نوارة العميد سلطان

الحلقة 60

الحلقة 60

نوارة العميد سلطان
نوار وانا مزالني مشوكيا في واش يصير حسيت روحي تبكمت حتى لقيتو حكم سناء من يدها و قالها حبيبتي هيا اطلعي الفوق وشوفي البيت الي تعجبك نفرغوهالك قالو مهند بصح الفوق كاين غير زوج بيت تاع حبيبو و تاع نوار و غرفت المخزن وين راح تقعدها قالو سلطان نقعدها بالبلاصة الي تعجبها و تحس روحا مرتاحة فيها حتى ولوكان تعجببها البيت تاعك لازم نخرجك منها و نسكنها فيها قالو بهند باسف ياريت تختار بيتي على الاقل انا راجل و نقدر نسكن مع الحاجة بصح نوار و حبيبة يحتاجو بيتهم تجاهل مهند وماما حبيبة غير تبكي و تندب وتقول و الله عملتها السحارة قلية الحيا الله لاتربحها الله لاتعطيها غير الله لايفرحك نهار في عمرك ياسناء ولات تهز فيا من كتافي وتقولي راكي مستوعبة واش صاير بعدتها من طريقي و انا ماشي في وعيي و لحقتو هو و هديك الحيوانة لقيتها واقفة في باب بيتي و تقولو سلتاني عجبتني البيت هده هنا انا مبقاش فيا عقل ووليت في حالة هستيريا جريت ليها وليت نجر فيها من خمارها وانا نقولها انت يا كلبة و الله اليوم نقتلك واش حاسبة روحك دخلتي دار و ديتي سلطان وراح نخليك تعيشي مرتاحة لالا ياعمري انساي كلمة الراحة هنا اخرجي من داري بكرامتك ولا راح نوريلك النجوم في عز الظهر ولات تعيط و انا نمرمد فيا في الارض غير كي حسيت روحي تهزيت من شعري وتخبطت في الارض ووهز رجلو راك يضربني بيه جرات ماما حبيبة وطيشت روحا عليا جات رجلو في ظهرها ولا يقولي يا حيوانة خلاك ربي و تمدي يدك وانا موجود و الله نحرق جدك و جد جدك يا كلبة هده تاج راسك وولا يعيط و يضرب في ماما حبيبة و فيا ولا كي المهبول ولا مهند يدز فيه و بسيف بعدو علينا ولاو يتعايطو هزيت راسي شفت مع سناء ولات تضحك وواقفة في باب بيتي ولات دخلت لبيتي وولات تجيب و تطيش في قشي عند الباب و تعفس فيهم برجليها وزادت جابت مكياجي و روايحي وتطيش فيهم عند الباب كسرتهم كامل وليت وقفت و جريت ليها معلاباليش منين جاتني القوة هده هي طويييلة بزاف عليا تقول علين غرينديزر فقزت عليها طيحتها في الارض ووليت نضرب فيها و حطيت صباعي في عينيها و نضغط عليه و هي تعيط نحيت يديا من عينيها هزيت كمشة من قشي ووليت نغم فيها بيهم و هي تتخبط تحتي وانا نقولها موتي موتي و ريحيني منك يا كلبة ياخامجةياسراقة الرجال يا سحارة موتيييييي دزتني لصقتني في الحيط جيت طاحية وحكمتني من شري و جرتني للكولوار الي بيت البيوت وهزت قرعة ريحة و حبت تضربني بيها وقفت في وجها ماما حبيبة وهي حاكمة في ظهرها من قوة الضربة تاع سلطان
و حكمتها من يدها وقالتلها شوفي يا سناء و الله و الله منخليك تتهناي يا خطافة الرجال و يجي نهار الي يفطن مع روحو واول وحدة يدور عليها هي انت وهاهو وجهي اما معيشتك معانا راح نرجعلك حياتك جحيم واله مانخليك تتهناي بيه ردت على ماما حبيبة و قالتها هههه انا كون منخرجكمش من الدار هده متسمينيش سناء وهاهو وجهي اشفاي عليها و نترت يدها من يد ماما و دزتها طاحت في الارض ماما حبيبة ولات تبكي ماما و حاكمة في ظهرها وتجري ليها سناء طيحتها وولات فوقها وحطت ركبتها فوق صدر سناء و عوجلتلها صباعها قالتلها اليد الي تتمد على حبيبة نكسرها يا حيوانة رخيسة عاودي جربي و راح تندمي حتى سمعنا العياط ولا اكثر بين مهند و سلطان نضنا نجريو و حنين طلقت سناء لقينا سلطان جابد سلاحو وراح يقتل مهند غيرر لطف ربي و جرينا ليه نحكمو فيه ووقفنا بيناتهم وسناء تاني ولا حاكمة سلطان من ظهرو و تجبد فيه و مهند يقولو توصلتي تقتل خوك على جاك هده الكلبة الرخسية الي متسزواش بصلة اقتلني اقتل خوك الوحيد اقتلني يا سلطان وسلطان يعيط و يقولو و الله مكان كلب من غيرك سناء تاج راسك و اليومنخليك تعوم في دمك يا كلب ولد الكلب بسيف هداتو سناء و جرتو معاها للبيت مهند طاح على ركايبو و يبكي كي الطفل الصغير ويمسح في دموعو حضنتو ماما حبيبة و باستو من راسو و قالتلة متبكيش حبيبي خوك و الله ماقصدو ومعلابالوش واش راهو يدير الراجل مسحور و عينيه مغمضين كيفاش هو عمرو ولا هز يدو عليك و حاسبك ولدو ماشي خوه ومهند يقولها حب يقتلني
قالتلو بصح انت تعرفو هل يا ترى الي شفتيه اليوم نفسو سلطان قالها لالا كون مرانيش نشوف في وجهو نقول مستحيل يكون هدا نفس الشخص في هداك النهار صارو بزاف حوايج و تكسرو بزاف قلوب و تحطمت خواطر هبطت و انا دمعتي تجري ومقدرتش نستوعب و الحسرة و القهر الي في قلبي نار ثلوج و مء الدنيا كاملة ميطفيوهاش مقدرتش نتهنا في حياتي وكل مرة تخرجلي حاجة تفسدلي حياتي ماما حبيبة فوتت النهار كاملتبكي و تندب حتى حنين غير تبكي و تحول تخفف على ماما حبيبة مهند راح لبيتو و علابالي فيه هو تاني يبكي هده اول مرة خوه يهز يدو عليه وياريت هز يدو برك حاول يقتلو و بدم بارد وعلاجال من على جال مراة متسواش و الحاجة عيطت للاختها و تلوم فيها قالتلها وعلاش ياختي حتى مسمعتواش وتزوجو بنتكم لولدي و احنا اخر من يعلم و كيفاش قبلتو تمدوهالو الراجل متزوج بزوج نساء واختها تقولها و الله يا اختي سلطان باس يدينا و قريب باس رجلينا
باه نمدوهالو لحتى ولا يذل في روحو واش حابتني نكسر بيه و سناء مخساراش فيه واذا حابين تعاتبو عاتبوه هو ماشي احنا احنا كنا حاسبين علابالكم بزواجو هو و سناء وولاو كل وحدة تعاتب في الثانية ام سلطان تصدمت من كلام اختها صح صح تبدل ماشي 180 درجة تبدل 1000 درجة تاكدنا بلي بيه سحور وهدا الشي واضح وضوح الشمس النهار هداك متعشيناش كل واحد فينا حاكم بلاصة و البكاء و الحزن مخيم على الدار و انا جيت طالعة قلبي معطانيش نخلي راجلي و نور عيني بابا و خويا و حبيبي و ابو بنتي مع اللفعة هديك حاسة نارررررر في قلبي .......................... يتبع