نوارة العميد سلطان

الحلقة 9

سلطان كملت اللعبة هديك وهي من الخوف حتى و حبست الدورة بقات لاصقة فيا وليت نقولها صايي كملنا نحيتلها السبتة تاع الامان وقفتها قلتلي دخت يا عمو و الله مقدرت نوقف قلتلها ارواحي و انا حاكمها من كتافها قريب نهزها تالمون صغيرة و خفيفة قعدتها قلتلها دقيقة درك نجي رحت لكيوسك الي تم جبتلها قرعة ماء صغيرة و قرعة جي كي قربت نوصل ليها شفت واحد قاعد يشوف معاها وهي ولا علابالها كيفاش عرضي و الناس تشوف معاه رحت قعدت معاها و درت تخنزرت فيه و حضنتها قلتلها اشربي و ارتاحي باه نكملو التحويسة فرحت شربت الماء خمس دقايق و قالتلي هيا نكملو بقينا ندورو وهي اللعبة الي نقولها عليها تلعبها و تقفز ههه مزالت صح صغيرة لعبت كل الالعاب بصح الي لاحضتو كل مانفوتو قدام الالعاب تبقا تشوف معاهم و تدور في راسها حسيتها عجبوها و حشمت لا تهدرلينوارة كي ركبت في القطار الدوار و خفت وليت حكمت فيه و غمضت عينيا و كبشت فيه حتى لقيتو حطني تحت ذراعو حسيت بوحد الامان جامي حسيت بيه نسيت اللعبة و نسيت الخوف ونسيت الوقت وتمنيت مخرجتش من تحت ذراعو حتى لقيتو يقولي نوضي حبست اللعبة حسيت روحي دخت ماشي من اللعبة من تحضينتو ليا شرالي جي و ماء ريحت شوية و انا عينيا غير معاه و نتبع في تحركاتو بلا ماينتبهلي خاطر المرات الي شاف فيهم معايا يتحسبو بقينا ندورو و داولي قبلي الالعاب وبقيت نشوف معاهم و حشمت نقولو اشريلي لعبي في الالعاب كامل و ساعات نلقاه يضحك عليا قعدنا في كرسي تم و قالي نشريلك بوبي كورن قلتلو ايه هههه جابهولي قلتلو شكرا بزاف عمو جامي لعبت و فرحت كي اليوم ربي يعيشك ملقيتش كيفاش نشكرك قالي متشكرينيش هدا واجبي وهدا والو راح نحوس بيك بزاف كملنا و رحنا تعشينا في روسطورون روعة المشكل قعد مقابلني و يشوف معيا مت بالحشمة مقدرتش ناكل ملقري كنت جيعانة كي شافني مكليتش قالهم حطولها الماكلة اومبورتي ندوها معانا ممبعد داني لوحد الموال كبيير وداني لفرع الي بيعو فيه حوايج تاع النساء و اكسيسوارت دخلني جات لينا وحدة تخدم تم قالتلو استاذ سلطان راني تحت امرك فهمت بلي الموال هدا كامل تاعو انا كنت علابالي بلي هوما ميسورين الحال بصح ماشي للدرجة هده قالها ادي الانسة و الي تعجبها حطيهالها تديها حشمت و رحت مع الطفلة بقيت ندور ندور صح عجبوني بزاف حوايج بصح حشمت حتى لقيتو ورايا قالي هاااااااا نوارة راكي غير تدوري اذا معجبك والو هنا نديك للبلاصة اخرى قلتلو لالا بالعكس كلشي مليح واخر مودال قالي املا علاش مهزيتي والو قلتلو درك نهز ههههه و هبطت راسيسلطان شفتها غير تدور ومشرات والو حسيتها حشمت اشرت للعاملة جاتني قلتلها انا معنديش خبرة بصح ساعدي نوارة باه تختار حوايج ملاح و يخرجو عليها ورحت و خليتها مع العاملةنوارة راح و خلاني مع الطفلة هديك وليت انا نتبع فيها و هي تختارلي و باينة عندها خبرة داتلي بزاف حوايج و حتى ملابس داخلية و اكسيسوارات و وروايح و مستحضرات العناية بالبشرة و الشعر اكسيسوارت كملت و قالي اذا مزال كاش حاجة عاجبتك قولي خاطر الاستاد سلطان قالي انت عروسة و تجهزي انا سمعت كلمة عروسة و انا ولاو رجليا يرعشو و قلبي يخبط بالقاوي وليت نتخيل في روحي مرت سلطان هزيت راسي لقيتو جاي لجيهتنا هبطت راسي مقدرتش نبقا نشوف معاه جاء هز الساشيات كامل حطهم في السيارة و انا وراها فتحلي الباب ركبت وصلنا للميتم عيط للحارس تم قالو دخلهم الداخل انا بقيت واقفة قالي تصبحي بخير بنتي قلتلو بنتي بالشوية شفتو عض على شاربو التحتاني ودور وجهو وقالي اسمعي نوارة كي نقولك بنتي هده الهدرة انا مولف نقولها للاخت حبيبة وليت موالف بالكلمة هذه قلتلو انا حشمانة لالا عادي وانا نعصر في صباعي من الحشمة قلتلو اسمحلي قالي وعلاش حتى نسمحلك حبيبتي روحي ارتاحي و متوجعيش راسك بالتخمام هكا هيا ادخلي برد الحال عليك جيت ندخل لقيتو عيطلي و في يدو ساشي رجعت ليه جبد منها خيمار قالي متفهمينيش غالط بصح انا منحبش مرتي تمشي و شعرها عريان وحطلي الخمار على راسي وقلي جيتي احسن ملي كان شعرك عريان تبسمت عجبني الحال كي قالي جيتي مليحة دخلت و انا طايرة من الفرحة حبيبة وصلت 11 و نص تاع اليل و انا تقلقت و بقيت ندور في البيت وحدي ونقول سلطان طول اكيد ماشي حاجة ساهلة انك تكوني علابالك راجلك راح يحوس مع خطيبتو باه يولي يحبها و تحبو وعلابلي هذا والو خاطر يجي نهار الي راح تسكن معاه في البيت الي حدايا وراح يتغلق عليهم باب واحد بصح و الله صعيبة المهم الامر انني نحب نوارة وحابتها تكون سعيدة في حياتها ولازم نصبر كيما صبر معايا سلطان عشرين سنة الثمن هذا حاجة بسيطة بالنسبة الي صبرو معايا انا هكا و هو دخل عليا لا اراديا قلتلو بلهفة وين كنتي خزر معايا خاطر اول مرة سقسيتو وين كان ممبعد حاولت ندورها قلتلو راك طولتي على نوارة خاطر العساس الوقت هذا موالف يغلق الباب و يرقد قالي ايه و الله لقيناه راح يغلق الباب و راني ديتها كيما قلتيلي للموال و شريتلها واش حبت واش الي محبتش المهم فرحت بزاف عييت ياحبيبة حاب نتدوش و نرقد قتلو حبيبي خلاص ارتاح يا حضرت العميد سلطان ضحك و قالي حضري روحك ندوش و نجي حشمت منو قلتلو لالا لازم ترقد غدوة تخدم على الصباح قالي وانا واش يصبرني عليك ضحكت ودزيتو قلتلو ادوش و ممبعد نتفاهمو فيها ههههههههههههههههههنوارة مع دخلت للبيت لقيت رشا ضاربة حطة و مكياج و تقولو في التليفون اصبر تولي 12 تاع اليل يكون العساس رقد باه نقدر نهرب ونخرج عندك ..................... يتبع