نوارة العميد سلطان

الحلقة 2

لحلقة الثانية
نوارة العميد سلطان
نوار وصلنا للميتم دخلنا استقبلتنا المديرة وانا غير نبكي معلاباليش واش صاير يعني للدرجة هده بابا راح يطيشني كاش واحد يطيب بنتو قالتلو المديرة بعد مقرات الاوراق تاعي شافت معايا و مع بابا قلتلو بصح انت بنتك ماشي يتيمة راك حي شفت معاه تصور واش قالها هنا و من اللحة هده عرفت روحي انو نهار ماتت ماما وليت صح يتيمة معناها انا من اول لحضة في عمري يتيمة قاليها يا تحكموها عندكم يا نطيشها في الشارع و طيش كوارطي في وجها و خرج و خلاني في هداك الميتم و كانت هده اخر مرة نشوف بابا هو رايح و انا نجري وراه و نعيط بابا متخلينيش اديني معاك يا بابا و الله والله مانعاود رغم مدرت والو وهو حتى الدورة مدارش و شاف معايا ركب في سيارتو وراح بقات المديرة الي اسمها حبيبة تدعي فيه و توكل في ربي عليه و تقول الناس محتاجة صغير يونسها و الناس الاخرين يطيشو في ولادهم في الشارع حسبي الله و نعمة الوكيل وين تروح من وجه ربي دموع اليتيمة هده راح يحرقوك غدوة قدام ربي جات ليا تحن فيا و تبكي حبيبة الي ممبعد و ليت نعيطلها ماما حبيبة بقات تسكت فيا ماما حبيبة الي ربي سبحتانو عوضني بيها
نعرفكم بيها اسمها حبيبة عمرها30 سنة شابة في مقتبل العمر حنينة بزااااااااف و ناس ملاح تعاملني و تعامل البنات تم تاع الميتم وكامل الي يخدمو تم بكل طيبة و حنان ممبعد عرفت بلي هي ماشي فقط مديرة الميتم هي صاحبة الميتم و تصرف عليننا كامل هي دولة عاطيتها نسبة لعانة لك الباقي كلشي من عندها الميتم فيه معلمات و حراس و اكيد اليتامى كامل بنات من مختلف الاعمار حسيت عندي عايلة اخرى في حياتي ناس حنان رزقني ربي بيهم و خاصة ماما حبيبة الي هي حبيبة الكل و انا تعاملني احسن منهم كامل عطفها و حنانها عليا منقطع النظير بلاك ربي كون عيشلي ماما مراحش تحبني قد ماما حبيبة بقيت في الميتم هداك حتى رجع عندي 16 سنة و عمر ماما حبيبة وعمر 38 سنة كنت نحبها نموت عليها نحترمها متعلقة بيها بزااااف وهنا تبدا قصتي
كنا في الميتم كيما الخواتات و انا كانت اقرب صديقة ليا هي ماما حبيبة و ثاني طفلة يتيمة اسمها رشا نحسها تفهمني و انا تاني نفهمها كانت عندها بورتابل و قبل فترة تعرفت بوحد الطفل و تضل تحكي معاه و المشكلة ولا ينسيستي باه تخرج من الميتم و تتلاقاته يقولها ابعتلي الصور تاعك انا هنا حبيت دتدخل قلتلها رشا حبيبتي انا خايفة عليك متامنيش اي واحد يقولك يحبك او معناها يحبك انا صح واحد ماعلمني بصح الغلط من الصح بصح التصرف تاعها غالط الف بالمية قالتلي يا نونو علابالي غالط بصح خليني نعيش الاحساس تاع الحب و المشاعر علابالي غالط بصح احنا نغلطو باه نتعلمو من اغلاطنا قلتلها اااف كلامك مدخلش راسي الهم انت كيما اختي ومدابيا متتخدعيش هنا حتى لقيت ماما حبيبة تعيط عليا نوار نوار ارواحي حبيبتي رحت عندها دخلتني للبيرو تاعها و قعدتني حداها و قالتلي شوفي حبيبتي احنا كامل في الدنيا هده ضياف و نهايتنا كامل نموتو قلتلها ماما وعلاش تهدريلي في الهدرة هده واش المناسبة قالتلي حبيبتي باباك ربي دا امانتو ان لله و ان االيه راجعون
قلتلها و انا نندب في وجهي معاناها راح الي كنت طامعة فيه يجي نهار الي ربي يهديه و يرجعني وسط ناسي و اهلي راح الي قلت يجي نهار و يحن عليا راح جبدتني ليها ماما حبيبة و تقولي خلاص يابنتي ادعيلو بالرحمة و هم السابقون و نحن اللحقون وانا نبكي و هي تمسحلي في جدموعي و تبكي معايا وليت نقولها انا راني مسامحتو نتمنى ربي يغفرلو قالتلي ولا تقنطو من رحمة الله يجي نهار الي يعوضك ربي قلتلها انت االعوض تاعي يا ماما قالتلي لالا انت هي العوض الي جابهولي ربي ومعاك يا نوار الي عرفت الامومة روحي درك ارتاحي و وصلي لباباك زوج ركعات و اطلبيلو الرحمة و المغفرة و غدوة ان شء الله نديك للجنازة تاعو خرجت من عندها رحت لبيتي مباشرة حطيت راسي رقدت من التعب و القهر على بابا الي عشت يتيمة و هو حي
حبيبة الو سلطان حبيبي وينك
سلطان راني عند الباب تاع الميتم نستنى فيك اخرجي
حبيبة نلبس الفيستا تاعي و نجي
سلطان حبيبة متنسايش ليزتاناليز تاعك جيبيهم معاك قلتلو وعلاش قالي نسيتي الموعد تاع الطبيبة تاعك قتلو درك نجي و نهدرو
حبيبة كوبيت عليه و لبست و خرجت لعندو ركبت قلتلو سلطان خلاص حبيبي انا عييت اقطع الامل مني انا خلاص قطعت الامل و بقيت نساير فيك درك دالتك تسايرني و تتزوج المرا الي تقدر تجيبلك اولاد تلقاهم في كبرك بقالك عام و تولي عندك اربعين سنة الي قددك و قدي راهم يتزوجو في ولادهم
سلطان بالزعاف و العياط حبيبة قلتلك الموضوع هدا متزيديش تجبديه قدامي كرهت حياتي من الهدرة تاع اتزوج اتزوج اتزوج منتزوجش ابردي درك وحتى الططبيب متحبيش تروحي براحتك و انا منحتاج لا ولاد لا سند لا والو كلشي برد من قلبي
حبيبة زعف و بدا يعيط عليا و يخبط في الفولون وخبط التليفون وبدا يسوق و انا علابالي فيه محايبش يتزوج باه ميجرحنيش وميحسسنيش بلي راني عاقر كيفاش هو يخمم عليا و حايب يفرط في حقو في الابوة وانا تاني من حبي ليه محاباش نكون انانية و نحرمو هدا الاحساس وصلنا للدار وصلني و راح طلعت لبيتي هزيت تليفوني و عيطت لصاحبو محمد الي يحبو خير من خوه قلتلو حاول تقنعو و وعلابالي فيه يعزك ويسمعلك تقول عليك ساحرلو هههههه ولا يضحك و قالي ميعييتيش يا حبيبة اختي و الله هدرلي و شكالي منك خايف تزوجيه و تندمي .................................. يتبع