويا الوحيد هدا كامل و هو يعيط و يضرب فيها بلا عقل ودمومات من راسها و خشمها و فمها قالها بنتي الي تمنيتها من الدنيا تحرمت منها 8 اشهر انا نتزوج بيك انت انت الي كي كنتي تجي للدار منتحلش نشوفك انت كون نتي جارتي نبدل الدار و نهرب منك كنت نخليك هنا غير على وجه يما يهدر و يضرب بسيف نحاهالو مهند من بين يديها هو وماما حبيبة وهو يعيط و يقولهم اطلقوني عليها خليني نبعتها ورا بنها خلي نريح قلبي و الدنيا منها ومهند يقلو متوسخش يديك وتدخل للحبس بسبتها و تخسر كلشي بسبتها و دزو بكل قوتو قالو خلي نعيط لماليها يجو يدو خماجهم عليا وولا يدور في البيت و هو كي المهبول وممصدقش الي صار يحاول يستوعب وممبعد حبس و قال ومها ويني قالو مهند راهي في دراها قالو درك تروح تجيبها و بسيف عليها ولا نجيبها انا قالو مهند ريح روحك انا نجيبها وراح مهند وشوية و احنا هكا حتى لقينا اهل سناء جاو خوها و باباها و امها هبطهالهم سلطان يسحل فيها من شعرها كي شافوها بالشكل هداك ولاو يعيطو جرا باباها و خوها للسلطان و هو لقاها سبة ولا طلقها هي و جرا ليهم وولاو يضرب في خوها قتلو بالضرب ورجع لباباها الي كي شاف ولدو طايح في الارض دزو سلطان من صدرو قالو اقعد في بلاصتك متخلينيش نمد يدي عليك ارحم شيبتك وباباها ولا عيط على سلطان يقولو كيفاش تضرب مرتك و ام و لدك قالو سلطان هز ولدك و بنتك وطير من هنا قبل مانقتلهم
قالو تزعط ماليك يا كلب متحشمش انا عمك و هده خالتك وباينة نساك الاخرين عملولك سحور و قلبوك على سناء وخلاوك تقتلها و تقتل ولدك تفوووووو على الرجال تاع اخر الزمن الي كيفك قالو سلطان رووح منهنا و دي خماجك معاك قالنا جيبولها خمار تاع الصلاة عطاتو الحاجة واحد لبسهولها وجر ها من دراعها قدام باباه و هوما يجريو وراه طيشها عند الباب و خرجهم ورجع لخوها يكركر فيه و دزو عندها قالهم ردو بالكم تزيدو تعتبو بابي و اله الي يوقف هنا نفرغ في راسو المشطة تاع الكابوس و دخل و غلق الباب ................................. يتبع