نوارة العميد سلطان

لحلقة 44

لحلقة 44

نوارة العميد سلطان
نوار فاتو الايام و رجع عندي شهر و نص حمل ووليت اغلب الاوقات تعبانة و فشلانة حتى نفسيتي صفر نهار كامل و انا راقدة في فراشي حتى سمنت شوية الي يشوفني يقولي وليتي تهبلي و سلطان محتار كل يوم يقولي واش سخفتي يضل مقابلني وخايف عليا وهو تحسنت حالتو شوية بصح مزالو الضمادات في كرشو وة صدرو بصح رجع لخدمتو ماما حبيبة تاني حاطتني فوق كفوف الراحة كل ماترجع من الخدمة تجبلي حلويات و سقايط علابالها نحبهم وخدمة الدار محرمينها عليا وحنين ومهند كرهوني ونظرات مهند قتلوني ياريت ذبحني ولا يوف معايا هكا حاولت نهدر معاهم لكن محبوش خلاص يعطوني فرصة بصح عندهم الحق الي سمعوه ماشي ساهل و صعيبة عليهم يامنوني و في نهار من نهارات كانو خواتات سلطان تم و معاهم اكيد سناء تاع الهم جاتني ماما حبيبة قالتلي متحبسيش روحك اهبطي عندهم و اعدلي روحك تدوشت و لبست و ستيكيت شعري و هبطت باه نتغدا معاهم لحت عليهم السلام و قعدت قالتلي منى سمنت ماشي كيما جبناك نهار الاول تجاهلتها مزاجي ميسمليش نتناقش معاها تلفت للماما حبيبة وقلتلها واش راح تغدينا قالتلي طيبتلك غير الحوايج الي تحبيهم قلتلها ااامم اصلا راني جيعانة قالتلي ابري يكمل سلطان صلاتو و يجي يتغدا معانا حتى لقينا مهند دخل علينا فرحان و قال متباركوليش راني لقيت خدمة و ترسمت فيها ناضت ماما حبيبة تزغرت و هي تقولو الف الف مبوك حبيبي هنودي تستاهل كل خير و باركولو خواتاتو و حنين طايرة بالفرحة باركتلو هز راسو و مردش عليا جاء سلطان قال سمعت الزغاريت واش كاين قالتلو ماما حبيبة انا الي كنت نزغررت فرححانة بمهند لقا خدمة قالو سلطان الف الف مبروك حبيبي ووين لقيتي خدمة قالو وليت معلم في مدرسة الاولاد ............. قاالو على خير ان شاء الله هيا حطولنا نتغداو رحت انا نعاون ماما و حنين في الكوزينة و جات سناء توري في روحاقدام سلطان تهز في الصحونةو تحط فيهم في الطابلة قعدنا نتغداو و هوما يضحكو و يحكيو غير انا الي مهدرت والو حاسة راسي راح يطرطق حتى نطق مهند قالهم بما انو لقيت خدمة حاب نتزوج و ناسس عايلة انا تلقائيا تبسمت و شفت مع حنين وجها ولا حمر طماطمة و هبطتت راسها قالتلو امو على خير ان شاء الله قالو سلطان انت خير و انا نخطبلك الي تقول عليها منعرف شكون سعيدة الحظ قالو مهند علابالي ياخويا توقف معايا بصح العروسة تعرفوها مليح خير من الغريبة الي معلابالكش فيها اصلا من فصلها و قادر تغدر بيك و قادر تعجبك و تظهر متسواش و شاف معايا و قفتلي الهدرة تاعو في قبلي حسيت روحي راح نتخنق وانا في قلبي نقول و الله راني بريئة من التهمة والله نتمنالكم الخير انت و حنين وربي وحدو الي عالم قالو سلطان على راحتك اهم شي الاخلاق و الطفلة تكون مناسبة قالو مهند و الله طفلة هايلة و تناسبني انا حابكم تخطبولي حنين من حبيبة سلطان هز حاجبو و تبسم وكامل ولاو مصدزمين كيفاش راح يخطب حنين و ماما حبيبة ماتت بالفرحة و كانها كانت تستنى و تتمني تكون حنين لمهند قالو سلطان هدا واش كنت نتمنى و جات في الصواب صح صح تمنيتهالك و شاف مع حنين ناضت تجري و راحت للكوزينة وانا حالة فمي و نتبسم شافني سلطان و ناض يضحك عليا و ماما قالت على بركة الله و خير البر عاجله قال سلطان لماما حبيبة راني اليوم جيتك بالحسب و النسب نخطبو حنين اختك لخويا مهند و انتم نسبكم يشرفنا و يتوزنش بالدهب ضحكت ماما حبيبة و قالتلو لينا الشرف يا عميد سلطان و نترفو بالاستاد مهند و اكيد اختي حنين مراح تلقا احسن منو بصح لازم نسقسيها و رايها هو الاهم و القرار الاخير في يدها قالها سلطان و هو يضحك رجعولنا الهدرة في اقرب وقت العريس مزروب
قالتلهم منى اكيد متلقاش كيفو زين ومال و جمال و قاري و زيد لقا خدمة في الاختصاص تاعو و بدارو و سيارتو و تنطق ليها ماما حبيبة قالتلها و اختي واش خصها حبيبتي عجوزها تشوفي فيا راهي لالات البنات و تهبل تهبل ربي يحميها من العين قالت ملاك هيا نقراو الفاتحة تاعهم على نية التوفيق قرينا الفاتحة و انا فرحانة لفرحتهم وقفت جيت نهز المايدة قالتلي سناء اقعدي حبيبتي انت بالحمل و تعبانة انا نهز هزت المايدة و ماما حبيبة شافت معايا عوجتلها شاربي و قلتلها الله اعلكم هزت الطابلة غسلت الماعن و طيبتلنا لاتاي و جابتهم في كيسان كل وتاحد بلون و اصلا الكاس تاع سلطان ميشبه لحتى كاس من الاخرين هو جاء يحطو في فمو عيطت عليه ماما حبيبة قالتلو حبس متشربش الكاس موسخ احنا منستعملوش الكاليتي هدا قالتلها سناء و الله غسلتو و شللتو مليح قالتلها ماما ماشي قصدي وسخ وسخ احنا عندنا مدة منستعملوهمش و تخاف يكون فات عليه كاش زرمومية و لا فار لازم ميتغسلوش عادي لازم نعقموهم بالماء سخون قالت مها و الله هدرتك كدب في كدب عمري ولا شفت رزمزمية ولا فار في دارنا هدا كامل محبيتيش سلطان يشرب لاتاي من يد سناء و الغيرة تقتل فيك هده راهي بنت خالتو يا حبيبة قالتلها ماما واش من غيرة حبيبتي سناء راهي هنا بحكم اختو و تفكيرك غالط هزت ماما حبيبة كاسها و عطاتو لسلطان و قالتلو هاك اشرب حتى تتاكد مها بلي انا هدرت على الكاس هدا مراناش نستعملوهم من مدة طويلة و لازم يتعقمو قالهم سلطان اسكتو عليا حتى لاتاي برد روحي يا حبية سخنيه و صبيلي كاس جديد راحت للكوزينة و انا لحقتها قلتلها وعلاش درتي هكا قالتلي شوفي الكيسان كامل عادي متشابهين غير تاع سلطان ميشبهش و انا سناء منامنهاش تاع سحور و ترافيك املا نصيحة عمرك ولا تخليها توكلو و لا تشربو و هوت الكاس طيشتو هو ولاتاي تاعو و حطت لاتاي يسخن و الله حتى خوفتني ماما حبيبة و زادت قالتلي نوار ردي بالك من منى ومها و ميار و خاصة سناء هدو كيما هدرتلك اول مرة خافي و زيدي منهم صبت لتاي وداتو لسلطان لقيناهم يحكيو في موضوع خطبة حنين و مهند انا قلتلهم اسمحولي نطلع للبيتي نرتاح انا جيت راح نطله حتى نسمع منار تقولهم رايحة ترقد جايباها غير رقاد منشوفوهاش خلاص دار ليها سلطان قالها خليها براحتها بالحمل و تعبانة و ادا انت محتاجة حاجة قولي لحبيبة ولا حنين و لا انت مراكيش غريبة الدار دارك نطفت امها منى عملت روحا تتمسخر و قالتلها بياريت توريلنا نوار الطالب الي خدمت عندو السحور ههههههههههتخنزر فيها سلطان و قالها منين تعرف نوار الطلبة و السحور تحسبيها تضل برا نوار مزالت صغيرة و تخرج من الدار تتودر ة التمسخير و الخبث و الدخلات و الخرجات تاع النساوين مزال متعرفهمش و مستحيل نخليها تعرفهم وناض قالهم انا تاني رايح نرقد كي شفتو طالع زربت دخلت لبيتي خفت يلقاني نتصنت
انا دخلت و هو دخل وراا قالي حسبتك راقدة قتلو راح نرقد قرب ليا هزني و حطني فوق السرير و باسني من فمي و قالي كون تعرفي شحال متوحشك و انت نهار كامل هاربة مني دورت وجي منو و قلتلو ريحتك فايحة وقف و يشم في روحو قالتلي الصباح تدوشت قلتلو ريحة شعرك تعيف قالي ماشي هده الريحة الي تحبيها قلتلو كرهتها روح اتدوش و متحط والو لا ريحة في جسمك و لا في شعرك قالي امري لله و ناض قالي حضريلي قشي راح تدوش و جاي قالي ماعليش نتدوش وممبعد شوية نعاود و غمزلي قلتلو لالا عيانة حابة نرقد قالي و الله حرام عليط انا حايبك و متوحشتك اعطيني شوية من وقت الرقاد تاعك قلتلو عينة قالتلي حايب حقي انا اصلا من نهار تزوجنا المرات الي مسيتك فيهم يتحسبو راح تهبليني و انا محايبش نسيف عليك و للصبر حدود يا نوار و انا راجلك و من حقي وواجبك الحاجة هده طفي عليا الضو خليني نرقد طفيت الضو و قعدت نخربط في التليفون قالي ماشي راح ترقد ولا غير كي نقولك اعطيني حقي يطيح عليكك الرقاد حطيت التليفون و غطيت راسي ورقدت فاتو الايام و حددو خطبت مهند و حنين بعد اربعة ايام و كانت ماما حبيبة مشغولة مع حنين وليت نهار كامل وحدي وزادتني القلقة الي يهدر معايا نشعل فيه وليت غير نرقد و نقعد غير وحدي و سلطان قلقان مني بزاف مولاش يهدر معايا بصح متحملني وتوصلت ساعات نعيط عليه نحسو زعف و تقلق بصح يسكت و يستغفر ربي و يصلي عهلى النبي صل الله عليه و سلم حتى لوحد النهار كنت راقدة وحدي و سلطان راقد مع ماما حبيبة عيطتلي رشا و تبكي مقدرتش نفهم واش تقول قلتلها اهدر بالشوية وحبس البكا قالتلي هداك مرتضي عيطلي و قالي عندو الصور الي صورناهم في الحفل تاع عيد ميلادي بعتهملي و قالي راهم عندي كامل قلتلها اااااااااااااا منين جاوه الصور تاعنا يعني حتى الصور تاعي و قالي كون متجينيش راح ننشرهم في مواقع التواصل الاجتماعي يانوار اختي واش ندير راح يفضحنا وانا وليت كي المهبولة واش ندير واش الورطة هده الي طحت فيها ..................................... يتبع